*ಟೆಸ್ಲಾ ಮಾಡಲ್ 3 ಹಾಗೂ ಮಾಡಲ್ ಎಸ್ ಎಲೆಕ್ಟ್ರಿಕ್ ಕಾರುಗಳಲ್ಲಿ ಸುರಕ್ಷತಾ ಲೋಪ
* 4.75 ಲಕ್ಷ ಕಾರುಗಳನ್ನು ಹಿಂಪಡೆದ ಕಂಪನಿ
* ಧೋಷವುಳ್ಳ ಕಾರುಗಳಿಂದ ಅಪಘಾತದ ಸಂಭವ
ಟೆಕ್ಸಾಸ್(ಡಿ.31): ವಿಶ್ವದ ಅತ್ಯುನ್ನತ ತಂತ್ರಜ್ಞಾನವನ್ನೊಳಗೊಂಡ ಎಲೆಕ್ಟ್ರಿಕ್ ಕಾರು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದ್ದ ಟೆಸ್ಲಾ (Tesla) ಈಗಾಗಲೇ ಹಲವು ಬಾರಿ ತನ್ನ ಕಾರುಗಳಲ್ಲಿನ ಸುರಕ್ಷತಾ ಲೋಪಗಳಿಂದ ಮಾರುಕಟ್ಟೆಯಿಂದ ವಾಹನಗಳನ್ನು ಹಿಂಪಡೆದಿದೆ. ಅಮೆರಿಕ ಮೂಲದ ಈ ಟೆಸ್ಲಾ.ಐಎನ್ಸಿ ಕಂಪನಿ ಮತ್ತೊಮ್ಮೆ 4,75,000 ವಾಹನಗಳನ್ನು ಹಿಂಪಡೆಯಲು ಮುಂದಾಗಿದೆ ಎಂದು ಅಮೆರಿಕದ ರಸ್ತೆ ಸುರಕ್ಷತಾ ನಿಯಂತ್ರಣಾ ಪ್ರಾಧಿಕಾರ ( Road safety authority) ಮಾಹಿತಿ ನೀಡಿದೆ.
ಈ ಕಾರುಗಳಲ್ಲಿ ರಿಯರ್ ವ್ಯೂ ಕ್ಯಾಮೆರಾ ಮತ್ತು ಟ್ರಂಕ್ ಸಮಸ್ಯೆಗಳು ಎದುರಾಗಿದೆ. ಇದು ಅಪಘಾತಕ್ಕೀಡು ಮಾಡುವ ಸಾಧ್ಯತೆಗಳಿವೆ ಎಂದು ಕಂಪನಿ ಮೂಲಗಳು ತಿಳಿಸಿವೆ. ಈ ನಡುವೆ, ಕಾರುಗಳ ಡ್ರೈವರ್ ಅಸಿಸ್ಟೆಂಟ್ ಸಿಸ್ಟಮ್ ಅನ್ನು ತನಿಖೆ ಮಾಡುತ್ತಿರುವ ರಾಷ್ಟ್ರೀಯ ಹೆದ್ದಾರಿ ಸಂಚಾರ ಸುರಕ್ಷತಾ (highway Traffic safety) ಪ್ರಾಧಿಕಾರ (ಎನ್ಎಚ್ಟಿಸಿಎ-NGTSA) ಈಗ ಕಾರು ತಯಾರಕ ಕಂಪನಿಯೊಂದಿಗೆ ಮತ್ತೊಂದು ಕ್ಯಾಮೆರಾ ಲೋಪದ ಕುರಿತು ಕೂಡ ಚರ್ಚಿಸುತ್ತಿದೆ ಎಂಬ ಮಾಹಿತಿ ಇದೆ.
First Tesla Baby: ಆಟೋಪೈಲಟ್‌ನಲ್ಲಿ ಚಲಿಸುತ್ತಿದ್ದ ಟೆಸ್ಲಾ ಕಾರಿನಲ್ಲೇ ಮಗುವಿಗೆ ಜನ್ಮ ನೀಡಿದ ಮಹಿಳೆ!
ಟೆಸ್ಲಾ ಈಗ 2014 ರಿಂದ 2021ರ ನಡುವೆ ಹಿಂಪಡೆದ ವಾಹನಗಳ ಒಟ್ಟು ಸಂಖ್ಯೆಯು ಕಳೆದ ವರ್ಷ ಟೆಸ್ಲಾ ವಿತರಿಸಿದ ಅರ್ಧ ಮಿಲಿಯನ್ ವಾಹನಗಳಿಗೆ ಸಮನಾಗಿದೆ. ಅಮೆರಿಕದ. ಎಲೆಕ್ಟ್ರಿಕ್ ವಾಹನ ತಯಾರಕರು ಹಿಂಬದಿಯ ಕ್ಯಾಮರಾ ಸಮಸ್ಯೆಗಳನ್ನು ಪರಿಹರಿಸಲು 2017-2020ರ 3,56,309 ಮಾದರಿ 3ರ ವಾಹನಗಳನ್ನು ಮತ್ತು ಮುಂಭಾಗದ ಹುಡ್ ಸಮಸ್ಯೆಗಳಿಂದಾಗಿ 1,19,009 ಮಾದರಿ ಎಸ್ ವಾಹನಗಳನ್ನು ಹಿಂಪಡೆಯುತ್ತಿದ್ದಾರೆ ಎಂದು ಫೆಡರಲ್ ನಿಯಂತ್ರಕ ತಿಳಿಸಿದೆ.
ಈ ಕುರಿತು ಟೆಸ್ಲಾ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಮಾದರಿ 3 ಸೆಡಾನ್ಗಳಲ್ಲಿ ಟ್ರಂಕ್ ಮುಚ್ಚಳವನ್ನು ತೆರೆಯುವ ಮತ್ತು ಮುಚ್ಚುವುದರಿಂದ ಮೂಲಕ ಹಿಂಬದಿಯ ಕ್ಯಾಮರಾದ ಕೇಬಲ್ಗೆ ಹಾನಿಯಾಗಬಹುದು, ಹಿಂಬದಿಯ ಕ್ಯಾಮರಾ ಇಮೇಜ್ ಅನ್ನು ಪ್ರದರ್ಶಿಸದಂತೆ ತಡೆಯುತ್ತದೆ ಎಂದು NHTSA ತಿಳಿಸಿದೆ. ಟೆಸ್ಲಾ ಈಗಾಗಲೇ ಈ ಸಮಸ್ಯೆಗೆ ಸಂಬಂಧಿಸಿದಂತೆ 2,301 ವಾರಂಟಿ ಕ್ಲೈಮ್ಗಳು ಹಾಗೂ 601 ಕ್ಷೇತ್ರ ವರದಿಗಳನ್ನು ಗುರುತಿಸಿದೆ. ಮಾದರಿ ಎಸ್ ವಾಹನಗಳಲ್ಲಿನ ಸಮಸ್ಯೆಗಳಿಂದ ಅದರ ಮುಂಭಾಗದ ಡಿಕ್ಕಿ ಅಚಾನಕ್ ಆಗಿ ತೆರೆದುಕೊಳ್ಳಬಹುದು ಮತ್ತು ಅದು ಚಾಲಕನ ಗೋಚರತೆಗೆ ಅಡ್ಡಿಯುಂಟು ಮಾಡಬಹುದು. ಇದು ಅಪಘಾತದ ಸಂಭವಗಳನ್ನು ಹೆಚ್ಚಿಸುತ್ತದೆ.
ಭಾರಿ ವಿರೋಧದ ನಡುವೆ ಟೆಸ್ಲಾಗೆ ಆಮದು ಸುಂಕ ವಿನಾಯಿತಿ ನೀಡಲು ಮುಂದಾದ ಕೇಂದ್ರ!
ಮಾದರಿ 3 ಮತ್ತು ಎಸ್ ಕಾರುಗಳಲ್ಲಿನ ಸಮಸ್ಯೆಗಳಿಂದ ಇಲ್ಲಿಯವರೆಗೆ ಯಾವುದೇ ಅಪಘಾತಗಳು, ಗಾಯಗಳು ಅಥವಾ ಸಾವುಗಳ ಬಗ್ಗೆ ಮಾಹಿತಿ ಲಭ್ಯವಾಗಿಲ್ಲ ಎಂದು ಟೆಸ್ಲಾ ಹೇಳಿರುವುದಾಗಿ ಎನ್ಎಚ್ಟಿಎಸ್ಎ ತಿಳಿಸಿದೆ. ಈ ಗೊಂದಲದ ಹಿನ್ನೆಲೆಯಲ್ಲಿ ಮುಂಜಾನೆ ಟೆಸ್ಲಾ ಷೇರುಗಳು ಶೇ. 3ರಷ್ಟು ಕುಸಿದಿದ್ದು, ನಂತರ ಕೊನೆಯಲ್ಲಿ, 1,088.76 ಡಾಲರ್ನಷ್ಟಿತ್ತು. ವಿಶ್ವದ ಅತ್ಯಂತ ಬೆಲೆಬಾಳುವ ವಾಹನ ತಯಾರಕರು ಶನಿವಾರ ದಾಖಲೆಯ ತ್ರೈಮಾಸಿಕ ವಾಹನಗಳ ವಿತರಣೆಯನ್ನು ವರದಿ ಮಾಡುವ ನಿರೀಕ್ಷೆಯಿದೆ.
ಆದರೆ, ಈಗಾಗಲೇ ಕೆಲವು ವಾಹನಗಳಲ್ಲಿನ ರಿಪೀಟರ್ ಕ್ಯಾಮೆರಾಗಳನ್ನು, ಆ ಕಾರುಗಳನ್ನು ಹಿಂಪಡೆಯದೆಯೇ ಸರಿಪಡಿಸಲು ಟೆಸ್ಲಾ ಪ್ರಯತ್ನಿಸುತ್ತಿದೆ ಎಂದು ಕೂಡ ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.
5,80,000 ಟೆಸ್ಲಾ ವಾಹನಗಳಲ್ಲಿನ ಚಲಿಸುತ್ತಿರುವಾಗಲೇ ಕಾರು ಪರದೆಯ ಮೇಲೆ ಆಟಗಳನ್ನು ಆಡಲು ಅನುಮತಿ ನೀಡುವ ಸೌಲಭ್ಯಗಳ ಕುರಿತು ಕೂಡ ಎನ್ಎಚ್ಟಿಎಸ್ಎ ತನಿಖೆ ನಡೆಸುತ್ತಿದೆ. ಜೊತೆಗೆ, ಇಂತಹ ಆಟದ ಸೌಲಭ್ಯವನ್ನು ಹಿಂಪಡೆಯಲು ಟೆಸ್ಲಾ ಒಪ್ಪಿಗೆ ನೀಡಿದೆ ಎಂದು ಕೂಡ ಮಾಹಿತಿ ಲಭ್ಯವಾಗಿದೆ. ಒಟ್ಟು 1,35,000 ಕಾರುಗಳಲ್ಲಿನ ಟಚ್ ಸ್ಕ್ರೀನ್ ಡಿಸ್ಪ್ಲೇಗಳನ್ನು ಕೂಡ ಹಿಂಪಡೆಯುತ್ತಿರುವುದಾಗಿ ಟೆಸ್ಕಾ ಎನ್ಎಚ್ಟಿಎಸ್ಎಗೆ ಹೇಳಿಕೆ ನೀಡಿದೆ.