ಭಾರತೀಯ ಮೂಲದ ಕೆವನ್‌ ಪರೇಖ್‌ ಆಪಲ್‌ನ ನೂತನ ಸಿಎಫ್‌ಓ, ಸ್ಯಾಲರಿ ಕೂಡ ರಿವಿಲ್‌!

ಜನವರಿ 1, 2025 ರಿಂದ ಕೇವನ್ ಪರೇಖ್ ಅವರು ಆಪಲ್‌ನ ಹೊಸ ಮುಖ್ಯ ಹಣಕಾಸು ಅಧಿಕಾರಿಯಾಗಿ ಅಧಿಕಾರ ವಹಿಸಿಕೊಂಡಿದ್ದಾರೆ. ಲುಕಾ ಮಾಸ್ಟ್ರಿ ಅವರ ಸ್ಥಾನವನ್ನು ಪರೇಖ್ ತುಂಬಲಿದ್ದು, ಕಾರ್ಪೊರೇಟ್ ಸೇವೆಗಳ ತಂಡಗಳ ಉಸ್ತುವಾರಿ ವಹಿಸಿಕೊಳ್ಳಲಿದ್ದಾರೆ.

ಬೆಂಗಳೂರು (ಜ.4): ಕಳೆದ ವರ್ಷ, ಆಪಲ್ ಕಂಪನಿಗೆ ದೀರ್ಘಾವಧಿ ಕಾಲ  ಮುಖ್ಯ ಹಣಕಾಸು ಕಚೇರಿ (ಸಿಎಫ್‌ಒ) ಮುಖ್ಯಸ್ಥರಾಗಿ ಕೆಲಸ ಮಾಡಿದ್ದ ಲುಕಾ ಮಾಸ್ಟ್ರಿ ಹೊಸ ರೋಲ್‌ ವಹಿಸಿಕೊಳ್ಳಲಿದ್ದಾರೆ ಎಂದು ತಿಳಿಸಿತ್ತು. ಈ ಲುಕಾ ಮಾಸ್ಟ್ರಿ ಸ್ಥಾನವನ್ನು ಭಾರತೀಯ ಮೂಲದ ಕೆವನ್ ಪರೇಖ್ ವಹಿಸಿಕೊಳ್ಳಲಿದ್ದಾರೆ ಎಂದು ಕಂಪನಿ ತಿಳಿಸಿತ್ತು. 2025ರ ಜನವರಿ 1ರಿಂದ ಪರೇಖ್ ಅಧಿಕೃತವಾಗಿ CFO ಆಗಿ ಅಧಿಕಾರ ವಹಿಸಿಕೊಂಡಿದ್ದಾರೆ ಎಂದು ಆಪಲ್ ಬಹಿರಂಗಪಡಿಸಿದೆ. ಪರೇಖ್ ಅವರ ಹೊಸ ಪಾತ್ರದ ಬಗ್ಗೆ ಆಪಲ್ ಶುಕ್ರವಾರ ತನ್ನ ಹೂಡಿಕೆದಾರರಿಗೆ ಸೂಚನೆ ನೀಡಿದೆ. "Apple Inc.'s ("Apple's") ಭಾಗವಾಗಿ ಈ ಹಿಂದೆ ಮುಖ್ಯ ಹಣಕಾಸು ಅಧಿಕಾರಿ ಪರಿವರ್ತನಾ ಯೋಜನೆಯನ್ನು ಘೋಷಿಸಿತು, ಆಪಲ್‌ನ ನಿರ್ದೇಶಕರ ಮಂಡಳಿಯು 53 ವರ್ಷದ ಕೇವನ್ ಪರೇಖ್ ಅವರನ್ನು ಆಪಲ್‌ನ ಹಿರಿಯ ಉಪಾಧ್ಯಕ್ಷ, ಮುಖ್ಯ ಹಣಕಾಸು ಅಧಿಕಾರಿಯಾಗಿ ಜನವರಿ 1, 2025 ರಿಂದ ಜಾರಿಗೆ ತರಲು ನೇಮಕ ಮಾಡಿದೆ. ಸಿಎಫ್‌ಒ ಪಾತ್ರದಲ್ಲಿ ಪಾರೇಖ್ ಲುಕಾ ಮೇಸ್ಟ್ರಿಗೆ ಉತ್ತರಾಧಿಕಾರಿಯಾಗಿರಲಿದ್ದಾರೆ” ಎಂದು ಆಪಲ್ , ಸ್ಟಾಕ್‌ ಎಕ್ಸ್‌ಚೇಂಜ್‌ಗೆ ಸಲ್ಲಿಸಿದ ಫಾರ್ಮ್-8K ಫೈಲ್‌ನಲ್ಲಿ ಹೇಳಿದೆ.

ಪರೇಖ್ ಅವರು ಜೂನ್ 2013 ರಿಂದ ಆಪಲ್‌ನಲ್ಲಿದ್ದಾರೆ ಮತ್ತು ಉಪಾಧ್ಯಕ್ಷರು, ಹಣಕಾಸು ಯೋಜನೆ ಮತ್ತು ವಿಶ್ಲೇಷಣೆ ಮತ್ತು ಉಪಾಧ್ಯಕ್ಷರು, ಸೇಲ್ಸ್‌ ಫೈನಾನ್ಸ್‌, ಮಾರ್ಕೆಟಿಂಗ್ ಮತ್ತು ಚಿಲ್ಲರೆ ವ್ಯಾಪಾರದಂತಹ ಸ್ಥಾನಗಳನ್ನು ಹೊಂದಿದ್ದರು. ಆಪಲ್‌ಗೆ ಸೇರುವ ಮೊದಲು, ಪಾರೇಖ್ ಥಾಮ್ಸನ್ ರಾಯಿಟರ್ಸ್ ಮತ್ತು ಜನರಲ್ ಮೋಟಾರ್ಸ್‌ನಲ್ಲಿ ಹಿರಿಯ ನಾಯಕರ ರೋಲ್‌ನಲ್ಲಿ ಕೆಲಸ ಮಾಡಿದ್ದರು.

ಪರೇಖ್ ಅವರ ವಾರ್ಷಿಕ ಪರಿಹಾರವನ್ನು ಹೆಚ್ಚಿಸಲಾಗಿದೆ ಮತ್ತು ಈಗ ಅವರು  $1 ಮಿಲಿಯನ್ ಪರಿಹಾರ ಪಡೆದುಕೊಳ್ಳಲಿದ್ದಾರೆ ಎಂದು ಆಪಲ್ ಬಹಿರಂಗಪಡಿಸಿದೆ. ಇದಲ್ಲದೆ, ಅವರು 2025 ರ ಆರ್ಥಿಕ ವರ್ಷಕ್ಕೆ Apple Inc. ಕಾರ್ಯನಿರ್ವಾಹಕ ನಗದು ಪ್ರೋತ್ಸಾಹ ಯೋಜನೆಯಲ್ಲಿ ಭಾಗವಹಿಸಲು ಅರ್ಹರಾಗಿದ್ದಾರೆ ಎಂದು Apple ಹೇಳಿದೆ.

ಈ ನಡುವೆ ಲುಕಾ ಮಾಸ್ಟ್ರಿ ಕಾರ್ಪೊರೇಟ್ ಸೇವೆಗಳ ತಂಡಗಳ ಉಸ್ತುವಾರಿ ವಹಿಸುತ್ತಾರೆ, ಮಾಹಿತಿ ವ್ಯವಸ್ಥೆಗಳು ಮತ್ತು ತಂತ್ರಜ್ಞಾನ, ಸೈಬರ್ ಭದ್ರತೆ ಮತ್ತು ರಿಯಲ್ ಎಸ್ಟೇಟ್ ಮತ್ತು ಅಭಿವೃದ್ಧಿಯಂತಹ ಕ್ಷೇತ್ರಗಳನ್ನು ನೋಡಿಕೊಳ್ಳುತ್ತಾರೆ.