ಸಚಿನ್ ಮಗಳು ಸಾರಾ ಆನ್ಲೈನ್ ಗೇಮ್ ಆ್ಯಪ್ ಮೂಲಕ ದಿನಕ್ಕೆ 18 ಲಕ್ಷ ರೂ. ಗಳಿಸುತ್ತಾಳೆಂಬ ವಿಡಿಯೋ ನಿಜವೋ ಫೇಕೋ?
ಸಾರಾಂಶ
ತನ್ನ ಮಗಳು ಸಾರಾ ಆನ್ಲೈನ್ ವಿಡಿಯೋ ಗೇಮ್ಗಳ ಮೂಲಕ ದಿನಕ್ಕೆ ಒಂದೂವರೆ ಲಕ್ಷ ಸಂಪಾದಿಸುತ್ತಾಳೆ ಎಂದಿದ್ದ ಸಚಿನ್ ತೆಂಡೂಲ್ಕರ್ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದಾರೆ.
ಭಾರತದ ಲೆಜೆಂಡರಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ತನ್ನ ಮಗಳು ಸಾರಾ ಸುಲಭವಾಗಿ ಹಣ ಸಂಪಾದಿಸಲು ಗೇಮಿಂಗ್ ಆ್ಯಪ್ ಹೇಗೆ ಸಹಾಯ ಮಾಡಿದೆ ಎಂಬುದನ್ನು ವಿವರಿಸುವ ವಿಡಿಯೋವೊಂದು ಹರಿದಾಡುತ್ತಿತ್ತು. ಆದರೆ, ಈ ವಿಡಿಯೋ ಗಮನಿಸಿರುವ ತೆಂಡೂಲ್ಕರ್, ಇದು ನಕಲಿ ಎಂದಿದ್ದಾರೆ. ಜೊತೆಗೆ ಇಂಥ ಫೇಕ್ ವಿಡಿಯೋಗಳ ವಿರುದ್ಧ ಹರಿ ಹಾಯ್ದಿದ್ದಾರೆ.
ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ, ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ (ಹಿಂದಿನ ಟ್ವಿಟರ್) ಈ ಬಗ್ಗೆ ಬಲವಾದ ಪ್ರತಿಕ್ರಿಯೆ ನೀಡಿದ್ದು, ಇಂತಹ ತಪ್ಪು ಮಾಹಿತಿಯ ಹರಡುವಿಕೆಯನ್ನು ತಡೆಯಲು ತ್ವರಿತ ಕ್ರಮವನ್ನು ಕೈಗೊಳ್ಳಬೇಕೆಂದು ಒತ್ತಾಯಿಸಿದ್ದಾರೆ.
'ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ಗಳು ಜಾಗರೂಕರಾಗಿರಬೇಕು ಮತ್ತು ದೂರುಗಳಿಗೆ ಸ್ಪಂದಿಸಬೇಕು. ಅವರ ಕಡೆಯಿಂದ ತೆಗೆದುಕೊಳ್ಳುವ ತ್ವರಿತ ಕ್ರಮವು ತಪ್ಪು ಮಾಹಿತಿ ಮತ್ತು ಡೀಪ್ಫೇಕ್ ವಿಡಿಯೋಗಳ ಹರಡುವಿಕೆಯನ್ನು ತಡೆಯಲು ನಿರ್ಣಾಯಕವಾಗಿದೆ' ಎಂದು ಸಚಿನ್ ಬರೆದಿದ್ದಾರೆ.
ಟೆಸ್ಲಾ ಕಾರು ಬಳಸಿ ರಾಮ್ ಹೆಸರನ್ನು ರಚಿಸಿದ ಅಮೆರಿಕ ವಾಸಿ ಭಾರತೀಯರು!
AI ಅನ್ನು ಬಳಸಿಕೊಂಡು ತಯಾರಿಸಿರುವ ನಕಲಿ ವಿಡಿಯೋದಲ್ಲಿ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ಹೊಸ ಅಪ್ಲಿಕೇಶನ್ ತನ್ನ ಮಗಳು ಸುಲಭವಾಗಿ ಹಣವನ್ನು ಗಳಿಸಲು ಹೇಗೆ ಸಹಾಯ ಮಾಡಿದೆ ಎಂಬುದನ್ನು ವಿವರಿಸುವುದನ್ನು ಕಾಣಬಹುದು. ಸಚಿನ್ ಅಪ್ಲಿಕೇಶನ್ನಿನ ಅರ್ಹತೆಯ ಬಗ್ಗೆ ಮಾತನಾಡುವುದನ್ನು ವೀಡಿಯೊ ತೋರಿಸಿದೆ, ಹಣ ಸಂಪಾದಿಸುವುದು ತುಂಬಾ ಸುಲಭವಾಗಿದೆ ಎಂದು ತನಗೆ ತಿಳಿದಿರಲಿಲ್ಲ ಎಂದು ಹೇಳುತ್ತಾರೆ.
ಆದರೆ, ಈ ವಿಡಿಯೋ ನಕಲಿ ಎಂದಿರುವ ಸಚಿನ್, 'ತಂತ್ರಜ್ಞಾನದ ಅತಿರೇಕದ ದುರುಪಯೋಗವನ್ನು ನೋಡುವುದು ಗೊಂದಲದ ಸಂಗತಿಯಾಗಿದೆ. ಈ ರೀತಿಯ ವೀಡಿಯೊಗಳು, ಜಾಹೀರಾತುಗಳು ಮತ್ತು ಅಪ್ಲಿಕೇಶನ್ಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ವರದಿ ಮಾಡಲು ಪ್ರತಿಯೊಬ್ಬರಲ್ಲೂ ವಿನಂತಿಸಿಕೊಳ್ಳುತ್ತೇನೆ' ಎಂದಿದ್ದಾರೆ.
ಆಡೋದ್ರಲ್ಲೂ ಮುಂದು, ಹೂಡೋದ್ರಲ್ಲೂ ಮುಂದು..! ಈ Startup ಕಂಪನಿಗಳ ಮೇಲೆ ಹಣ ಹಾಕಿದ್ದಾರೆ ನಮ್ಮ ಕ್ರಿಕೆಟರ್ಸ್!
ನಕಲಿ ವಿಡಿಯೋ ತಯಾರಿಕೆ ಜಾಲ
ವಿಡಿಯೊದಲ್ಲಿ ಬಳಸಲಾದ ಆಡಿಯೊವು ತೆಂಡೂಲ್ಕರ್ ಅವರ ಮೂಲ ಧ್ವನಿಗೆ ಹೊಂದಿಕೆಯಾಗಿರುವುದು ಆತಂಕಕಾರಿ ಸಂಗತಿಯಾಗಿದೆ. ಲಿಪ್ ಸಿಂಕಿಂಗ್ ಉತ್ತಮವಾಗಿದ್ದರೆ ಅದನ್ನು ಪ್ರಶ್ನಿಸಲು ಯಾರಿಗಾದರೂ ತುಂಬಾ ಕಷ್ಟವಾಗುತ್ತಿತ್ತು. ಗಮನಾರ್ಹವಾಗಿ, ಬಹು AI ಪ್ಲಾಟ್ಫಾರ್ಮ್ಗಳು ಪ್ರಪಂಚದ ವಿವಿಧ ಭಾಗಗಳ ಪ್ರಸಿದ್ಧ ವ್ಯಕ್ತಿಗಳ ನಿಖರವಾದ ಆಡಿಯೊವನ್ನು ರಚಿಸಬಹುದು. ಒಬ್ಬರು ಮಾಡಬೇಕಾಗಿರುವುದು ಸರಿಯಾದ ಇನ್ಪುಟ್ ನೀಡುವುದು. AI ಸಾಫ್ಟ್ವೇರ್, ಬಹು ಮೂಲ ಮಾದರಿಗಳನ್ನು ಬಳಸಿ, ನಕಲಿ ಆಡಿಯೊ ಮತ್ತು ದೃಶ್ಯಗಳನ್ನು ಸಹ ರಚಿಸಬಹುದು.
2018ರಲ್ಲಿ, ಸಾರಾ ಅವರ ನಕಲಿ ಟ್ವಿಟರ್ (ಈಗ ಎಕ್ಸ್) ಖಾತೆಯನ್ನು ಸೃಷ್ಟಿಸಿದ ಆರೋಪದಲ್ಲಿ 39 ವರ್ಷದ ಮುಂಬೈ ಎಂಜಿನಿಯರ್ ಅನ್ನು ಬಂಧಿಸಲಾಯಿತು. ಆಗ ತೆಂಡೂಲ್ಕರ್ ಅಧಿಕೃತ ದೂರು ದಾಖಲಿಸಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.