Jio Platforms IPO Day 3: ಜಿಯೋ ಪ್ಲಾಟ್‌ಫಾರ್ಮ್ಸ್ ಐಪಿಒಗೆ 1 ಕೋಟಿಗೂ ಹೆಚ್ಚು ಅರ್ಜಿ: ಜಾಗತಿಕ ದಾಖಲೆ

Jio Platforms IPO Day 2 Highlights ರಿಲಯನ್ಸ್‌ ಸಂಸ್ಥೆಯ ಜಿಯೋ ಪ್ಲಾಟ್‌ಫಾರ್ಮ್ಸ್‌ನ ಐಪಿಒಗೆ ಎರಡನೇ ದಿನವಾದ ಗುರುವಾರವೂ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಚಿಲ್ಲರೆ ಹೂಡಿಕೆದಾರರ ಕೋಟಾವು ಬೆಳಗ್ಗೆ 10.45ರ ವೇಳೆಗೆ ಪೂರ್ಣ ಭರ್ತಿಯಾಗಿದೆ.

Jio Platforms IPO Day 2 Highlights: ರಿಲಯನ್ಸ್‌ ಕಂಪನಿಯ ಜಿಯೋ ಪ್ಲಾಟ್‌ಫಾರ್ಮ್ಸ್‌ ಲಿ.(JPL)ನ ಐಪಿಒ ಷೇರು ಮಾರುಕಟ್ಟೆಯಲ್ಲಿ ಭಾರೀ ಸಂಚಲನ ಮೂಡಿಸಿದೆ. ಮಾರುಕಟ್ಟೆಗೆ ಬಿಡುಗಡೆಯಾದ ಕೇವಲ 100 ನಿಮಿಷಗಳಲ್ಲೇ ಜಿಯೋಪ್ಲಾಟ್‌ಫಾರ್ಮ್ಸ್‌ ಲಿ. ಐಪಿಒ ಸಂಪೂರ್ಣ‍ಾಗಿ ಸಬ್‌ಸ್ಕೈಬ್‌ (ಚಂದಾದಾರಿಕೆ) ಆಗುವ ಮೂಲಕ ಹೊಸ ದಾಖಲೆ ಬರೆದಿದೆ.

ಜಿಯೋ ಐಪಿಒಗೆ ಯಾಕಿಷ್ಟು ಡಿಮ್ಯಾಂಡ್?

ರಿಲಯನ್ಸ್‌ ಸಂಸ್ಥೆಯ ಜಿಯೋ ಪ್ಲಾಟ್‌ಫಾರ್ಮ್ಸ್‌ನ ಐಪಿಒಗೆ ಎರಡನೇ ದಿನವಾದ ಗುರುವಾರವೂ ಭರ್ಜರಿ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಚಿಲ್ಲರೆ ಹೂಡಿಕೆದಾರರ ಕೋಟಾವು ಬೆಳಗ್ಗೆ 10.45ರ ವೇಳೆಗೆ ಪೂರ್ಣ ಭರ್ತಿಯಾಗಿದೆ.

ಇಂದು ಬಿಡ್ಡಿಂಗ್‌ ಮುಕ್ತಾಯ?

ಒಟ್ಟಾರೆ ಈ ಐಪಿಒಗೆ ಸುಮಾರು 5 ಪಟ್ಟು ಬಿಡ್‌ ಸಲ್ಲಿಕೆಯಾಗಿದೆ. ಈ ಮೂಲಕ 30,213 ಕೋಟಿ ರು. ಮೌಲ್ಯದ ಈ ಐಪಿಒಗೆ 3.60 ಲಕ್ಷ ಕೋಟಿ ರು.ಗೂ ಹೆಚ್ಚಿನ ಬಿಡ್‌ ಬಂದಿದೆ. ಈ ಐಪಿಒ ಮೇಲಿನ ಬಿಡ್ಡಿಂಗ್‌ ಅವಧಿ ಶುಕ್ರವಾರ ಮುಕ್ತಾಯವಾಗಲಿದೆ. ಅ.28ಕ್ಕೆ ಷೇರು ಲಿಸ್ಟ್‌ ಆಗಲಿದೆ.

ಜಿಯೋ ಪ್ಲಾಟ್‌ಫಾರ್ಮ್ಸ್ ಐಪಿಒಗೆ 1 ಕೋಟಿಗೂ ಹೆಚ್ಚು ಅರ್ಜಿ: ಜಾಗತಿಕ ದಾಖಲೆ

ಜಿಯೋ ಪ್ಲಾಟ್‌ಫಾರ್ಮ್ಸ್ ಲಿಮಿಟೆಡ್‌ನ ಐಪಿಒಗೆ 1 ಕೋಟಿಗೂ ಹೆಚ್ಚು ಅರ್ಜಿಗಳು ಸಲ್ಲಿಕೆಯಾಗಿವೆ. ಷೇರು ವಿನಿಮಯ ಕೇಂದ್ರದ ಮಾಹಿತಿಯ ಪ್ರಕಾರ, ಬಿಡ್ ಸಲ್ಲಿಸಲು ಇನ್ನೂ ಐದು ಗಂಟೆಗಳ ಸಮಯ ಬಾಕಿ ಇರುವಾಗಲೇ ಈ ಐತಿಹಾಸಿಕ ದಾಖಲೆ ನಿರ್ಮಾಣವಾಗಿದೆ.

ಇದಕ್ಕೂ ಮೊದಲು ವಾರೀ ಎನರ್ಜೀಸ್ ಲಿಮಿಟೆಡ್‌ನ ಐಪಿಒಗೆ ಸುಮಾರು 97 ಲಕ್ಷ ಅರ್ಜಿಗಳು ಸಲ್ಲಿಕೆಯಾಗಿದ್ದವು. ಇದು ಈವರೆಗಿನ ದಾಖಲೆಯಾಗಿತ್ತು. ಇದೀಗ ಜಿಯೋ ಪ್ಲಾಟ್‌ಫಾರ್ಮ್ಸ್ ಈ ದಾಖಲೆಯನ್ನು ಹಿಂದಿಕ್ಕಿದೆ.

ಭಾರತದಲ್ಲಿ ಹೆಚ್ಚಿನ ಅರ್ಜಿಗಳನ್ನು ಪಡೆದ ಇತರ ಐಪಿಒಗಳ ಪೈಕಿ ಬಜಾಜ್ ಹೌಸಿಂಗ್ ಫೈನಾನ್ಸ್ ಲಿಮಿಟೆಡ್ ಮತ್ತು ಭಾರತ್ ಕೋಕಿಂಗ್ ಕೋಲ್ ಲಿಮಿಟೆಡ್ ಕೂಡ ಸೇರಿವೆ. ಈ ಎರಡೂ ಕಂಪನಿಗಳ ಐಪಿಒಗಳಿಗೆ ತಲಾ ಸುಮಾರು 90 ಲಕ್ಷ ಅರ್ಜಿಗಳು ಸಲ್ಲಿಕೆಯಾಗಿದ್ದವು.

ಜಿಯೋ ಪ್ಲಾಟ್‌ಫಾರ್ಮ್ಸ್ ಐಪಿಒಗೆ ಅರ್ಜಿ ಸಲ್ಲಿಸುವ ಅವಧಿ ಮುಕ್ತಾಯವಾಗಲು ಇನ್ನೂ ಸಮಯ ಇರುವುದರಿಂದ ಅರ್ಜಿಗಳ ಸಂಖ್ಯೆ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ಇದರಿಂದ ಹಿಂದಿನ ದಾಖಲೆಗೂ ಜಿಯೋ ಪ್ಲಾಟ್‌ಫಾರ್ಮ್ಸ್ ಐಪಿಒಗೂ ಇರುವ ಅಂತರ ಇನ್ನಷ್ಟು ಹೆಚ್ಚಾಗಬಹುದು.