TVS Racing Team ರೇಸಿಂಗ್ ತಂಡ ರಚಿಸಲು ಪೆಟ್ರೋನಾಸ್ ಹಾಗೂ ಟಿವಿಎಸ್ ಒಪ್ಪಂದ!
ಸಾರಾಂಶ
ಟಿವಿಎಸ್ ರೇಸಿಂಗ್ ತಂಡದಲ್ಲಿ ಹೊಸ ಚೈತನ್ಯ ಪೆಟ್ರೋನಾಸ್ ಟಿವಿಎಸ್ ರೇಸಿಂಗ್ ಟೀಮ್ ಎಂದು ಮರುಬ್ರಾಂಡ್ ಟಿವಿಎಸ್ ಮೋಟಾರ್ ಕಂಪನಿಯೊಂದಿಗಿನ ಪೆಟ್ರೋನಾಸ್ ಒಪ್ಪಂದ
ಚೆನ್ನೈ(ಏ.25): ಜಾಗತಿಕ ದ್ವಿಚಕ್ರ ಮತ್ತು ತ್ರಿಚಕ್ರ ವಾಹನಗಳ ತಯಾರಕರಾದ ಟಿವಿಎಸ್ ಮೋಟಾರ್ ಕಂಪನಿಯು ಪೆಟ್ರೋನಾಸ್ ಜೊತೆ ಪಾಲುದಾರಿಕೆ ಒಪ್ಪಂದವನ್ನು ಮಾಡಿಕೊಂಡಿದೆ. ಇದರೊಂದಿಗೆ ಪ್ರಗತಿಪರ ಇಂಧನ ಕಂಪನಿಯು ಭಾರತದ ಮೊಟ್ಟಮೊದಲ ಕಾರ್ಖಾನೆಯ ರೇಸಿಂಗ್ ತಂಡ ಟಿವಿಎಸ್ ರೇಸಿಂಗ್ನ ಪಾಲುದಾರನಾಗಲಿದೆ.
ಈ ಋತುವಿನಲ್ಲಿ, ಪೆಟ್ರೋನಾಸ್ ತನ್ನ ಉನ್ನತ- ಕಾರ್ಯಕ್ಷಮತೆಯ ಎಂಜಿನ್ ಆಯಿಲ್, ಪೆಟ್ರೋನಾಸ್ ಸ್ಪ್ರಿಂಟಾವನ್ನು ಈಗ ಪೆಟ್ರೋನಾಸ್ ಟಿವಿಎಸ್ ರೇಸಿಂಗ್ ಟೀಮ್ ಎಂದು ಮರುಬ್ರಾಂಡ್ ಮಾಡಿದ ತಂಡಕ್ಕೆ ಪೂರೈಸಲು ಸಿದ್ಧವಾಗಿದೆ. ಭಾರತೀಯ ರಾಷ್ಟ್ರೀಯ ಮೋಟಾರ್ಸೈಕಲ್ ರೇಸಿಂಗ್ ಚಾಂಪಿಯನ್ಶಿಪ್ (ಐಎನ್ಎಂಆರ್ಸಿ), ಭಾರತೀಯ ರಾಷ್ಟ್ರೀಯ ಸೂಪರ್ಕ್ರಾಸ್ ಚಾಂಪಿಯನ್ಶಿಪ್ (ಐಎನ್ಎಸ್ಸಿ) ಮತ್ತು ಭಾರತೀಯ ರಾಷ್ಟ್ರೀಯ ರ್ಯಾಲಿ ಚಾಂಪಿಯನ್ಶಿಪ್ (ಐಎನ್ಆರ್ಸಿ) ಸೇರಿದಂತೆ ಸ್ಥಳೀಯ ರೋಡ್- ರೇಸಿಂಗ್, ಸೂಪರ್ಕ್ರಾಸ್ ಮತ್ತು ರ್ಯಾಲಿ ಸ್ವರೂಪಗಳಲ್ಲಿ ತಂಡವು ಭಾಗವಹಿಸುತ್ತದೆ.
ದೇಶದಲ್ಲಿ ಎಲೆಕ್ಟ್ರಿಕ್ ಚಾರ್ಜಿಂಗ್ ಸ್ಟೇಷನ್ ಸ್ಥಾಪನೆಗೆ ಜಿಯೋ ಬಿಪಿ, ಟಿವಿಎಸ್ ಮೋಟರ್ ಒಪ್ಪಂದ!
ಟಿವಿಎಸ್ ಮೋಟಾರ್ ಕಂಪನಿಯೊಂದಿಗಿನ ಪಾಲುದಾರಿಕೆಯು ಸಹ- ಬ್ರಾಂಡೆಡ್ ತೈಲವಾದ ಪೆಟ್ರೊನಾಸ್ ಟಿವಿಎಸ್ ಟಿಆರ್ಯು4 ರೇಸ್ಪ್ರೊ ತೈಲ ಅಭಿವೃದ್ಧಿಪಡಿಸಲು ಪೆಟ್ರೊನಾಸ್ ಲೂಬ್ರಿಕಂಟ್ಸ್ ಇಂಟರ್ನ್ಯಾಷನಲ್ (ಪಿಎಲ್ಐ) ನೊಂದಿಗೆ ಕಾರ್ಯತಂತ್ರದ ವ್ಯಾಪಾರ ಮೈತ್ರಿಯಿಂದ ಪೂರಕವಾಗಲಿದೆ. ಇದು 2022 ರ ಮೇ ತಿಂಗಳಲ್ಲಿ ಭಾರತದಾದ್ಯಂತ ಹೈ ಸ್ಟ್ರೀಟ್ ಮಾರುಕಟ್ಟೆಯಲ್ಲಿ ಗ್ರಾಹಕರಿಗೆ ಲಭ್ಯವಿರುತ್ತದೆ.
ಟಿವಿಎಸ್ ರೇಸಿಂಗ್ಗಾಗಿ ಪೆಟ್ರೋನಾಸ್ ನಮ್ಮ ಪಾಲುದಾರರಾಗಿರಲು ನಾವು ಸಂತೋಷಪಡುತ್ತೇವೆ. ಪೆಟ್ರೊನಾಸ್ ಅನೇಕ ಪ್ರಗತಿಪರ ತಾಂತ್ರಿಕ ಪರಿಹಾರಗಳನ್ನು ಹೊಂದಿದೆ. ಪ್ರಮುಖ ರೇಸಿಂಗ್ ಈವೆಂಟ್ಗಳಲ್ಲಿ ಗಮನಾರ್ಹ ಗೆಲುವುಗಳಿಂದ ಇದು ಬೆಂಬಲಿತವಾಗಿದೆ. ಟಿವಿಎಸ್ ರೇಸಿಂಗ್ನ ನಾಲ್ಕು ದಶಕಗಳ ಬಲವಾದ ರೇಸಿಂಗ್ ಪರಂಪರೆಯೊಂದಿಗೆ ಪೆಟ್ರೋನಾಸ್ನ ಜಾಗತಿಕ ಪರಿಣತಿ ಮತ್ತು ಮೋಟಾರ್ಸ್ಪೋರ್ಟ್ಗಳಲ್ಲಿ ಘನ ಉಪಸ್ಥಿತಿಯು ನಮ್ಮನ್ನು ಹೆಚ್ಚಿನ ಎತ್ತರಕ್ಕೆ ಕೊಂಡೊಯ್ಯುತ್ತದೆ ಎಂದು ನನಗೆ ವಿಶ್ವಾಸವಿದೆ ಎಂದು ಟಿವಿಎಸ್ ಮೋಟಾರ್ ಕಂಪನಿಯ ಸಿಇಒ ಕೆಎನ್ ರಾಧಾಕೃಷ್ಣನ್ ಹೇಳಿದರು.
ಕಡಿಮೆ ಬೆಲೆ, ಗರಿಷ್ಠ ಮೈಲೇಜ್ ನೀಡಬಲ್ಲ TVS ರೇಡಿಯೋನ್ ಹೊಸ ಡ್ಯುಯೆಲ್ ಟೋನ್ ಬಣ್ಣದಲ್ಲಿ ಬಿಡುಗಡೆ!
ಪೆಟ್ರೋನಾಸ್ ಭಾರತದಲ್ಲಿ ಮೌಲ್ಯ ಸರಪಳಿಯಲ್ಲಿ ಮುನ್ನಡೆ ಸಾಧಿಸುತ್ತಿದೆ. ಗಮನಾರ್ಹ ಉತ್ಪನ್ನ ಶ್ರೇಣಿಯ ಉದಾಹರಣೆಗಳಲ್ಲಿ, ಇಂಡಿಯನ್ ಆಯಿಲ್ ಪೆಟ್ರೋನಾಸ್ ಪ್ರೈವೇಟ್ ಲಿಮಿಟೆಡ್ (ಐಪಿಪಿಎಲ್) ಮೂಲಕ ಎಲ್ಪಿಜಿ ಪೂರೈಕೆಯನ್ನು ವರ್ಧನೆಗಳು, ಆಮ್ಪ್ಲಸ್ ಎನರ್ಜಿ ಮೂಲಕ ಮೇಲ್ಛಾವಣಿಯ ಸೌರ ಫಲಕಗಳನ್ನು ಒದಗಿಸುವುದು ಒಳಗೊಂಡಿವೆ. ಇಂದು, ನಾವು ಪೆಟ್ರೊನಾಸ್ ಟಿವಿಎಸ್ ರೇಸಿಂಗ್ ತಂಡವನ್ನು ಪ್ರಾರಂಭಿಸುವುದರೊಂದಿಗೆ ಭಾರತದ ಅತ್ಯಂತ ಗೌರವಾನ್ವಿತ ಟಿವಿಎಸ್ ಮೋಟಾರ್ ಕಂಪನಿಯೊಂದಿಗೆ ಬಲವಾದ ಪಾಲುದಾರಿಕೆಯನ್ನು ಹೊಂದಿದ್ದೇವೆ. ಪೆಟ್ರೋನಾಸ್ ಲೂಬ್ರಿಕಂಟ್ಗಳು ಜಾಗತಿಕ ಮೋಟಾರ್ ಸ್ಪೋರ್ಟ್ ಈವೆಂಟ್ಗಳಲ್ಲಿ ಘನ ದಾಖಲೆಯನ್ನು ಹೊಂದಿವೆ ಮತ್ತು ಟಿವಿಎಸ್ ರೇಸಿಂಗ್ನ ಮಹತ್ವಾಕಾಂಕ್ಷೆಗಳನ್ನು ಬೆಂಬಲಿಸಲು ನಾವು ಹೆಮ್ಮೆಪಡುತ್ತೇವೆ ಎಂದು ಡೌನ್ಸ್ಟ್ರೀಮ್ ಪೆಟ್ರೋನಾಸ್ ಕಾರ್ಯಕಾರಿ ಉಪಾಧ್ಯಕ್ಷ ಮತ್ತು ಸಿಇಓ ಡಾಟುಕ್ ಸಜಲಿ ಹಮ್ಜಾ ಹೇಳಿದರು.
ಬೆಳವಣಿಗೆಗಳ ಕುರಿತು ಪ್ರತಿಕ್ರಿಯಿಸಿದ ಟಿವಿಎಸ್ ಮೋಟಾರ್ ಕಂಪನಿಯ ಹೊಸ ಉತ್ಪನ್ನ ಅಭಿವೃದ್ಧಿಯ ಉಪಾಧ್ಯಕ್ಷ ಶ್ರೀ ಮೇಘಶ್ಯಾಮ್ ಎಲ್ ದಿಘೋಲೆ, "ಟಿವಿಎಸ್ ರೇಸಿಂಗ್ ನಾಲ್ಕು ದಶಕಗಳಿಂದ ಭಾರತೀಯ ಮೋಟಾರ್ ಸ್ಪೋಟ್ರ್ಸ್ನಲ್ಲಿ ಪ್ರಮುಖ ಶಕ್ತಿಯಾಗಿದೆ. ನಾವು ದೇಶದಲ್ಲಿ ಮೋಟಾರ್ ರೇಸಿಂಗ್ಗೆ ಅಗಾಧವಾಗಿ ಬದ್ಧರಾಗಿದ್ದೇವೆ ಮತ್ತು ಇಲ್ಲಿ ಕ್ರೀಡೆಯ ಬಗ್ಗೆ ಆಸಕ್ತಿ ಮತ್ತು ಉತ್ಸಾಹವನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ನಿರಂತರವಾಗಿ ಕೆಲಸ ಮಾಡುತ್ತಿದ್ದೇವೆ. ಪೆಟ್ರೊನಾಸ್ ಜೊತೆಗಿನ ನಮ್ಮ ಪಾಲುದಾರಿಕೆಯು ಇದಕ್ಕೆ ಸಾಕ್ಷಿಯಾಗಿದೆ ಮತ್ತು ಟಿವಿಎಸ್ ರೇಸಿಂಗ್ ತಂಡವನ್ನು ಪೆಟ್ರೊನಾಸ್ ಟಿವಿಎಸ್ ರೇಸಿಂಗ್ ತಂಡ ಎಂದು ಮರುನಾಮಕರಣ ಮಾಡುವುದನ್ನು ಘೋಷಿಸಲು ನನಗೆ ಅಪಾರ ಸಂತೋಷವನ್ನು ನೀಡುತ್ತದೆ" ಎಂದು ಹೇಳಿದರು.
ಜಾಗತಿಕ ಮೋಟಾರ್ ಸ್ಪೋಟ್ರ್ಸ್ ಸ್ಪರ್ಧೆಗಳಲ್ಲಿ ನಮ್ಮ ಪಾಲ್ಗೊಳ್ಳುವಿಕೆಯ ಮೂಲಕ, ಟ್ರ್ಯಾಕ್ ಮತ್ತು ರಸ್ತೆಗಾಗಿ ನಮ್ಮ ದ್ರವ ತಂತ್ರಜ್ಞಾನ ಪರಿಹಾರಗಳನ್ನು ನಿರಂತರವಾಗಿ ಆವಿಷ್ಕರಿಸಲು ಪೆಟ್ರೋನಾಸ್ ಸಮರ್ಥವಾಗಿದೆ ಮತ್ತು ಪಾಲುದಾರಿಕೆ ಟಿವಿಎಸ್ ರೇಸಿಂಗ್ ತಂಡಕ್ಕೆ ಪರಿಣತಿ ವಿಸ್ತರಣೆಗೆ ನಾವು ಹೆಮ್ಮೆಪಡುತ್ತೇವೆ. ಈ ಯೋಜನೆಯಿಂದ ನಾವು ಹೆಚ್ಚು ಪ್ರೇರಿತರಾಗಿದ್ದೇವೆ. ಇದು ನಮ್ಮ ಸಾಮಥ್ರ್ಯಗಳನ್ನು ಪರೀಕ್ಷಿಸಲು ಮತ್ತು ಭಾರತದಲ್ಲಿನ ಮೋಟಾರ್ಸ್ಪೋರ್ಟ್ ಅಭಿಮಾನಿಗಳಿಗೆ ಪೆಟ್ರೋನಾಸ್ ಬ್ರ್ಯಾಂಡ್ ಮತ್ತು ತತ್ವಶಾಸ್ತ್ರದ ಬಗ್ಗೆ ಅರಿವು ಮೂಡಿಸಲು ನಮಗೆ ಮತ್ತೊಂದು ವೇದಿಕೆಯನ್ನು ನೀಡುತ್ತದೆ, ಇದು ನಮ್ಮ ವ್ಯವಹಾರಕ್ಕೆ ಕಾರ್ಯತಂತ್ರದ ಮಾರುಕಟ್ಟೆಯಾಗಿದೆ" ಎಂದು ಪೆಟ್ರೋನಾಸ್ನ ಗ್ರೂಪ್ ಸ್ಟ್ರಾಟೆಜಿಕ್ ಕಮ್ಯುನಿಕೇಷನ್ಸ್ ಹಿರಿಯ ಜನರಲ್ ಮ್ಯಾನೇಜರ್ ಡಾಟಿನ್ ಅನಿತಾ ಅಜ್ರಿನಾ ಅಬ್ದುಲ್ ಅಜೀಜ್ ಹೇಳಿದರು.
ಟಿವಿಎಸ್ ರೇಸಿಂಗ್ ಕಂಪನಿಯ "ಟ್ರ್ಯಾಕ್ ಟು ರೋಡ್" ತಂತ್ರದ ಮೂಲಕ ಟಿವಿಎಸ್ ಅಪಾಚೆ ಸರಣಿಯ ಎಂಜಿನಿಯರಿಂಗ್ನಲ್ಲಿ ಪ್ರಮುಖವಾಗಿದೆ. ಬ್ರ್ಯಾಂಡ್ ಓಟದ ಪ್ರದರ್ಶನದ ಮೇಲೆ ಕೇಂದ್ರೀಕರಿಸುವ ಮೂಲಕ ಕ್ರೀಡಾ ವಿಭಾಗವನ್ನು ಮರುವ್ಯಾಖ್ಯಾನಿಸಿದೆ, ಇದು ಕ್ರೀಡಾ ಉತ್ಸಾಹಿಗಳಿಗೆ ಹೆಚ್ಚು ಅಪೇಕ್ಷಣೀಯ ಉತ್ಪನ್ನವಾಗಿದೆ. ಇದು ಟಿವಿಎಸ್ ಅಪಾಚೆ >150ಸಿಸಿ ವಿಭಾಗದಲ್ಲಿ ವೇಗವಾಗಿ ಬೆಳೆಯುತ್ತಿರುವ ಬ್ರ್ಯಾಂಡ್ ಆಗಲು ಕಾರಣವಾಗಿದೆ. ಟಿವಿಎಸ್ ರೇಸಿಂಗ್ ದೇಶದಲ್ಲಿ ಒನ್ ಮೇಕ್ ಚಾಂಪಿಯನ್ಶಿಪ್ನ ಪ್ರವರ್ತಕರಾಗಿದ್ದಾರೆ, ಭಾರತದಲ್ಲಿ ಸರಣಿಯನ್ನು ಪರಿಚಯಿಸಿದ ಮೊದಲ ಭಾರತೀಯ ತಯಾರಕರಾಗಿದ್ದಾರೆ.
ಪೆಟ್ರೊನಾಸ್ ಟಿವಿಎಸ್ ರೇಸಿಂಗ್ ತಂಡದ ಓಟದ ಯಂತ್ರಗಳು ಮೈತ್ರಿಯ ಭಾಗವಾಗಿ ಹೊಸ ಲೈವರಿಯನ್ನು ನೀಡುತ್ತವೆ. ಅವರು ಭಾರತೀಯ ರಾಷ್ಟ್ರೀಯ ಮೋಟಾರ್ಸೈಕಲ್ ರೇಸಿಂಗ್ ಚಾಂಪಿಯನ್ಶಿಪ್ (ಐಎನ್ಎಂಆರ್ಸಿ), ಇಂಡಿಯನ್ ನ್ಯಾಷನಲ್ ಸೂಪರ್ಕ್ರಾಸ್ ಚಾಂಪಿಯನ್ಶಿಪ್ (ಐಎನ್ಎಸ್ಸಿ), ಮತ್ತು ಇಂಡಿಯನ್ ನ್ಯಾಷನಲ್ ರ್ಯಾಲಿ ಚಾಂಪಿಯನ್ಶಿಪ್ (ಐಎನ್ಆರ್ಸಿ) ಸೇರಿದಂತೆ ಪಾಲುದಾರಿಕೆಯು ಸಹ-ಬ್ರಾಂಡೆಡ್ ತೈಲವನ್ನು ಅಭಿವೃದ್ಧಿಪಡಿಸಲು ಕಾರ್ಯತಂತ್ರದ ವ್ಯಾಪಾರ ಮೈತ್ರಿಯಿಂದ ಪೂರಕವಾಗಿದೆ. ಪೆಟ್ರೊನಾಸ್ ಟಿವಿಎಸ್ ಟಿಆರ್ಯು 4 ರೇಸ್ ಪ್ರೊ ಭಾರತದಾದ್ಯಂತ ಹೈ ಸ್ಟ್ರೀಟ್ ಮಾರುಕಟ್ಟೆಯಲ್ಲಿ ಲಭ್ಯವಿದೆ.