ದಿನದ 12 ಗಂಟೆ ನಂದಿನಿ ಪಾರ್ಲರ್ ಓಪನ್

ಬಮೂಲ್‌ ವ್ಯಾಪ್ತಿಯ ಎಲ್ಲ ನಂದಿನಿ ಪಾಲರ್‌ಗಳನ್ನು ದಿನದ 12 ಗಂಟೆ ತೆರೆದಿರುವಂತೆ ಸೂಚನೆ ನೀಡಲಾಗುವುದು. ಗ್ರಾಹಕರಿಗೆ ಸಮರ್ಪಕವಾಗಿ ಲಭ್ಯವಾಗುವಂತೆ ಕ್ರಮಕೈಗೊಳ್ಳಲಾಗಿದೆ ಎಂದು ಬಮೂಲ್‌ ಅಧ್ಯಕ್ಷ ನರಸಿಂಹಮೂರ್ತಿ ತಿಳಿಸಿದ್ದಾರೆ.

ಬೆಂಗಳೂರು(ಮಾ.27): ಬಮೂಲ್‌ ವ್ಯಾಪ್ತಿಯ ಎಲ್ಲ ನಂದಿನಿ ಪಾಲರ್‌ಗಳನ್ನು ದಿನದ 12 ಗಂಟೆ ತೆರೆದಿರುವಂತೆ ಸೂಚನೆ ನೀಡಲಾಗುವುದು. ಗ್ರಾಹಕರಿಗೆ ಸಮರ್ಪಕವಾಗಿ ಲಭ್ಯವಾಗುವಂತೆ ಕ್ರಮಕೈಗೊಳ್ಳಲಾಗಿದೆ ಎಂದು ಬಮೂಲ್‌ ಅಧ್ಯಕ್ಷ ನರಸಿಂಹಮೂರ್ತಿ ತಿಳಿಸಿದ್ದಾರೆ.

ನಗರದಲ್ಲಿ ಪ್ರತಿದಿನ 9 ಲಕ್ಷ ಲೀಟರ್‌ ಹಾಲು ಹಾಗೂ 1.50 ಲಕ್ಷ ಲೀಟರ್‌ ಮೊಸರು ಪೂರೈಕೆ ಮಾಡಲಾಗುತ್ತಿದೆ. ಮಂಗಳವಾರ ಒಂದೇ ದಿನದಲ್ಲಿ 50 ಸಾವಿರ ಲೀಟರ್‌ ಹಾಲು ಹೆಚ್ಚುವರಿಯಾಗಿ ಮಾರಾಟವಾಗಿದೆ. ಹೀಗಾಗಿ ಬೇಡಿಕೆ ಹೆಚ್ಚಿದಂತೆ ಹಾಲು ಪೂರೈಕೆ ಮಾಡಲು ಬಮೂಲ್‌ ಸಿದ್ಧವಿದೆ. ಗ್ರಾಹಕರಿಗೆ ಅನುಕೂಲ ಆಗುವಂತೆ ಬೆಳಗ್ಗೆಯಿಂದ ಸಂಜೆವರೆಗೆ ಅಂದರೆ ದಿನದ 12 ಗಂಟೆ ಎಲ್ಲ ನಂದಿನಿ ಪಾಲರ್‌ಗಳು ತೆರೆದಿರುವಂತೆ ಏಜೆಂಟರಿಗೆ ಸೂಚಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಯಾರು ಕೂಡ ನಂದಿನಿ ಹಾಲನ್ನು ನಿಗದಿಪಡಿಸಿದ ದರಕ್ಕಿಂತ ಹೆಚ್ಚು ಕೊಟ್ಟು ಖರೀದಿಸಬಾರದು. ಒಂದು ವೇಳೆ ಏಜೆಂಟರು ಅಥವಾ ಇತರರು ನಿಗದಿತ ದರಕ್ಕಿಂತ ಅಧಿಕ ಬೆಲೆಗೆ ಹಾಲು ಮಾರಾಟ ಮಾಡುವುದು ಕಂಡು ಬಂದರೆ ಬಮೂಲ್‌ಗೆ ದೂರು ಸಲ್ಲಿಸಬೇಕು ಎಂದರು.