ಸೆನ್ಸೆಕ್ಸ್ ಗೂಳಿ ಹೂಂಕಾರಕ್ಕೆ ಹೂಡಿಕೆದಾರರ ಕುಣಿತ!

ಸೆನ್ಸೆಕ್ಸ್ ಗೂಳಿ ಹೂಂಕಾರಕ್ಕೆ ಹೂಡಿಕೆದಾರರ ಕುಣಿತ 36 ರ ಗಡಿ ದಾಟಿ ಮುನ್ನುಗ್ಗಿದ ಸೆನ್ಸೆಕ್ಸ್ ಸೂಚ್ಯಂಕ ಐಟಿ, ಗ್ಯಾಸ್, ಪಬ್ಲಿಕ್ ಸೆಕ್ಟರ್ ಷೇರುಗಳಲ್ಲಿ ಹೆಚ್ಚಳ ನಿಫ್ಟಿ ಕೂಡ 10,900 ಅಂಶಗಳಿಗೆ ಏರಿಕೆ 

ಮುಂಬೈ(ಜು.10): ಜಾಗತಿಕ ವ್ಯಾಪಾರ ಯುದ್ಧದ ಹಿನ್ನೆಲೆಯಲ್ಲಿ ಕುಸಿತದ ಹಾದಿ ಹಿಡಿದಿದ್ದ ಸೆನ್ಸೆಕ್ಸ್​ ಚೇತರಿಕೆ ಕಾಣುವ ಲಕ್ಷಣ ಗೋಚರವಾಗಿದೆ. 36 ಸಾವಿರದಿಂದ ಕೆಳಗಿಳಿದಿದ್ದ ಸೆನ್ಸೆಕ್ಸ್​ ಮತ್ತೆ 36 ರ ಗಡಿ ದಾಟಿ ಮುನ್ನುಗ್ಗುತ್ತಿರುವುದೇ ಇದಕ್ಕೆ ಸಾಕ್ಷಿ.

ಇಂದು ಷೇರುಪೇಟೆ ರಿಂಗ್ ಬಾರಿಸುತ್ತಿದ್ದಂತೆ 200 ಅಂಕಗಳ ಏರಿಕೆ ದಾಖಲಿಸುವ ಮೂಲಕ ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ 36,138 ಅಂಕಗಳಿಗೆ ಏರಿಕೆಯಾಯಿತು. ಪ್ರಮುಖ 30 ಷೇರುಗಳ ಇಂಡೆಕ್ಸ್​ 238 ಅಂಶಗಳಷ್ಟು ಏರಿಕೆ ದಾಖಲಿಸಿತು. ಐಟಿ, ಇಂಧನ, ಗ್ಯಾಸ್​, ಟೆಕ್​​, ಆಟೋ,  ಪಬ್ಲಿಕ್​ ಸೆಕ್ಟರ್​ ಷೇರುಗಳಲ್ಲಿ ಹೆಚ್ಚಳ ಕಂಡುಬಂದವು. 

ಇನ್ನು  ರಾಷ್ಟ್ರೀಯ ಷೇರು ಪೇಟೆ ನಿಫ್ಟಿ 10,900 ಅಂಶಗಳಿಗೆ ಏರಿಕೆ ದಾಖಲಿಸಿತು.  ಇಂದು 61.85 ಅಂಕ ಏರಿಕೆ ಕಾಣುವ ಮೂಲಕ 10,914 ಅಂಕಗಳಿಗೆ ತಲುಪಿತು. ಯೆಸ್​ ಬ್ಯಾಂಕ್​, ಆರ್​ಐಎಲ್​, ಅದಾನಿ ಪೋರ್ಟ್ಸ್​, ಹೆಚ್​ಡಿಎಫ್​ಸಿ, ಬಜಾಜ್​ ಆಟೋ,  ಭಾರ್ತಿ ಏರ್​ಟೆಲ್​, ಟಾಟಾಸ್ಟೀಲ್​, ಇನ್​ಫೋಸಿಸ್​ ಷೇರುಗಳ ಬೆಲೆ ಸರಿ ಸುಮಾರು 1.72 ರಷ್ಟು ಏರಿಕೆ ಕಂಡವು.