ಹೊಸ ಅವತಾರದಲ್ಲಿ ಕ್ಯಾಪ್ಟನ್ ಕೂಲ್ ಧೋನಿ ಕಮಿಂಗ್
ಸಾರಾಂಶ
* ಚೆನ್ನೈ ಸೂಪರ್ ಕಿಂಗ್ಸ್ ನಾಯಕ ಧೋನಿ ಹೆಗಲಿಗೆ ಮತ್ತೊಂದು ಜವಾಬ್ದಾರಿ * ಮತ್ತೆ ಹೊಸ ಅವತಾರದಲ್ಲಿ ಘರ್ಜಿಸಲು ಧೋನಿ ರೆಡಿ * ದಕ್ಷಿಣ ಆಫ್ರಿಕಾ ಟಿ20 ಲೀಗ್ನಲ್ಲಿ ತಂಡವೊಂದರ ಮೆಂಟರ್?
ಬೆಂಗಳೂರು(ಆ.11): ಎಂ. ಎಸ್. ಧೋನಿ, ಈ ಲೆಜೆಂಡ್ರಿ ಹೆಸರನ್ನು ಕೇಳಿದ್ರೆ ಮೈಯಲ್ಲಿ ಮಿಂಚಿನ ಸಂಚಾರವಾಗುತ್ತೆ. ಇಂಟರ್ನ್ಯಾಶನಲ್ ಕ್ರಿಕೆಟ್ಗೆ ವಿದಾಯ ಹೇಳಿದ್ರೂ ಈಗಲೂ ಮಹಿಯ ಪವರ್ ಮತ್ತು ಪವಾಡ ಕಮ್ಮಿಯಾಗಿಲ್ಲ. ಸದ್ಯ ಮಹಿ ಬರೀ ಐಪಿಎಲ್ನಲ್ಲಷ್ಟೇ ಕಾಣಿಸಿಕೊಳ್ತಿದ್ದಾರೆ. ವರ್ಷಕ್ಕೊಮ್ಮೆ ಆದ್ರೂ ಕ್ರಿಕೆಟ್ ಲೋಕದಲ್ಲಿ ಮಾಸ್ಟರ್ ಮೈಂಡ್ ಇನ್ನೂ ಹೆಸರು ಗುನುಗುತ್ತಿದೆ. ಅದು ಈ ದಿ ಚಾಂಪಿಯನ್ ಕ್ಯಾಪ್ಟನ್ ಹೆಸರಿಗಿರುವ ತಾಕತ್ತು, ಗತ್ತು ಕಣ್ರಿ.
ಬರೀ ಐಪಿಎಲ್ಗೆ ಸೀಮಿತವಾಗಿದ್ದ ಧೋನಿ, ಈಗ ಮತ್ತೆ ಹೊಸ ಅವತಾರದಲ್ಲಿ ಘರ್ಜಿಸಲು ಸಜ್ಜಾಗಿದ್ದಾರೆ. ಅಂದ್ರೆ ಐಪಿಎಲ್ ಆಚೆಗೂ ಮಹಿಯನ್ನ ನೀವು ಇನ್ಮುಂದೆ ಅಂಗಳದಲ್ಲಿ ನೋಡಬಹುದು. ಹಾಗಂತ ಗ್ಲೌಸ್ ಹಿಡಿದು ವಿಕೆಟ್ ಕೀಪರ್ ಆಗಿ ಅಲ್ಲ. ಬದಲಿಗೆ ಮೆಂಟರ್ ಅನ್ನೋ ನ್ಯೂ ಗೆಟಪ್ನಲ್ಲಿ.
ಸಿಎಸ್ಕೆ ತಂಡಕ್ಕೆ ಕೀಪಿಂಗ್ ರಾಜ ಮೆಂಟರ್:
ಹೌದು, ಎರಡು ವಿಶ್ವಕಪ್ ವಿಜೇತ ಟೀಂ ಇಂಡಿಯಾದ ನಾಯಕ, ಚೆನ್ನೈ ಸೂಪರ್ ಕಿಂಗ್ಸ್ನ ಲೆಜೆಂಡ್ರಿ ಕ್ಯಾಪ್ಟನ್ ಧೋನಿ, ದಕ್ಷಿಣ ಆಫ್ರಿಕಾ ಟಿ20 ಲೀಗ್ನಲ್ಲಿ ತಂಡವೊಂದರ ಮೆಂಟರ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ. ಆ ಮೂಲಕ ರಾಂಚಿ ಪುತ್ತರ್ ಹೊಸ ಜವಾಬ್ದಾರಿ ಹೊರಲು ಸಜ್ಜಾಗಿದ್ದಾರೆ. ದಕ್ಷಿಣ ಆಫ್ರಿಕಾ ಟಿ20 ಲೀಗ್ ಮುಂದಿನ ವರ್ಷ ಜನವರಿಯಲ್ಲಿ ಆರಂಭಗೊಳ್ಳಲಿದೆ. ಶೀಘ್ರದಲ್ಲೇ ಆಟಗಾರರ ಹರಾಜು ಪ್ರಕ್ರಿಯೆ ಕೂಡ ನಡೆಯಲಿದೆ. ಆಡುವ ಆರು ತಂಡಗಳನ್ನ ಐಪಿಎಲ್ ಫ್ರಾಂಚೈಸಿಗಳೇ ಖರೀದಿಸಿವೆ. ಜೊಹಾನ್ಸ್ ಬರ್ಗ್ ಫ್ರಾಂಚೈಸಿಯನ್ನು ಚೆನ್ನೈ ಸೂಪರ್ ಕಿಂಗ್ಸ್ ಖರೀದಿಸಿದೆ. ಹೀಗಾಗಿ ಜೊಹಾನ್ಸ್’ಬರ್ಗ್ ತಂಡಕ್ಕೆ ಎಂ.ಎಸ್ ಧೋನಿ ಮೆಂಟರ್ ಆಗಲಿದ್ದಾರೆ ಎಂದು ಹೇಳಲಾಗ್ತಿದೆ.
Asia Cup 2022: ಹಾರ್ದಿಕ್ ಪಾಂಡ್ಯಗೆ ಬಿಗ್ ಶಾಕ್ ಕೊಟ್ಟಿತಾ ಬಿಸಿಸಿಐ..?
ಇನ್ನು ಚೆನ್ನೈ ಪರ ಐಪಿಎಲ್ನಲ್ಲಿ ಆಡಿದ ಆಟಗಾರರನ್ನೇ ಜೋಹನ್ಸ್ ಬರ್ಗ್ ತಂಡಕ್ಕೆ ಕೊಂಡುಕೊಳ್ಳಲು ಭರ್ಜರಿ ಪ್ಲಾನ್ ಕೂಡ ನಡೆದಿದೆ. ಸಿಎಸ್ಕೆ ಮಾಜಿ ಆಟಗಾರ ಫಾಫ್ ಡುಪ್ಲೆಸಿಸ್ರನ್ನ ಮಾರ್ಕ್ಯೂ ಆಟಗಾರನಾಗಿ ಖರೀದಿಸಲು ಚೆನ್ನೈ ತಯಾರಿ ನಡೆಸಿದೆ. ಒಟ್ಟು 17 ಆಟಗಾರರನ್ನ ಒಂದು ತಂಡ ಖರೀದಿಸಬಹುದಾಗಿದ್ದು, ಸಿಎಸ್ಕೆ ಜೋಹನ್ಸ್ ಬರ್ಗ್ ತಂಡ ಧೋನಿ ಮಾರ್ಗದರ್ಶನದಲ್ಲಿ ಮುನ್ನಡೆಯಲು ಸಿದ್ಧತೆ ನಡೆದಿದೆ.
ಇನ್ನು ಐಪಿಎಲ್ ಫ್ರಾಂಚೈಸಿಗಳಿಂದ ಒತ್ತಡವಿರುವ ಕಾರಣ ವಿದೇಶಿ ಟಿ20 ಲೀಗ್ಗಳಲ್ಲಿ ಆಡಲು ಭಾರತೀಯ ಕ್ರಿಕೆಟಿಗರಿಗೆ ಬಿಸಿಸಿಐ ಅನುಮತಿ ನೀಡುವ ಸಾಧ್ಯತೆ ಇದೆ. ಈ ಬಗ್ಗೆ ಸೆಪ್ಟೆಂಬರ್ನಲ್ಲಿ ನಡೆಯಲಿರುವ ವಾರ್ಷಿಕ ಸಾಮನ್ಯ ಸಭೆಯಲ್ಲಿ ಬಿಸಿಸಿಐ ನಿರ್ಧರಿಸಲಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ. ದಕ್ಷಿಣ ಆಫ್ರಿಕಾ ಕ್ರಿಕೆಟ್ ಮಂಡಳಿ ಹೊಸದಾಗಿ ಆರಂಭಿಸುತ್ತಿರುವ ಟಿ20 ಲೀಗ್ನ ಎಲ್ಲಾ 6 ತಂಡಗಳನ್ನು ಖರೀದಿಸಿದ ಐಪಿಎಲ್ ಫ್ರಾಂಚೈಸಿಗಳು, ಬಿಸಿಸಿಐ ಮೇಲೆ ಒತ್ತಡ ಹೇರುತ್ತಿವೆ ಎನ್ನಲಾಗಿದೆ. ಸದ್ಯ ಭಾರತೀಯ ಕ್ರಿಕೆಟಿಗರು ವಿದೇಶಿ ಲೀಗ್ಗಳಲ್ಲಿ ಆಡಬೇಕಿದ್ದರೆ, ಭಾರತೀಯ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಬೇಕಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.