ಭಾರತ-ವೆಸ್ಟ್ ಇಂಡೀಸ್ ನಡುವಿನ ಟೆಸ್ಟ್ ಸರಣಿ ಇಂದಿನಿಂದ ಆರಂಭ
ಆತಿಥೇಯ ವಿಂಡೀಸ್ ತಂಡವನ್ನು ಲಘುವಾಗಿ ಪರಿಗಣಿಸುವಂತಿಲ್ಲ
ಅದರಲ್ಲೂ ಈ ಮೂವರ ಎದುರು ಎಚ್ಚರಿಕೆಯಿಂದ ಆಡಬೇಕಿದೆ ಭಾರತ
ಬೆಂಗಳೂರು(ಜು.12) ಇಂಡೋ- ವಿಂಡೀಸ್ ಟೆಸ್ಟ್ ಸರಣಿ ಆರಂಭಕ್ಕೆ ಕ್ಷಣಗಣನ ಶುರುವಾಗಿದೆ. ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಫೈನಲ್ ನಂತರ ಟೀಂ ಇಂಡಿಯಾ ಮತ್ತೆ ಟೆಸ್ಟ್ ಕ್ರಿಕೆಟ್ ಆಡಲು ರೆಡಿಯಾಗಿದೆ. 2023-25ನೇ ಸಾಲಿನ ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ ಮೊದಲ ಸರಣಿಯಲ್ಲಿ ಕೆರಿಬಿಯನ್ನರ ಸವಾಲು ಎದುರಿಸಲಿದೆ. ವಿಂಡೀಸ್ಗೆ ಹೋಲಿಸಿದ್ರೆ, ರೋಹಿತ್ ಶರ್ಮಾ ಪಡೆ ಎಲ್ಲದರಲ್ಲೂ ಸಖತ್ ಸ್ಟ್ರಾಂಗ್ ಆಗಿದೆ. ಹಾಗಂತ ಕ್ರೆಗ್ ಬ್ರಾಥ್‌ವೇಟ್ ಪಡೆಯನ್ನ ಹಗುರವಾಗಿ ಪರಿಗಣಿಸುವಂತಿಲ್ಲ.
ಯೆಸ್, ಯಾವುದೇ ಕಾರಣಕ್ಕೂ ಟೀಂ ಇಂಡಿಯಾ, ವೆಸ್ಟ್ ಇಂಡೀಸ್ನ ಲೈಟಾಗಿ ತೆಗೆದುಕೊಳ್ಳುವಂತಿಲ್ಲ. ಅದರಲ್ಲೂ ಈ ಮೂವರು ಆಟಗಾರರ ಬಗ್ಗೆ ಎಚ್ಚರಿಕೆಯಿಂದಿರಲೇಬೇಕು. ಇವರ ವಿಚಾರದಲ್ಲಿ ಸ್ವಲ್ಪ ಯಾಮಾರಿದ್ರೂ, ಟೀಂ ಇಂಡಿಯಾಗೆ ಕಂಟಕ ತಪ್ಪಿದ್ದಲ್ಲ.
undefined
ಕ್ಯಾಪ್ಟನ್ ಬ್ರಾತ್ವೈಟ್ನ ಆದಷ್ಟು ಬೇಗ ಕಟ್ಟಿಹಾಕಬೇಕು..!
ಸದ್ಯ ಟೆಸ್ಟ್ ಕ್ರಿಕೆಟ್ನಲ್ಲಿ ಬಾಜ್ಬಾಲ್ ಟ್ರೆಂಡ್ ನಡೆಯುತ್ತಿದೆ. ಎಲ್ಲಾ ತಂಡಗಳು ವೇಗವಾಗಿ ರನ್ಕಲೆ ಹಾಕಲು ನೋಡ್ತಿವೆ. ಆದ್ರೆ, ವಿಂಡೀಸ್ ನಾಯಕ ಬ್ರಾಥ್‌ವೇಟ್ ಮಾತ್ರ, ಓಲ್ಡ್ ಈಸ್ ಗೋಲ್ಡ್ ಎನ್ನುವಂತೆ ಬ್ಯಾಟ್ ಬೀಸ್ತಿದ್ದಾರೆ. ಕ್ರೀಸ್ನಲ್ಲಿ ಗಂಟೆಗಳ ಕಾಲ ನೆಲಕಚ್ಚಿ ನಿಂತು ಎದುರಾಳಿ ಬೌಲರ್ಗಳನ್ನ ಕಾಡ್ತಾರೆ. ಇದರಿಂದ ಬ್ರಾಥ್‌ವೇಟ್ನ ಆದಷ್ಟು ಬೇಗ ಕಟ್ಟಿಹಾಕಬೇಕು. ಇಲ್ಲವಾದಲ್ಲಿ ಟೀಂ ಇಂಡಿಯಾದ ಪಾಲಿಗೆ ಬ್ರಾಥ್‌ವೇಟ್ ವಿಲನ್ ಅಗಲಿದ್ದಾನೆ.
ವಿಂಡೀಸ್ ಎದುರಿನ ಮೊದಲ ಟೆಸ್ಟ್‌ಗೆ ಭಾರತ ಸಂಭಾವ್ಯ ತಂಡ: ಯಾವೆಲ್ಲಾ ಆಟಗಾರರಿಗೆ ಸಿಗಲಿದೆ ಸ್ಥಾನ?
ಅದ್ಭುತ ಫಾರ್ಮ್ನಲ್ಲಿ ಜೂನಿಯರ್ ಚಂದ್ರಪಾಲ್..!
ತಂದೆ ಶಿವನರೈನ್ ಚಂದ್ರಪಾಲ್ರಂತೆ ತೇಗ್‌ನರೈನ್ ಚಂದ್ರಪಾಲ್ ಕೂಡ ಅದ್ಭುತ ಬ್ಯಾಟರ್. ಬ್ರಾಥವೇಟ್ಗೆ ಹೋಲಿಸಿದ್ರೆ ತೇಗ್‌ನರೈನ್ ಫಾಸ್ಟಾಗಿ ರನ್ಗಳಿಸ್ತಾರೆ. ಆದ್ರೆ, ತೇಗ್‌ನರೈನ್ ಕೂಡ ಲಾಂಗ್ ಇನ್ನಿಂಗ್ಸ್ ಆಡುವ ಸಾಮರ್ಥ್ಯ ಹೊಂದಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್ ಸರಣಿಯಲ್ಲೇ ಈ ಜೂನಿಯರ್ ಚಂದ್ರಪಾಲ್ ಮಿಂಚಿದ್ರು. ಈವರೆಗು 11 ಇನ್ನಿಂಗ್ಸ್ಗಳಲ್ಲಿ ಬ್ಯಾಟಿಂಗ್ ಮಾಡಿರೋ ತೇಗ್‌ನರೈನ್ 45.3ರ ಸರಾಸರಿಯಲ್ಲಿ 1 ಶತಕ, 1 ದ್ವಿಶತಕ, 1 ಅರ್ಧಶತಕ ಸಿಡಿಸಿದ್ದಾರೆ.
ರಾಕೀಂ ಬೌಲಿಂಗ್ನಲ್ಲಿ ಎಚ್ಚರಿಕೆಯಿಂದ ಬ್ಯಾಟ್ ಬೀಸ್ಬೇಕು..!
ಯೆಸ್, 140 ಕೆಜಿಯ ರಾಕೀಂ ಕಾರ್ನ್ವಾಲ್ , ಎರಡು ವರ್ಷಗಳ ನಂತರ ವಿಂಡೀಸ್ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ. ಆಫ್ ಸ್ಪಿನ್ನರ್ ಅಗಿರೋ ರಾಕೀಂ ಅದ್ಭುತ ಸ್ಪಿನ್ ಮೂಲಕ ಬ್ಯಾಟ್ಸ್ಮನ್ಗಳನ್ನ ಕಾಡಲಿದ್ದಾರೆ. ಹೈಟ್ ಕೂಡ ರಕೀಮ್ಗೆ ಪ್ಲಸ್ ಪಾಯಿಂಟ್ ಆಗಿದೆ. ಬ್ಯಾಟಿಂಗ್ನಲ್ಲೂ ಅಬ್ಬರಿಸೋ ತಾಕತ್ತು ಹೊಂದಿದ್ದಾರೆ. ರಾಕೀಂ ವಿರುದ್ದ ಭಾರತದ ಬ್ಯಾಟರ್ಸ್ ಎಚ್ಚರಿಕೆಯಿಂದ ಆಡಬೇಕಿದೆ.
ಒಟ್ಟಿನಲ್ಲಿ ಟೀಂ ಇಂಡಿಯಾಗೆ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿ ಸುಲಭದ ತುತ್ತಲ್ಲ. ಸ್ವಲ್ಪ ಯಾಮಾರಿದ್ರೂ ಸೋಲು ತಪ್ಪಿದ್ದಲ್ಲ. ಅದರಲ್ಲೂ ತವರಿನಲ್ಲಿ ಆಡುತ್ತಿರೋ ವಿಂಡೀಸ್ಗೆ ಅಲ್ಲಿನ ಪಿಚ್ ಕಂಡೀಷನ್ ಬಗ್ಗೆ ಚೆನ್ನಾಗಿ ಅರಿವಿರಲಿದೆ. ಈ ಎಲ್ಲದನ್ನ ಲೆಕ್ಕಕ್ಕೆ ತೆಗೆದುಕೊಂಡು ಟೀಂ ಇಂಡಿಯಾ ಸ್ಪೆಷಲ್ ಗೇಮ್ಪ್ಲಾನ್ನೊಂದಿಗೆ ಕಣಕ್ಕಿಳಿಯಬೇಕಿದೆ.