ಅಕ್ಟೋಬರ್ 25ರಿಂದ ಎರಡು ದಿನಗಳ ಮೊಬೈಲ್ ಕಾಂಗ್ರೆಸ್! ಒಂದೇ ವೇದಿಕೆಯಲ್ಲಿ ಮುಖೇಶ್ ಅಂಬಾನಿ ಮತ್ತು ಸುನೀಲ್ ಮಿತ್ತಲ್! ವೇದಿಕೆಯಲ್ಲಿ ರಿಲಯನ್ಸ್ ಜಿಯೋ, ಭಾರತಿ ಏರ್‌ಟೆಲ್ ಟಕ್ಕರ್! ಪರಸ್ಪರ ವೈರಿಗಳು ವೇದಿಕೆಯಲ್ಲಿ ಕೈ ಮಿಲಾಯಿಸ್ತಾರಾ?
ಮುಂಬೈ(ಅ.21): ಇದೇ ಅಕ್ಟೋಬರ್ 25-26 ರಂದು ಎರಡು ದಿನಗಳ ಕಾಲ ಮೊಬೈಲ್ ಕಾಂಗ್ರೆಸ್ ಸಮಾವೇಶ ನಡೆಯಲಿದ್ದು, ಈ ವೇಳೆ ದೇಶದ ಎರಡು ಟೆಲಿಕಾಂ ದಿಗ್ಗಜ ಕಂಪನಿಗಳ ಮಾಲೀಕರು ವೇದಿಕೆ ಹಂಚಿಕೊಳ್ಳಲಿದ್ದಾರೆ.
ರಿಲಯನ್ಸ್ ಜಿಯೋ ಮುಖ್ಯಸ್ಥರಾದ ಮುಖೇಶ್ ಅಂಬಾನಿ ಮತ್ತು ಭಾರತಿ ಏರ್‌ಟೆಲ್ ಮುಖ್ಯಸ್ಥರಾದ ಸುನೀಲ್ ಮಿತ್ತಲ್ ಮೊಬೈಲ್ ಕಾಂಗ್ರೆಸ್ ಸಮಾವೇಶದಲ್ಲಿ ವೇದಿಕೆ ಹಂಚಿಕೊಳ್ಳಲಿದ್ದಾರೆ. ಜಿಯೋ ಮತ್ತು ಏರ್‌ಟೆಲ್ ಪರಸ್ಪರ ವೈರಿ ಸಂಸ್ಥೆಗಳೆಂದೇ ವ್ಯಾಪಾರ ಜಗತ್ತಿನಲ್ಲಿ ಹೆಸರು ಪಡೆದಿವೆ.
undefined
ಅಕ್ಟೋಬರ್ 25 ರ ಉದ್ಘಾಟನಾ ಸಮಾರಂಭದಲ್ಲಿ ಮುಖೇಶ್ ಮತ್ತು ಸುನೀಲ್ ಒಂದೇ ವೇದಿಕೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಈ ನಿರ್ಧಾರ ಈಗಾಗಲೇ ದೇಶದ ಟೆಲಿಕಾಂ ಕ್ಷೇತ್ರದಲ್ಲಿ ಭಾರೀ ಬಿರುಗಾಳಿಯನ್ನೇ ಸೃಷ್ಟಿಸಲಿದ್ದು, ಮುಖೇಶ್ ಮತ್ತು ಸುನೀಲ್ ಅವರನ್ನು ಒಟ್ಟಾಗಿ ನೋಡಲು ದೇಶ ಆದು ಕುಳಿತಿದೆ.
ಇದೇ ವೇಳೆ ಮೊಬೈಲ್ ಕಾಂಗ್ರೆಸ್ ಉದ್ಘಾಟನಾ ಸಮಾರಂಭದಲ್ಲಿ ವೋಡಾಫೋನ್ ಐಡಿಯಾ ಚೇರಮನ್ ಕುಮಾರ್ ಮಂಗಲಂ ಬಿರ್ಲಾ ಕೂಡ ಭಾಗವಹಿಸಲಿದ್ದಾರೆ.