International
ಅಮೆರಿಕದ 47 ನೇ ಅಧ್ಯಕ್ಷೀಯ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಡೊನಾಲ್ಡ್ ಟ್ರಂಪ್ ಗೆಲುವು ಸಾಧಿಸಿದ್ದಾರೆ. ಸಂಸತ್ತಿನಲ್ಲಿ ಟ್ರಂಪ್ ಪಕ್ಷಕ್ಕೆ ಬಹುಮತ ದೊರೆತಿದೆ. ಅವರ ಶ್ವೇತಭವನ ಪ್ರವೇಶಕ್ಕೆ ದಾರಿ ಸುಗಮವಾಗಿದೆ.
ಟ್ರಂಪ್ ಅವರ ಅಜ್ಜ ಫ್ರೆಡ್ರಿಕ್ ಜರ್ಮನಿಯವರು. 8 ನೇ ವಯಸ್ಸಿನಲ್ಲಿ ತಂದೆ ತೀರಿಕೊಂಡರು. ಕೃಷಿ ಮಾಡಲು ಸಾಧ್ಯವಾಗದ ಕಾರಣ ತಾಯಿ ಅವರಿಗೆ ಕ್ಷೌರಿಕ ತರಬೇತಿ ನೀಡಿದರು.
ಗ್ವೆಂಡಾ ಬ್ಲೇರ್ ಅವರ 'ದಿ ಟ್ರಂಪ್ಸ್: ತ್ರೀ ಜನರೇಷನ್ಸ್ ದಟ್ ಬಿಲ್ಟ್ ಆನ್ ಎಂಪೈರ್' ಪುಸ್ತಕದ ಪ್ರಕಾರ, ಫ್ರೆಡ್ರಿಕ್ 16 ವರ್ಷದವರಾಗಿದ್ದಾಗ ಜರ್ಮನಿಯಿಂದ ಅಮೆರಿಕಕ್ಕೆ ಬಂದರು.
ಜರ್ಮನಿಯಲ್ಲಿ ಪ್ರತಿಯೊಬ್ಬ ನಾಗರಿಕನು ಕನಿಷ್ಠ 3 ವರ್ಷಗಳ ಕಾಲ ಸೇನೆಯಲ್ಲಿ ಸೇವೆ ಸಲ್ಲಿಸಬೇಕೆಂಬ ಕಾನೂನಿತ್ತು. ಇದಕ್ಕೆ ಹೆದರಿ 10 ದಿನಗಳ ಪ್ರಯಾಣಿಸಿ ಅಕ್ಟೋಬರ್ 1885 ರಲ್ಲಿ ನ್ಯೂಯಾರ್ಕ್ ತಲುಪಿದರು.
ಅಮೆರಿಕಕ್ಕೆ ಬಂದ ಫ್ರೆಡ್ರಿಕ್ ಕ್ಷೌರಿಕ ವೃತ್ತಿ ಆರಂಭಿಸಿದರು. ಹಣ ಗಳಿಸಿದ ನಂತರ ಅಲಾಸ್ಕಾದಲ್ಲಿ ಗಣಿಗಾರಿಕೆ ವ್ಯವಹಾರ ಆರಂಭಿಸಿದರು. ಅದು ಯಶಸ್ವಿಯಾಯಿತು ಮತ್ತು ಸಾಕಷ್ಟು ಚಿನ್ನ ಸಿಕ್ಕಿತು.
ಫ್ರೆಡ್ರಿಕ್‌ಗೆ ಮೂವರು ಮಕ್ಕಳಿದ್ದರು. ಡೊನಾಲ್ಡ್ ಟ್ರಂಪ್ ಅವರ ತಂದೆ ಫ್ರೆಡ್ ಟ್ರಂಪ್ ಎರಡನೇ ಮಗ. 15 ನೇ ವಯಸ್ಸಿನಲ್ಲಿ ತಂದೆ ತೀರಿಕೊಂಡರು. ಬಳಿಕ ಅವರು ಶ್ರಮಪಟ್ಟು ದೊಡ್ಡ ಸಾಮ್ರಾಜ್ಯವನ್ನು ನಿರ್ಮಿಸಿದರು.
ಡೊನಾಲ್ಡ್ ಟ್ರಂಪ್ ಜೂನ್ 14, 1946 ರಂದು ನ್ಯೂಯಾರ್ಕ್‌ನಲ್ಲಿ ಜನಿಸಿದರು. ಐವರು ಒಡಹುಟ್ಟಿದವರಲ್ಲಿ ನಾಲ್ಕನೆಯವರು. ವರದಿ ಪ್ರಕಾರ, ಟ್ರಂಪ್ 3 ನೇ ವಯಸ್ಸಿನಿಂದಲೇ 2 ಲಕ್ಷ ಡಾಲರ್ ಗಳಿಸಲು ಪ್ರಾರಂಭಿಸಿದರು.
ಟ್ರಂಪ್ 8 ನೇ ವಯಸ್ಸಿನಲ್ಲಿ ಕೋಟ್ಯಾಧಿಪತಿಯಾದರು. 7 ನೇ ತರಗತಿಯವರೆಗೆ ನ್ಯೂಯಾರ್ಕ್‌ನಲ್ಲಿ ಓದಿದರು. ನಂತರ ಮಿಲಟರಿ ಶಾಲೆಯಲ್ಲಿ ಓದಿದರು.