RCB ಫೈನಲ್ ಪಂದ್ಯ ನೋಡಲು ಹೊರಟವರಿಗೆ ಟೈಮ್ ತಪ್ಪಿಸಿದ ಸ್ಪೈಸ್ ಜೆಟ್ ವಿಮಾನ; ಅಭಿಮಾನಿಗಳ ಆಕ್ರೋಶ!
ಸಾರಾಂಶ
ಐಪಿಎಲ್ ಫೈನಲ್ ವೀಕ್ಷಿಸಲು ಅಹಮದಾಬಾದ್ಗೆ ತೆರಳಬೇಕಿದ್ದ RCB ಅಭಿಮಾನಿಗಳು ಸ್ಪೈಸ್ ಜೆಟ್ ವಿಮಾನ ವಿಳಂಬದಿಂದಾಗಿ ಬೆಂಗಳೂರು ವಿಮಾನ ನಿಲ್ದಾಣದಲ್ಲಿ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಬೆಳಿಗ್ಗೆ 8 ಗಂಟೆಗೆ ಹೊರಡಬೇಕಿದ್ದ ವಿಮಾನ ವಿಳಂಬವಾಗಿದ್ದರಿಂದ ಅಭಿಮಾನಿಗಳು ಪಂದ್ಯ ವೀಕ್ಷಣೆ ತಪ್ಪಸಿಕೊಳ್ಳಬಹುದು.
ಬೆಂಗಳೂರು (ಜೂ.03): ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ಸಿಬಿ) ಅಭಿಮಾನಿಗಳು ಈ ಬಾರಿ ಕೇವಲ ಕ್ರಿಕೆಟ್ ಮೈದಾನದಲ್ಲಿ ಮಾತ್ರವಲ್ಲ, ಏರ್ಪೋರ್ಟ್ನಲ್ಲೂ ತಮ್ಮ ಭಾವನಾತ್ಮಕ ಬೆಂಬಲವನ್ನು ತೋರಿಸಿದ್ದಾರೆ. ಪ್ಲೈಟ್ ವಿಳಂಬವಾಗಿರುವ ಕಾರಣಕ್ಕಾಗಿ ಬೆಂಗಳೂರಿನ ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ಸ್ಪೈಸ್ ಜೆಟ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿ ಅಭಿಮಾನಿಗಳು ಗದ್ದಲ ಸೃಷ್ಟಿಸಿದರು.
ಆರ್ಸಿಬಿ ಮತ್ತು ಪಂಜಾಬ್ ನಡುವಿನ ಐಪಿಎಲ್ ಪೈನಲ್ ಪಂದ್ಯ ವೀಕ್ಷಿಸಲು ಬೆಂಗಳೂರಿನಿಂದ ಅಹಮದಾಬಾದ್ಗೆ ತೆರಳಲು ನೂರಾರು ಅಭಿಮಾನಿಗಳು ಬೆಳಿಗ್ಗೆ 6 ಗಂಟೆಯಷ್ಟರಲ್ಲೇ ಕೆಂಪೇಗೌಡ ಏರ್ಪೋರ್ಟ್ಗೆ ಆಗಮಿಸಿದ್ದರು. ಎಲ್ಲರಿಗೂ ಕೇವಲ ಒಂದು ಆಶಯ ಏನೆಂದರೆ – ತಮ್ಮ ಪ್ರೀತಿಯ ತಂಡ ಆರ್ಸಿಬಿಯ ಐತಿಹಾಸಿಕ ಪೈನಲ್ ಪಂದ್ಯ ವೀಕ್ಷಿಸುವುದು.
ಬೆಳಗ್ಗೆ 8 ಗಂಟೆಗೆ ಟೇಕ್ ಆಫ್ ಆಗಬೇಕಾದ ಸ್ಪೈಸ್ ಜೆಟ್ ವಿಮಾನ (SG-xyz) ಅನಿರೀಕ್ಷಿತವಾಗಿ ಮೊದಲಿಗೆ ಒಂದು ಗಂಟೆ ವಿಳಂಬವಾಗಿದ್ದು, ನಂತರ ಮತ್ತೆ ಗಂಟೆಗಂಟೆಗೆ ವಿಳಂಬ ಹೆಚ್ಚಾಗಿದೆ. 10 ಗಂಟೆ ಆದರೂ ವಿಮಾನ ಬಾರದ ಕಾರಣ ಪ್ರಯಾಣಿಕರ ಸಹನೆಯ ಕಟ್ಟೆಯೊಡೆದಿದ್ದು, ಏರ್ಪೋರ್ಟ್ನಲ್ಲೇ ಸ್ಪೈಸ್ ಜೆಟ್ ಸಿಬ್ಬಂದಿಯ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಕೆಲವು ಅಭಿಮಾನಿಗಳು ವಿಮಾನ ನಿಲ್ದಾಣದ ಸಿಬ್ಬಂದಿಗೆ ಪ್ರಶ್ನೆ ಮಾಡುತ್ತಾ ತಮ್ಮ ಆಕ್ರೋಶ ಭರಿತ ವಿಡಿಯೋಗಳನ್ನು, ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳಲಾರಂಭಿಸಿದ್ದಾರೆ.
‘ನಾವು 6 ಗಂಟೆಗೆ ಬಂದಿದ್ದೇವೆ, ಸಮಯಕ್ಕೆ ಮುಂಚೆ ಬಂದಿದ್ದೇವೆ. ಐಪಿಎಲ್ ಫೈನಲ್ ನೋಡಿ ಬರುವ ಕನಸು ನಮ್ಮದು. ಆದರೆ ಸ್ಪೈಸ್ ಜೆಟ್ನ ನಿರ್ಲಕ್ಷ್ಯದಿಂದ ನಮಗೆ ಕ್ರಿಕೆಟ್ ಪಂದ್ಯ ನೋಡುವಂತಹ ಅವಕಾಶ ತಪ್ಪಿಹೋಗಲಿದೆ' ಎಂಬ ಆಕ್ರೋಶದ ಮಾತುಗಳು ಸ್ಥಳದಲ್ಲಿದ್ದ ಅನೇಕ ಅಭಿಮಾನಿಗಳಲ್ಲಿ ಕೇಳಿಬಂದವು.
ಇದರ ಜೊತೆಗೆ, ಕೆಲವರು ವಿಮಾನ ವಿಳಂಬದ ಸರಿಯಾದ ಕಾರಣವನ್ನೂ ಹಾಗೂ ಅಭಿಮಾನಿಗಳಿಗೆ ಯಾವುದೇ ರೀತಿಯ ಉತ್ತರವನ್ನೂ ಸಿಬ್ಬಂದಿ ನೀಡುತ್ತಿಲ್ಲ' ಎಂಬುದಾಗಿ ಆರೋಪಿಸಿದ್ದಾರೆ. ಯಾವುದೇ ತಕ್ಷಣದ ಪರಿಹಾರ ನೀಡದಿರುವುದಕ್ಕೆ ಸ್ಪೈಸ್ ಜೆಟ್ ವಿರುದ್ಧ ಸಾಮಾಜಿಕ ಮಾಧ್ಯಮಗಳಲ್ಲಿ ತೀವ್ರ ವಾಗ್ದಾಳಿ ನಡೆದಿದೆ.
ಈ ಕುರಿತು ಸ್ಪೈಸ್ ಜೆಟ್ ಕಂಪನಿಯಿಂದ ಅಧಿಕೃತ ಪ್ರತಿಕ್ರಿಯೆ ಇನ್ನೂ ಹೊರಬಿದ್ದಿಲ್ಲ. ಆದರೆ ಪ್ಲೈಟ್ ಡಿಲೇ ಘಟನೆ ಕ್ರಿಕೆಟ್ ಅಭಿಮಾನಿಗಳಲ್ಲಿ ನಿರಾಸೆ ಮೂಡಿಸಿದೆ. ಇದರಿಂದಾಗಿ ಐಪಿಎಲ್ ಫೈನಲ್ ಪಂದ್ಯ ವೀಕ್ಷಣೆಯ ಕನಸು ಕನಸಾಗಿಯೇ ಉಳಿಯುವ ಸಾಧ್ಯತೆ ಇದೆ.
ಪ್ರಮುಖ ಅಂಶಗಳು:
- ಸ್ಪೈಸ್ ಜೆಟ್ ವಿಮಾನ SG-XYZ ಬೆಳಿಗ್ಗೆ 8 ಕ್ಕೆ ಟೇಕ್ ಆಫ್ ಆಗಬೇಕಾಗಿತ್ತು
- ಐಪಿಎಲ್ ಪೈನಲ್ ವೀಕ್ಷಣೆಗೆ RCB ಅಭಿಮಾನಿಗಳು ಅಹಮದಾಬಾದ್ಗೆ ತೆರಳುತ್ತಿದ್ದರು
- 6 ಗಂಟೆಗೆ ಏರ್ಪೋರ್ಟ್ಗೆ ಆಗಮಿಸಿದರೂ, 11 ಗಂಟೆಯಾದರೂ ವಿಮಾನ ಟೇಕ್ ಆಫ್ ಆಗದೇ ವಿಳಂಬ
- ಅಭಿಮಾನಿಗಳಿಂದ ವಿಮಾನ ಸಿಬ್ಬಂದಿ ವಿರುದ್ಧ ಆಕ್ರೋಶ
- ವಿಮಾನ ವಿಳಂಬದಿಂದ ಅಭಿಮಾನಿಗಳ ನಿರಾಸೆ
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.