ನ್ಯೂಜಿ​ಲೆಂಡಲ್ಲಿ ಜಸ್ಪ್ರೀತ್‌ ಬುಮ್ರಾ​ಗೆ ಶಸ್ತ್ರ​ಚಿ​ಕಿ​ತ್ಸೆ ಯಶಸ್ವಿ; 6 ತಿಂಗಳು ರೆಸ್ಟ್‌..!

ಬೆನ್ನು ನೋವಿನ ಸಮಸ್ಯೆಯಿಂದ ಬಳಲುತ್ತಿರುವ ಬುಮ್ರಾಗೆ ಯಶಸ್ವಿ ಶಸ್ತ್ರಚಿಕಿತ್ಸೆ ನ್ಯೂಜಿಲೆಂಡ್‌ನಲ್ಲಿ ಶಸ್ತ್ರಚಿಕಿತ್ಸೆಗೆ ಒಳಗಾದ ಟೀಂ ಇಂಡಿಯಾ ವೇಗಿ ಆರು ತಿಂಗಳುಗಳ ಕಾಲ ಕ್ರಿಕೆಟ್‌ನಿಂದ ದೂರವಿರಲಿರುವ ಬುಮ್ರಾ

ಕ್ರೈಸ್ಟ್‌​ಚರ್ಚ್(ಮಾ.09): ದೀರ್ಘ ಸಮ​ಯ​ದಿಂದ ಬೆನ್ನು ನೋವಿ​ನ ​ಸಮಸ್ಯೆಯಿಂದ ಬಳಲು​ತ್ತಿ​ರುವ ಭಾರ​ತೀಯ ವೇಗಿ ಜಸ್‌​ಪ್ರೀತ್‌ ಬುಮ್ರಾ ಅವರು ಬುಧ​ವಾರ ನ್ಯೂಜಿ​ಲೆಂಡ್‌ನ ಕ್ರೈಸ್ಟ್‌​ಚರ್ಚ್‌ನಲ್ಲಿ ಶಸ್ತ್ರ​ಚಿ​ಕಿ​ತ್ಸೆಗೆ ಒಳ​ಗಾ​ಗಿ​ದ್ದಾರೆ. ಹಲವು ಕ್ರಿಕೆ​ಟಿ​ಗ​ರಿಗೆ ಯಶ​ಸ್ವಿ​ಯಾಗಿ ಶಸ್ತ್ರ​ಚಿ​ಕಿತ್ಸೆ ನಡೆ​ಸಿರುವ ಡಾ.ರೋವನ್‌ ಶೌಟೆನ್‌ ಬುಮ್ರಾಗೂ ಶಸ್ತ್ರ​ಚಿ​ಕಿತ್ಸೆ ನಡೆ​ಸಿ​ದ್ದಾರೆ ಎಂದು ತಿಳಿ​ದು​ಬಂದಿದೆ.

ವೇಗಿ ಜಸ್ಪ್ರೀತ್ ಬುಮ್ರಾ ಶೀಘ್ರ​ದಲ್ಲೇ ಭಾರ​ತಕ್ಕೆ ಮರ​ಳ​ಲಿದ್ದು, ಸುಮಾರು 6 ತಿಂಗಳ ಕಾಲ ವಿಶ್ರಾಂತಿ ಪಡೆ​ಯ​ಲಿ​ದ್ದಾರೆ ಎಂದು ಹೇಳ​ಲಾ​ಗು​ತ್ತಿದೆ. ಆದರೆ ಅಕ್ಟೋ​ಬ​ರ್‌-ನವೆಂಬ​ರ್‌​ನಲ್ಲಿ ನಡೆ​ಯಲಿ​ರುವ ಏಕ​ದಿನ ವಿಶ್ವ​ಕ​ಪ್‌ಗೂ ಮುನ್ನ ಸಂಪೂರ್ಣ ಫಿಟ್‌ ಆಗುವ ನಿರೀ​ಕ್ಷೆ​ಯಿ​ದೆ. ಅವರು ಕಳೆದ ಸೆಪ್ಟಂಬ​ರ್‌​ನಿಂದಲೂ ಸ್ಪರ್ಧಾ​ತ್ಮಕ ಕ್ರಿಕೆ​ಟ್‌​ನಿಂದ ದೂರವಿದ್ದಾರೆ.

ರ‍್ಯಾಂಕಿಂಗ್‌‌: 6 ಅಂಕ ಕಳೆದುಕೊಂಡ ಅಶ್ವಿನ್‌!

ದುಬೈ: ಭಾರತದ ಹಿರಿಯ ಆಫ್‌ ಸ್ಪಿನ್ನರ್‌ ಆರ್‌.ಅಶ್ವಿನ್‌ ಹಾಗೂ ಇಂಗ್ಲೆಂಡ್‌ನ ಜೇಮ್ಸ್‌ ಆ್ಯಂಡರ್‌ಸನ್‌ ಬುಧ​ವಾರ ಪ್ರಕ​ಟ​ಗೊಂಡ ಐಸಿಸಿ ಟೆಸ್ಟ್‌ ಬೌಲರ್‌ಗಳ ರ‍್ಯಾಂಕಿಂಗ್‌‌ ಪಟ್ಟಿಯಲ್ಲಿ ಜಂಟಿ ಅಗ್ರ​ಸ್ಥಾನ ಪಡೆ​ದಿದ್ದಾರೆ. ಕಳೆದ ವಾರ 41 ವರ್ಷದ ಆ್ಯಂಡ​ರ್‌​ಸನ್ನು ಹಿಂದಿಕ್ಕಿ ಅಶ್ವಿನ್‌ 2017ರ ಬಳಿಕ ಮೊದಲ ಬಾರಿಗೆ ನಂ.1 ಸ್ಥಾನ​ಕ್ಕೇ​ರಿ​ದ್ದರು. ಆದರೆ ನೂತನ ಪಟ್ಟಿ​ಯಲ್ಲಿ ಅಶ್ವಿನ್‌ 6 ರೇಟಿಂಗ್‌ ಅಂಕ​ಗ​ಳನ್ನು ಕಳೆ​ದು​ಕೊಂಡಿದ್ದು, ಸದ್ಯ 859 ರೇಟಿಂಗ್‌​ ಅಂಕ​ದೊಂದಿಗೆ ಆ್ಯಂಡ​ರ್‌​ಸನ್‌ ಜೊತೆ ಅಗ್ರ​ಸ್ಥಾನ ಹಂಚಿ​ಕೊಂಡಿ​ದ್ದಾರೆ. 849 ಅಂಕ ಹೊಂದಿ​ರುವ ಪ್ಯಾಟ್‌ ಕಮಿನ್ಸ್‌ 3ನೇ ಸ್ಥಾನ​ದ​ಲ್ಲಿ​ದ್ದಾರೆ. ಆಲ್ರೌಂಡರ್‌ಗಳ ಪಟ್ಟಿಯಲ್ಲಿ ಜಡೇಜಾ ಹಾಗೂ ಅಶ್ವಿನ್‌ ಕ್ರಮವಾಗಿ ಮೊದಲೆರಡು ಸ್ಥಾನದಲ್ಲಿ ಮುಂದುವರಿದಿದ್ದಾರೆ.

ಡಿಆರ್‌ಎಸ್‌ ಬಳಿಕೆಯಲ್ಲಿ ಎಡವುತ್ತಿದ್ದೇವೆ: ರೋಹಿತ್‌

ಅಹ​ಮ​ದಾ​ಬಾ​ದ್‌: ಆಸ್ಪ್ರೇ​ಲಿಯಾ ವಿರುದ್ಧ ಸರ​ಣಿ​ಯಲ್ಲಿ ಡಿಆ​ರ್‌​ಎಸ್‌ ಬಳ​ಕೆ​ಯಲ್ಲಿ ಪದೇ ಪದೇ ತಪ್ಪು​ಗ​ಳಾ​ಗು​ತ್ತಿರುವ ಬಗ್ಗೆ ಪ್ರತಿ​ಕ್ರಿ​ಯಿ​ಸಿ​ರುವ ಭಾರ​ತದ ನಾಯಕ ರೋಹಿತ್‌ ಶರ್ಮಾ, ‘ಡಿಆ​ರ್‌​ಎಸ್‌ ಬಳ​ಕೆ​ಯಲ್ಲಿ ನಾವು ಎಡ​ವು​ತ್ತಿ​ದ್ದೇವೆ. ವಿಶೇ​ಷ​ವಾಗಿ ಜಡೇಜಾ ಎಲ್ಲಾ ಎಸೆ​ತ​ಗ​ಳನ್ನು ಔಟ್‌ ಎಂದೇ ಭಾವಿ​ಸು​ತ್ತಾರೆ’ ಎಂದಿ​ದ್ದಾ​ರೆ. ‘ಬೌಲರ್‌ ಹಾಗೂ ವಿಕೆ​ಟ್‌​ ಕೀ​ಪರ್‌ ವಿಶ್ವಾಸ ಹೊಂದಿ​ದ್ದರೆ ನಾವು ಡಿಆ​ರ್‌​ಎಸ್‌ ಪಡೆ​ಯು​ತ್ತೇವೆ. ಆದರೆ ಕೆಲ ಎಸೆ​ತ​ಗಳು ಸ್ಟಂಪ್‌ನ ಹತ್ತಿ​ರಕ್ಕೂ ಬಂದಿ​ರು​ವು​ದಿಲ್ಲ. ಮುಂದಿನ ಪಂದ್ಯ​ದಲ್ಲಿ ಈ ತಪ್ಪು​ಗ​ಳನ್ನು ಸರಿ​ಪ​ಡಿ​ಸುವ ಭರ​ವಸೆ ಇದೆ’ ಎಂದು ರೋಹಿತ್‌ ಹೇಳಿದ್ದಾರೆ.

ಐಸಿಸಿ ತೀರ್ಪು ಬಗ್ಗೆ ಬಿಸಿಸಿಐ ಮೇಲ್ಮನವಿ?

3ನೇ ಟೆಸ್ಟ್‌ಗೆ ಆತಿಥ್ಯ ವಹಿಸಿದ್ದ ಇಂದೋರ್‌ನ ಹೋಲ್ಕರ್‌ ಕ್ರೀಡಾಂಗಣದ ಪಿಚ್‌ಗೆ ಮ್ಯಾಚ್‌ ರೆಫ್ರಿ ಕ್ರಿಸ್‌ ಬ್ರಾಡ್‌ ‘ಕಳಪೆ’ ಎಂದು ರೇಟಿಂಗ್‌ ನೀಡಿದ್ದರು. ಐಸಿಸಿಯ ಈ ತೀರ್ಪಿನ ಬಗ್ಗೆ ಬಿಸಿಸಿಐ ಮೇಲ್ಮನವಿ ಸಲ್ಲಿಸಲು ಗಂಭೀರ ಚಿಂತನೆ ನಡೆಸುತ್ತಿದೆ ಎನ್ನಲಾಗಿದೆ. ಮೇಲ್ಮನವಿ ಸಲ್ಲಿಸಲು ಐಸಿಸಿ ನಿರ್ಧಾರ ಪ್ರಕಟಿಸಿದ ದಿನದಿಂದ 14 ದಿನಗಳವರೆಗೂ ಸಮಯವಿರಲಿದೆ.