1 ಟ್ರಿಲಿಯನ್ ಆರ್ಬಿಐ ಹಣ ಎಗರಿಸಲಿದೆಯಾ ಮೋದಿ ಸರ್ಕಾರ?
ಸಾರಾಂಶ
ಆರ್ಬಿಐ ಮೀಸಲು ಹಣದ ಮೇಲೆ ಮೋದಿ ಕಣ್ಣು?! ಹೆಚ್ಚುವರಿ ಮೊತ್ತ ಕೇಂದ್ರಕ್ಕೆ ವರ್ಗಾವಣೆ ಮಾಡಲಿದೆಯಾ ಆರ್ಬಿಐ?! ವರ್ಗಾವಣೆ ಸಂಬಂಧ ಸಮಿತಿ ರಚನೆ ಮಾಡಲು ಆರ್ಬಿಐ ನಿರ್ಧಾರ! 1-3 ಟ್ರಿಲಿಯನ್ ಹಣವನ್ನು ಹೆಚ್ಚುವರಿ ಮೊತ್ತ ಎಂದು ಪರಿಗಣಿಸುವ ಸಾಧ್ಯತೆ
ಮುಂಬೈ(ನ.27): ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ತನ್ನಲ್ಲಿರುವ ಮೀಸಲು ಹಣದ ಪೈಕಿ, ಹೆಚ್ಚುವರಿ ಮೊತ್ತವನ್ನು ಕೇಂದ್ರ ಸರ್ಕಾರಕ್ಕೆ ವರ್ಗಾವಣೆ ಮಾಡುವ ಸಾಧ್ಯತೆ ಇದೆ.
ನ.26 ರಂದು ನಡೆದ ಆರ್ಬಿಐ ಆಡಳಿತ ಮಂಡಳಿ ಸಭೆಯಲ್ಲಿ ಈ ಬಗ್ಗೆ ಚರ್ಚೆ ನಡೆಸಲಾಗಿದ್ದು, ವರ್ಗಾವಣೆ ಸಂಬಂಧ ಸಮಿತಿ ರಚನೆ ಮಾಡಲು ನಿರ್ಧರಿಸಲಾಗಿದೆ ಎನ್ನಲಾಗಿದೆ.
ಸಮಿತಿ ಎಷ್ಟು ಮೊತ್ತವನ್ನು ಹೆಚ್ಚುವರಿಯಾಗಿ ಸಂಗ್ರಹವಾದ ಮೊತ್ತ ಎಂದು ಹೇಳುತ್ತದೆಯೋ ಅಷ್ಟು ಹೆಚ್ಚುವರಿ ಮೀಸಲು ಹಣವನ್ನು ಕೇಂದ್ರ ಸರ್ಕಾರಕ್ಕೆ ವರ್ಗಾವಣೆ ಮಾಡಲಿದೆ.
ಸಮಿತಿಯ ಸದಸ್ಯರ ಬಗ್ಗೆ ಈ ವಾರಾಂತ್ಯದ ವೇಳೆಗೆ ಘೋಷಣೆಯಾಗಲಿದೆ. ಆರ್ಬಿಐ ನ ಎಕೆನಾಮಿಕ್ ಕ್ಯಾಪಿಟಲ್ ಫ್ರೇಮ್ ವರ್ಕ್ (ಇಸಿಎಫ್)ಗೆ ಸಂಬಂಧಿಸಿದ ಸಮಿತಿ 1-3 ಟ್ರಿಲಿಯನ್ ನಷ್ಟು ಹಣವನ್ನು ಹೆಚ್ಚುವರಿ ಮೊತ್ತ ಎಂದು ಪರಿಗಣಿಸುವ ಸಾಧ್ಯತೆ ಇದೆ ಎಂದು ಅಂದಾಜಿಲಸಾಗಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.