* ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಿನ ಟಿ20 ಪಂದ್ಯಕ್ಕೆ ಕ್ಷಣಗಣನೆ
* ಜೂನ್ 09ರಿಂದ ಆರಂಭವಾಗಲಿದೆ 5 ಪಂದ್ಯಗಳ ಟಿ20 ಸರಣಿ
* ಟಿ20 ಸರಣಿಗೂ ಮುನ್ನ ಹರಿಣಗಳಿಗೆ ಶುರುವಾಗಿದೆ ಕುಲ್ಚಾ ಜೋಡಿಯ ಭಯ
ಬೆಂಗಳೂರು(ಜೂ.06): ಭಾರತ-ದಕ್ಷಿಣ ಆಫ್ರಿಕಾ (India vs South Africa). ವಿಶ್ವ ಕ್ರಿಕೆಟ್ನ ಎರಡು ಬಲಿಷ್ಠ ತಂಡಗಳು. ಅಂಗಳದಲ್ಲಿ ಈ ಎರಡು ತಂಡಗಳು ಕದನ ನೋಡೋದೆ ಒಂದು ಮಜಾ. ಉಭಯ ತಂಡಗಳು ಸುಲಭವಾಗಿ ಸೋಲೊಪ್ಪಿಕೊಂಡ ಜಾಯಮಾನವಿಲ್ಲ. ಏನೇ ಇದ್ರೂ ಕಡೆತನಕ ಜಿದ್ದಾಜಿದ್ದಿನ ಹೋರಾಟ. ಅಷ್ಟೊಂದು ಸುಲಭವಾಗಿ ಪಟ್ಟು ಸಡಿಲಿಸಲ್ಲ. ಹಾಗಾಗಿ ಈ ಉಭಯ ದೇಶಗಳ ದ್ವಿಪಕ್ಷೀಯ ಸಿರೀಸ್ ಅಂದ್ರೆ ಸಾಕಷ್ಟು ಕ್ಯೂರಿಯಾಸಿಟಿ ಬ್ಯುಲ್ಡ್ ಆಗಿರುತ್ತೆ.
ಆದ್ರೆ ಫಾರ್ ದಿ ಫಸ್ಟ್ ಟೈಮ್ ಭಾರತ-ಆಫ್ರಿಕಾ ಸರಣಿ ಸಪ್ಪೆಯಾಗಿರುತ್ತಾ ? ಅನ್ನೋ ಪ್ರಶ್ನೆ ಕಾಡೋಕೆ ಶುರುವಾಗಿದೆ. ಯಾಕಂದ್ರೆ ಪ್ರವಾಸಿ ಆಫ್ರಿಕಾ ತಂಡ ಶಸ್ತ್ರಾಭ್ಯಾಸಕ್ಕೂ ಮುನ್ನವೇ ಸೋಲೊಪ್ಪಿಕೊಂಡಂತೆ ಕಾಣಿಸ್ತಿದೆ. ಟೀಂ ಇಂಡಿಯಾದ (Team India) ಇಬ್ಬರು ಸ್ಟಾರ್ ಸ್ಪಿನ್ನರ್ಸ್ ಕಂಡು ಆಫ್ರಿಕಾ ಬೆಚ್ಚಿ ಬಿದ್ದಿದೆ. ಸರಣಿ ಆರಂಭಕ್ಕೆ ಇನ್ನೂ 3 ದಿನ ಬಾಕಿ ಇರುವಾಗಲೇ ಕ್ಯಾಪ್ಟನ್ ತೆಂಬಾ ಬವುಮಾ ರಿಸ್ಟ್ ಸ್ಪಿನ್ನರ್ ಫೋಬಿಯಾ ಇದೆ ಅನ್ನೋದನ್ನ ಒಪ್ಪಿಕೊಂಡಿದ್ದಾರೆ.
ಆಫ್ರಿಕಾಗೆ ಕುಲ್ಚಾ ಜೋಡಿನೇ ಬಿಗ್ ಟಾರ್ಗೆಟ್..!
ಒಬ್ಬರನ್ನು ಟಾರ್ಗೆಟ್ ಮಾಡಿದ್ದಾರೆ ಅಂದ್ರೆ ಆತ ಎದುರಾಳಿಯ ನಿದ್ದೆಗೆಡಿಸಿದ್ದಾನೆ ಅಂತಾನೇ ಅರ್ಥ. ಸದ್ಯ ಇದೇ ಮಾತು ಆಫ್ರಿಕಾಗೆ ಅಪ್ಲೈ ಆಗ್ತಿದೆ. ಯಾಕಂದ್ರೆ ದಕ್ಷಿಣ ಆಫ್ರಿಕಾ ತಂಡಕ್ಕೆ ಈ ಸಲ ದೊಡ್ಡ ಸವಾಲಾಗಿರೋದು ಕುಲ್ಚಾ ಜೋಡಿ. ಭಾರತದಲ್ಲಿ ಸರಣಿ ಗೆಲ್ಲೋದು ಕಠಿಣ ಅನ್ನೋದು ಆಫ್ರಿಕಾಗೆ ಗೊತ್ತಿದೆ. ಹೇಳಿ ಕೇಳಿ ಭಾರತ ಸ್ಪಿನ್ನರ್ಸ್ ತವರು. ಪ್ರತಿ ಬಾರಿಯೂ ಸ್ಪಿನ್ನರ್ಗಳೇ ಪ್ರವಾಸಿ ತಂಡಕ್ಕೆ ಖೆಡ್ಡಾ ತೋಡಿದ್ದಾರೆ. ಇದನ್ನರಿತೋ ಆಫ್ರಿಕನ್ನರು ಈ ಬಾರಿ ರಿಸ್ಟ್ ಸ್ಪಿನ್ನರ್ಗಳನ್ನ ಟಾರ್ಗೆಟ್ ಮಾಡಿದ್ದಾರೆ. ಯುಜವೇಂದ್ರ ಚಹಲ್ (Yuzvendra Chahal) ಹಾಗೂ ಕುಲ್ದೀಪ್ ಯಾದವ್ ಸ್ಪಿನ್ ಮ್ಯಾಜಿಕ್ಗೆ ಫುಲ್ ಸ್ಟಾಪ್ ಹಾಕಲು ಭಾರೀ ರಣತಂತ್ರ ರೂಪಿಸಿದೆ.
ನಾವು ಅನೇಕ ಬಾರಿ ಕುಲ್ದೀಪ್ ಯಾದವ್ (Kuldeep Yadav) ಮತ್ತು ಯುಜವೇಂದ್ರ ಚಹಲ್ ವಿರುದ್ಧ ಆಡಿದ್ದೇವೆ. ಈ ಬಾರಿ ನಾವು ಅವರಿಬ್ಬರ ಬಗ್ಗೆ ಚೆನ್ನಾಗಿ ಅರಿತಿದ್ದೇವೆ. ಇಬ್ಬರ ವೈಯಕ್ತಿಕ ರೆಕಾರ್ಡ್ ಬಗ್ಗೆ ಈಗಾಗಲೇ ಟೀಂ ಮೀಟಿಂಗ್‌ನಲ್ಲಿ ಮಾತನಾಡಿ ತಂತ್ರ ರೂಪಿಸಿದ್ದೇವೆ ಎಂದು ದಕ್ಷಿಣ ಆಫ್ರಿಕಾ ತಂಡದ ಕ್ಯಾಪ್ಟನ್ ತೆಂಬಾ ಬವುಮಾ ಹೇಳಿದ್ದಾರೆ.
IPLನಲ್ಲಿ ಸೂಪರ್ ಶೈನಿಂಗ್, ಆಫ್ರಿಕಾಗೆ ಟೆನ್ಷನ್:
ಇನ್ನು ಈ ಕುಲ್ಚಾ ಜೋಡಿ ಜೊತೆಯಾಗಿ ಟೀಂ ಇಂಡಿಯಾಗೆ ಅನೇಕ ಪಂದ್ಯಗಳನ್ನ ಗೆಲ್ಲಿಸಿಕೊಟ್ಟಿದ್ದಾರೆ. 2017 ರಿಂದ ತಂಡದ ಕೀ ಸ್ಪಿನ್ನರ್ಸ್. ಕಳೆದ ವರ್ಷ ಯುಜಿ ಹಾಗೂ ಕುಲ್ದೀಪ್ ತಂಡದಿಂದ ಹೊರಬಿದ್ದು, ಈ ವರ್ಷಾರಂಭದಲ್ಲಿ ಮತ್ತೆ ತಂಡಕ್ಕೆ ಕಮ್ಬ್ಯಾಕ್ ಮಾಡಿದ್ರು.
Ind vs SA ಟಿ20 ಸರಣಿಯನ್ನಾಡಲು ಭಾರತಕ್ಕೆ ಬಂದಿಳಿದ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡ
ಈ ಸಲ ಐಪಿಎಲ್ನಲ್ಲಿ ಇಬ್ಬರೂ ದಮ್ದಾರ್ ಪ್ರದರ್ಶನ ನೀಡಿದ್ರು. ಇಬ್ಬರೂ ಸೇರಿ ಒಟ್ಟು 48 ವಿಕೆಟ್ ಪಡೆದಿದ್ದಾರೆ. ರಾಜಸ್ಥಾನ ರಾಯಲ್ಸ್‌ ತಂಡದ ಚಹಲ್ 27 ವಿಕೆಟ್ ಪಡೆದು ಪರ್ಪಲ್ ಕ್ಯಾಪ್ ಧರಿಸಿದ್ರೆ, ಕುಲ್ದೀಪ್ ಯಾದವ್ 21 ಕಬಳಿಸಿ ಮಿಂಚಿದ್ರು. ಇಬ್ಬರ ಈ ಸಾಲಿಡ್ ಪ್ರದರ್ಶನವೇ ಆಫ್ರಿಕನ್ನರಿಗೆ ನಡುಕ ಹುಟ್ಟಿಸಿದೆ.
ಭಾರತ ಹಾಗೂ ದಕ್ಷಿಣ ಆಫ್ರಿಕಾ ತಂಡಗಳ ನಡುವಿನ 5 ಪಂದ್ಯಗಳ ಟಿ20 ಸರಣಿಯ ಮೊದಲ ಪಂದ್ಯವು ಜೂನ್ 09ರಂದು ದೆಹಲಿಯ ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ಆರಂಭವಾಗಲಿದೆ. ಮುಂಬರುವ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿಯ ದೃಷ್ಟಿಯಿಂದ ಭಾರತದ ಪಾಲಿಗೆ ಈ ಸರಣಿಯು ಸಾಕಷ್ಟು ಮಹತ್ವದ್ದಾಗಿದ್ದು, ತಂಡವು ಹಲವು ಪ್ರಯೋಗಗಳಿಗೆ ಮುಂದಾಗುವ ಸಾಧ್ಯತೆಯಿದೆ.