ಪಂದ್ಯದಲ್ಲಿ ಮುಗ್ಗರಿಸಿದರೂ ಧೋನಿ ಶ್ಲಾಘಿಸಿದ ಬಿಸಿಸಿಐ !

ಬೆಂಗಳೂರು ಟಿ20 ಪಂದ್ಯದಲ್ಲಿ ಎಂ.ಎಸ್.ಧೋನಿ ಬ್ಯಾಟಿಂಗ್ ಇದೀಗ ಹೆಚ್ಚು ವೈರಲ್ ಆಗಿದೆ. ಧೋನಿ ಫ್ಲೆಕ್ಸಿಬಲ್ ಬ್ಯಾಟಿಂಗ್‌ನ್ನು ಬಿಸಿಸಿಐ ಕೂಡ ಶ್ಲಾಘಿಸಿದೆ. ಧೋನಿ ಕುರಿತು ಬಿಸಿಸಿ ಮಾಡಿದ ಟ್ವೀಟ್ ಏನು? ಇಲ್ಲಿದೆ.

ಬೆಂಗಳೂರು(ಫೆ.28): ಆಸ್ಟ್ರೇಲಿಯಾ ವಿರುದ್ಧದ 2ನೇ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ಮುಗ್ಗರಿಸಿದೆ. ಆದರೆ ಹಿರಿಯ ಕ್ರಿಕೆಟಿಗ ಎಂ.ಎಸ್.ಧೋನಿಯನ್ನ ಬಿಸಿಸಿಐ ಶ್ಲಾಘಿಸಿದೆ. ಬ್ಯಾಟಿಂಗ್ ವೇಳೆ ಧೋನಿ ಸ್ಟಂಪ್ ಔಟ್ ಆಗೋದನ್ನು ಸ್ವತಃ ತಪ್ಪಿಸಿದರು. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ಇದನ್ನೂ ಓದಿ: ಪಾಕ್ ಸೇನೆ ಬಗ್ಗೆ ಹೆಮ್ಮೆ ಇದೆ: ಶಾಹಿದ್ ಅಫ್ರಿದಿ

ಆ್ಯಡಮ್ ಜಂಪಾ ಎಸೆತದಲ್ಲಿ ಧೋನಿ ಫ್ರಂಟ್ ಫೂಟ್ ಹೊಡೆತಕ್ಕೆ ಮುಂದಾದರು. ಆದರೆ ಜಂಪಾ ಚಾಣಕ್ಷಣತದಿಂದ ಸ್ಟಂಪ್ ಮಾಡುವಂತೆ ಬೌಲಿಂಗ್ ಮಾಡಿದರು. ಇದನ್ನ ಅರಿತ ಧೋನಿ ತಕ್ಷಣವೇ ಕ್ರೀಸ್‌ನಲ್ಲಿ ಕಾಲಿಟ್ಟು ಸ್ಟಂಪ್ ಔಟ್ ಆಗೋದನ್ನ ತಪ್ಪಿಸಿದರು. ಈ ಮೂಲಕ ಧೋನಿ ಈ ವಯಸ್ಸಲ್ಲೂ ಫ್ಲೆಕ್ಸಿಬಲ್ ಎಂದು ವೈರಲ್ ಆಗಿದೆ.

ಇದನ್ನೂ ಓದಿ: ಸಿಕ್ಸರ್’ನಲ್ಲಿ ಅರ್ಧಶತಕ ಸಿಡಿಸಿದ ಧೋನಿ-ಕೊಹ್ಲಿ..!

ಬಿಸಿಸಿಐ ಕೂಡ ಧೋನಿ ಫ್ಲೆಕ್ಸಿಬಲ್ ಎಂದು ಟ್ವೀಟ್ ಮಾಡಿದೆ. ಆಸ್ಟ್ರೇಲಿಯಾ ವಿರುದ್ಧದ 2 ಟಿ20 ಪಂದ್ಯದಲ್ಲಿ ಭಾರತ ಸೋಲು ಕಂಡಿದೆ. ಈ ಮೂಲಕ ಭಾರತ 0-2 ಅಂತರದಲ್ಲಿ ಸರಣಿ ಸೋತಿದೆ. ಇದೀಗ ಮಾರ್ಚ್ 2 ರಿಂದ ಏಕದಿನ ಸರಣಿ ಆರಂಭಗೊಳ್ಳಲಿದೆ.