ಲುಂಗಿ ಧರಿಸಿದರೆ ಲಾರಿ ಚಾಲಕರಿಗೆ 2000 ರು. ದಂಡ!

ಬದಲಾದ ಟ್ರಾಫಿಕ್ ನಿಯಮ| ಸ್ಲಿಪ್ಪರ್ಸ್ ಧರಿಸುವಂತಿಲ್ಲ, ಈಗ ಲುಂಗಿ ಧರಿಸಿದ್ರೂ ದಂಡ| ಹೊಸ ರೂಲ್ಸ್‌ಗೆ ಸಾರ್ವಜನಿಕರ ಆಕ್ರೋಶ

ಲಖನೌ[ಸೆ.11]: ದೂರದ ಸ್ಥಳಗಳಿಗೆ ತೆರಳುವ ಟ್ರಕ್ ಹಾಗೂ ಲಾರಿ ಚಾಲಕರು ಆರಾಮದಾಯಕವಾಗಿರಲಿದೆ ಎಂಬ ಕಾರಣಕ್ಕೆ ಲುಂಗಿ ಧರಿಸುವುದು ಮಾಮೂಲಿ ಸಂಗತಿ. ಆದರೆ, ಉತ್ತರ ಪ್ರದೇಶದಲ್ಲಿ ಇನ್ನುಮುಂದೆ ಲಾರಿ ಚಾಲಕರು ಲುಂಗಿ ಧರಿಸುವಂತೆ ಇಲ್ಲ.

ಒಂದು ವೇಳೆ ಲುಂಗಿ ಧರಿಸಿ ವಾಹನ ಚಲಾಯಿಸಿದ್ದು ಕಂಡು ಬಂದರೆ 2000 ರು. ದಂಡ ಬೀಳುವುದು ಗ್ಯಾರೆಂಟಿ. ನೂತನ ಮೋಟಾರ್ ವಾಹನ ಕಾಯ್ದೆ ಅಡಿ ವಾಣಿಜ್ಯ ವಾಹನ ಚಾಲಕರು, ಸಹಾಯಕರು ಪ್ಯಾಂಟ್ ಹಾಗೂ ಶರ್ಟ್/ ಟಿ-ಶರ್ಟ್‌ಗಳನ್ನು ಧರಿಸುವುದು ಕಡ್ಡಾಯವಾಗಿದೆ.

ವಾಹನ ಓಡಿಸುವಾಗ ಶೂ ಧರಿಸಬೇಕು. ಈ ನಿಯಮ ಉತ್ತರ ಪ್ರದೇಶದಲ್ಲಿ ಕಟ್ಟುನಿಟ್ಟಾಗಿ ಜಾರಿ ಮಾಡಲಾಗುತ್ತಿದ್ದು, ವಾಹನ ಚಾಲಕರು ವಸ್ತ್ರ ಸಂಹಿತೆ ಪಾಲಿಸದೇ ಇದ್ದರೆ ಟ್ರಾಫಿಕ್ ಪೊಲೀಸರು ದಂಡ ವಿಧಿಸಬಹುದಾಗಿದೆ. ಈ ಹಿಂದೆಯೂ ಈ ನಿಯಮ ಜಾರಿಯಲ್ಲಿತ್ತು. ಆದರೆ, ಕಟ್ಟುನಿಟ್ಟಾಗಿ ಜಾರಿ ಮಾಡಿರಲಿಲ್ಲ.