ಭಾರತೀಯರ ಸರಾಸರಿ ಮಾಸಿಕ ತಲಾದಾಯ ಭರ್ಜರಿ ಏರಿಕೆ

ದೇಶದ ಜನತೆ ಆದಾಯ ಪ್ರಮಾಣದಲ್ಲಿ ಭರ್ಜರಿ ಏರಿಕೆ ಕಂಡು ಬಂದಿದೆ. ತಲಾ ಆದಾಯ ಶೇ.10ರಷ್ಟುಏರಿಕೆಯಾಗಿದ್ದು ಅದು 10,534ಕ್ಕೆ ತಲುಪಿದೆ. 

ನವದೆಹಲಿ :  ಭಾರತದ ನಾಗರೀಕನ ಮಾಸಿಕ ತಲಾದಾಯ ಶೇ.10 ರಷ್ಟು ಏರಿಕೆಯಾಗಿದ್ದು ಅದೀಗ 10,534 ರೂಪಾಯಿ ತಲುಪಿದೆ. 

ಕೇಂದ್ರ ಸರ್ಕಾರ 2019ರ ಆರ್ಥಿಕ ವರ್ಷದ ಅಂತ್ಯಕ್ಕೆ ಬಿಡುಗಡೆ ಮಾಡಿದ ಅಂಕಿ-ಅಂಶಗಳಿಂದ ಈ ಅಂಕಿಅಂಶ ಬೆಳಕಿಗೆ ಬಂದಿದೆ. 2017-18ರಲ್ಲಿ ಪ್ರತಿ ನಾಗರೀಕನ ತಲಾದಾಯ 9,580 ರೂಪಾಯಿ ಇತ್ತು. ಈ ಅವಧಿಯಲ್ಲಿ  ನಾಗರೀಕನೊಬ್ಬ ವಾರ್ಷಿಕ 1,14,958 ರಷ್ಟು ( ಮಾಸಿಕ .9,580 ರೂಪಾಯಿ) ಆದಾಯ ಪಡೆಯುತ್ತಿದ್ದ. 

2018-19ಕ್ಕೆ ಅದು 1,26,406 (.10,534 ರೂಪಾಯಿ) ರಷ್ಟುಏರಿಕೆಯಾಗಿದೆ. ಈ ಕುರಿತು ಸಾಂಖ್ಯಿಕ ಮಂತ್ರಾಲಯ 2018-19ರ ತಲಾದಾಯ ಹಾಗೂ ಜಿಡಿಪಿ ಅಂಕಿ ಸಂಖ್ಯೆ ಬಿಡುಗಡೆ ಮಾಡಿದ್ದು 2018-19ರಲ್ಲಿ ದೇಶದ ಒಟ್ಟಾರೆ ಆದಾಯವನ್ನು 188.17 ಲಕ್ಷ ಕೋಟಿ ಎಂದು ನಿರೀಕ್ಷಿಸಲಾಗಿದೆ.

 ಇದು 2017-18ಕ್ಕೆ 169.10 ಲಕ್ಷ ಕೋಟಿ ಇತ್ತು. ಈ ಮೂಲಕ ಶೇ.11.3ರಷ್ಟು ಏರಿಕೆ ದಾಖಲಿಸಿದೆ. ಅಂತೂ ನಮ್ಮಗಳ ಸಂಪಾದನೆ ಜಾಸ್ತಿ ಆಯ್ತು ಎನ್ನಿ !