ಜಿಂಬಾಬ್ವೆ ಪ್ರವಾಸದಲ್ಲಿ ಕೆ ಎಲ್ ರಾಹುಲ್ ಯಾವ ಕ್ರಮಾಂಕದಲ್ಲಿ ಆಡ್ತಾರೆ..?
ಸಾರಾಂಶ
ಜಿಂಬಾಬ್ವೆ ಪ್ರವಾಸಕ್ಕೆ ಸಜ್ಜಾದ ಟೀಂ ಇಂಡಿಯಾ ನಾಯಕನಾಗಿ ಟೀಂ ಇಂಡಿಯಾ ಮುನ್ನಡೆಸಲಿರುವ ಕೆ ಎಲ್ ರಾಹುಲ್ ಕೆ ಎಲ್ ರಾಹುಲ್ ಬ್ಯಾಟಿಂಗ್ ಕ್ರಮಾಂಕದ ಬಗ್ಗೆ ಜೋರಾಯ್ತು ಕುತೂಹಲ
ಬೆಂಗಳೂರು(ಆ.13): ಕಳೆದ ಎರಡು ತಿಂಗಳಿಂದ ಗಾಯ ಅನ್ನೋ ಭೂತ ಕಾಡಿದ್ದರಿಂದ ಸ್ಪರ್ಧಾತ್ಮಕ ಕ್ರಿಕೆಟ್ನಿಂದ ದೂರ ಉಳಿದಿದ್ದ ಕನ್ನಡಿಗ ಕೆಎಲ್ ರಾಹುಲ್ಗೆ ದೈವಬಲ ಸಿಕ್ಕಿದೆ. ಚಿಕ್ಕಬಳ್ಳಾಪುರ ಬಳಿ ಇರುವ ಘಾಟಿ ಸುಬ್ರಮಣ್ಯ ದೇವಸ್ಥಾನಕ್ಕೆ ಭೇಟಿ ನೀಡಿದ ಬೆನ್ನಲ್ಲೇ ಏಷ್ಯಾಕಪ್ಗೆ ಸೆಲೆಕ್ಟ್ ಆಗಿದ್ದರು. ಜಿಂಬಾಬ್ವೆ ಸರಣಿಯಿಂದ ಡ್ರಾಪ್ ಆಗಿದ್ದ ಇದೇ ರಾಹುಲ್, ಈಗ ಅದೇ ಜಿಂಬಾಬ್ವೆಗೆ ನಾಯಕರಾಗಿ ಹೋಗ್ತಿದ್ದಾರೆ. ಭಾರತ ಒನ್ಡೇ ಟೀಂ ಅನ್ನ ಕನ್ನಡಿಗ ಲೀಡ್ ಮಾಡ್ತಿದ್ದಾರೆ. ಎಲ್ಲಾ ದೈವಬಲ.
ಈಗ ವಿಷ್ಯ ಅದಲ್ಲ. ಜಿಂಬಾಬ್ವೆಯಲ್ಲಿ ಕನ್ನಡಿಗ ಯಾವ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡ್ತಾರೆ ಅನ್ನೋ ಪ್ರಶ್ನೆ ಎದ್ದಿದೆ. ಟೆಸ್ಟ್ ಮತ್ತು ಟಿ20ಯಲ್ಲಿ ಖಾಯಂ ಓಪನರ್ ಆಗಿರುವ ರಾಹುಲ್ಗೆ ಒನ್ಡೇಯಲ್ಲಿ ಮಾತ್ರ ಇಂತದ್ದೇ ಕ್ರಮಾಂಕ ಅಂತ ಫಿಕ್ಸ್ ಇಲ್ಲ. ಅವರ ಕೆರಿಯರ್ನಲ್ಲಿ ಆಡಿರೋ 41 ಒನ್ಡೇ ಇನ್ನಿಂಗ್ಸ್ಗಳನ್ನ 1ರಿಂದ 6ನೇ ಕ್ರಮಾಂಕದವರೆಗೂ ಆಡಿದ್ದಾರೆ. ಅತಿಹೆಚ್ಚು ಇನ್ನಿಂಗ್ಸ್ ಆಡಿರೋದು ಓಪನರ್ ಆಗಿ. ಸೆಕೆಂಡ್ ಹೈಯಸ್ಟ್ ಆಡಿರೋದು ನಂಬರ್ 5 ಸ್ಲಾಟ್ನಲ್ಲಿ.
ಒನ್ಡೇಯಲ್ಲಿ ನಂ. 5 ಸ್ಲಾಟ್ಗೆ ಫಿಕ್ಸ್ ಆಗ್ತಾರಾ ರಾಹುಲ್..?:
ರೋಹಿತ್ ಶರ್ಮಾ ಮತ್ತು ಶಿಖರ್ ಧವನ್, ಒನ್ಡೇ ಕ್ರಿಕೆಟ್ನಲ್ಲಿ ದಿ ಬೆಸ್ಟ್ ಆರಂಭಿಕ ಜೋಡಿ. ಇವರಿಬ್ಬರು ಸೇರಿಕೊಂಡು ದಾಖಲೆಯ ರನ್ ಹೊಡೆದಿದ್ದಾರೆ. ಹಾಗಾಗಿ ಮುಂದಿನ ವರ್ಷ ನಡೆಯೋ ಒನ್ಡೇ ವರ್ಲ್ಡ್ಕಪ್ವರೆಗೆ ಈ ಜೋಡಿಯೇ ಏಕದಿನ ಕ್ರಿಕೆಟ್ನಲ್ಲಿ ಟೀಂ ಇಂಡಿಯಾ ಓಪನರ್ಸ್. ಕೊಹ್ಲಿ ನಂಬರ್ 3 ಮತ್ತು ಪಂತ್ ನಂಬರ್ 4 ಸ್ಲಾಟ್ನಲ್ಲಿ ಆಡ್ತಾರೆ. ಖಾಲಿ ಇರೋದು ನಂಬರ್ 5 ಸ್ಲಾಟ್ ಮಾತ್ರ. ಇನ್ನೊಂದು ಇಂಟ್ರೆಸ್ಟಿಂಗ್ ವಿಷ್ಯ ಅಂದ್ರೆ ಇದೇ ಕ್ರಮಾಂಕದಲ್ಲೇ ರಾಹುಲ್, ಅದ್ಭುತ ಸ್ಟ್ರೈಕ್ರೇಟ್ ಹೊಂದಿದ್ದಾರೆ.
ಒನ್ಡೇ ಕ್ರಿಕೆಟ್ನಲ್ಲಿ ಪಾಂಡ್ಯ ಜೊತೆ ಸೇರಿಕೊಂಡು ಮ್ಯಾಚ್ ಫಿನಿಶ್ ಮಾಡೋರು ಯಾರೂ ಇಲ್ಲ. ಹಾಗಾಗಿ ರಾಹುಲ್ಗೆ ನಂಬರ್ 5 ಸ್ಲಾಟ್ ಕೊಹ್ಲಿ ಕ್ಯಾಪ್ಟನ್ ಆಗಿದ್ದಾಗಲೇ ಫಿಕ್ಸ್ ಆಗಿತ್ತು. ರೋಹಿತ್ ಶರ್ಮಾ - ಶಿಖರ್ ಧವನ್ ಅನುಪಸ್ಥಿತಿಯಲ್ಲಿ ರಾಹುಲ್ ಮತ್ತೆ ಕೆಲ ಪಂದ್ಯಗಳಲ್ಲಿ ಓಪನರ್ ಆದ್ರು. ಆದ್ರೆ ಈಗ ಗಬ್ಬರ್ ಸಿಂಗ್ ಉತ್ತಮ ಫಾರ್ಮ್ನಲ್ಲಿದ್ದು, ಅವರನ್ನ ಡ್ರಾಪ್ ಮಾಡೋ ಮಾತೇ ಇಲ್ಲ. ಹಾಗಾಗಿ ರಾಹುಲ್ಗೆ ನಂಬರ್ 5 ಸ್ಲಾಟೇ ಗತಿ.
ಜಿಂಬಾಬ್ವೆ ಪ್ರವಾಸಕ್ಕೂ ಮುನ್ನ ಭುಜದ ನೋವಿಗೆ ತುತ್ತಾದ ಟೀಂ ಇಂಡಿಯಾ ಸ್ಟಾರ್ ಆಲ್ರೌಂಡರ್..!
ನಂಬರ್ 5 ಸ್ಲಾಟ್ನಲ್ಲಿ KL ರಾಹುಲ್ 10 ಒನ್ಡೇ ಇನ್ನಿಂಗ್ಸ್ಗಳನ್ನಾಡಿದ್ದು, 56.82ರ ಸರಾಸರಿಯಲ್ಲಿ 453 ರನ್ ಹೊಡೆದಿದ್ದಾರೆ. 113.81ರ ಸ್ಟ್ರೈಕ್ರೇಟ್ನಲ್ಲಿ ಬ್ಯಾಟಿಂಗ್ ಮಾಡಿ, ಒಂದು ಶತಕ, 4 ಅರ್ಧಶತಕಗಳನ್ನ ದಾಖಲಿಸಿದ್ದಾರೆ. ನಂಬರ್ 5ನಲ್ಲಿ ಬಿಟ್ಟು ರಾಹುಲ್ ಬೇರೆ ಯಾವ್ದೇ ಕ್ರಮಾಂಕದಲ್ಲೂ 100 ಪ್ಲಸ್ ಸ್ಟ್ರೈಕ್ರೇಟ್ನಲ್ಲಿ ಬ್ಯಾಟಿಂಗ್ ಮಾಡಿಯೇ ಇಲ್ಲ.
ರಾಹುಲ್ ಒಳ್ಳೆ ಫಿನಿಶರ್. 10ರಲ್ಲಿ ಐದು ಪಂದ್ಯಗಳನ್ನ ಅದ್ಭುತವಾಗಿ ಫಿನಿಶ್ ಮಾಡಿದ್ದಾರೆ. ಹಾಗಾಗಿ ಜಿಂಬಾಬ್ವೆಯಲ್ಲಿ ರಾಹುಲ್ ನಂಬರ್ 5 ಸ್ಲಾಟ್ನಲ್ಲಿ ಆಡಿ ಏಕದಿನ ವಿಶ್ವಕಪ್ಗೆ ಈಗಿನಿಂದಲೇ ತಯಾರಿ ನಡೆಸೋ ಸಾಧ್ಯತೆ ಇದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.