ಬಿಟ್ಕಾಯಿನ್ ಮೌಲ್ಯ 190000 ಡಾಲರ್ಗೆ: ಇದು 3 ವರ್ಷದ ಗರಿಷ್ಠ!
ಸಾರಾಂಶ
ಕ್ರಿಪ್ಟೋ ಕರೆನ್ಸಿಯಾದ ಬಿಟ್ಕಾಯಿನ್ನ ಮೌಲ್ಯ 19000 ಡಾಲರ್ಗೆ (14.21 ಲಕ್ಷ)ಗೆ ಏರಿದೆ. ಇದು ಬಿಟ್ಕಾಯಿನ್ನ 3 ವರ್ಷದ ಗರಿಷ್ಠ ಮೌಲ್ಯ| ವರ್ಷವೊಂದರಲ್ಲೇ ಬಿಟ್ಕಾಯಿನ್ ಮೌಲ್ಯ ಶೇ.160ರಷ್ಟುಏರಿಕೆ
ನವದೆಹಲಿ(ನ.25): ಕ್ರಿಪ್ಟೋ ಕರೆನ್ಸಿಯಾದ ಬಿಟ್ಕಾಯಿನ್ನ ಮೌಲ್ಯ 19000 ಡಾಲರ್ಗೆ (14.21 ಲಕ್ಷ)ಗೆ ಏರಿದೆ. ಇದು ಬಿಟ್ಕಾಯಿನ್ನ 3 ವರ್ಷದ ಗರಿಷ್ಠ ಮೌಲ್ಯವಾಗಿದೆ.
ಕೊರೋನಾ ಹಿನ್ನೆಲೆಯಲ್ಲಿ ಬಹುತೇಕ ದೇಶಗಳು ಆರ್ಥಿಕ ಸಂಕಷ್ಟ ಎದುರಿಸುತ್ತಿದ್ದು, ಹೂಡಿಕೆದಾರರು ಬಿಟ್ಕಾಯಿನ್ ಹೆಚ್ಚು ಸುರಕ್ಷಿತ ಎನ್ನುವ ಕಾರಣಕ್ಕೆ ಇದರತ್ತ ಮುಖ ಮಾಡುತ್ತಿದ್ಧಾರೆ ಎನ್ನಲಾಗಿದೆ.
ಹೀಗಾಗಿ ಈ ವರ್ಷವೊಂದರಲ್ಲೇ ಬಿಟ್ಕಾಯಿನ್ ಮೌಲ್ಯ ಶೇ.160ರಷ್ಟು ಏರಿಕೆಯಾಗಿದೆ. ಜೊತೆಗೆ ಶೀಘ್ರವೇ ಮೌಲ್ಯ ಸಾರ್ವಕಾಲಿಕ ದಾಖಲೆಯಾದ 20000 ಡಾಲರ್ ದಾಟಲಿದೆ ಎಂದು ವಿಶ್ಲೇಷಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಸಾಮಾನ್ಯವಾಗಿ ಜಾಗತಿಕ ಆರ್ಥಿಕ ಮಾರುಕಟ್ಟೆಕುಸಿದಾಗ ಹೂಡಿಕೆದಾರರು ಸುರಕ್ಷಿತ ಹೂಡಿಕೆಯಾದ ಚಿನ್ನದತ್ತ ಮುಖ ಮಾಡುತ್ತಿದ್ದರು, ಆದರೆ ಈ ಬಾರಿ ಬಿಟ್ಕಾಯಿನ್ನತ್ತ ಹೆಚ್ಚು ಒಲವು ತೋರಿದ್ದು ಅಚ್ಚರಿ ತಂದಿದೆ.
ವ್ಯವಹಾರ (business ideas in kannada) , ಬ್ಯಾಂಕಿಂಗ್ (Banking News), ಹಣಕಾಸು, ಭಾರತೀಯ ಆರ್ಥಿಕತೆ, ಜಾಗತಿಕ ಮಾರುಕಟ್ಟೆ, ಷೇರು ಮಾರುಕಟ್ಟೆ, ಹೂಡಿಕೆ ಸೇರಿದಂತೆ ಇನ್ನಿತರ ಮತ್ತು ಇತ್ತೀಚಿನ ಹಣಕಾಸಿನ ಸುದ್ದಿಗಳನ್ನು ಏಷ್ಯಾನೆಟ್ ಸುವರ್ಣ ನ್ಯೂಸ್ನಲ್ಲಿ ಓದಿರಿ.