ಸಿನ್ವಾರ್ ಶವ

ಕಳೆದ ವಾರ ಹತ್ಯೆಯಾದ ಹಮಾಸ್ ನಾಯಕ ಯಹ್ಯಾ ಸಿನ್ವರ್‌ ಶವವನ್ನು ಇಸ್ರೇಲ್ ಏನು ಮಾಡುತ್ತದೆ ಎಂಬ ಕುತೂಹಲ ಹಲವರದ್ದು

ಇಸ್ರೇಲಿ ಸೇನೆಯು ಇತ್ತೀಚೆಗೆ ಗಾಜಾದ ಕಟ್ಟಡವೊಂದರಲ್ಲಿ ಅಡಗಿದ್ದ ಹಮಾಸ್ ಮುಖ್ಯಸ್ಥ ಯಾಹ್ಯಾ ಸಿನ್ವರ್‌ರನ್ನು ಹತ್ಯೆ ಮಾಡಿತ್ತು. 

ನೆತನ್ಯಾಹು ಸರ್ಕಾರವು ಯಾಹ್ಯಾ ಸಿನ್ವರ್‌ನ ದೇಹವನ್ನು ಹಮಾಸ್‌ನೊಂದಿಗೆ ಚೌಕಾಸಿಗೆ ಬಳಸಿಕೊಳ್ಳಬಹುದು ಎಂದು ಇಸ್ರೇಲಿ ಮೂಲಗಳು ತಿಳಿಸಿವೆ.

ಹಮಾಸ್ ಇಸ್ರೇಲಿ ಬಂಧಿಗಳನ್ನು ಬಿಡುಗಡೆ ಮಾಡಿದರೆ ಮಾತ್ರ ಯಾಹ್ಯಾ ಸಿನ್ವರ್‌ ದೇಹವನ್ನು ಹಮಾಸ್‌ಗೆ ಹಸ್ತಾಂತರಿಸಲಾಗುವುದು.

ಯಾಹ್ಯಾ ಸಿನ್ವಾರ್ ಹತ್ಯೆಯ ನಂತರ, ಇಸ್ರೇಲ್ ಗಾಜಾ ಮೇಲಿನ ದಾಳಿಯನ್ನು ತೀವ್ರಗೊಳಿಸಿದೆ. ಗಾಜಾದಿಂದ ಹಮಾಸ್‌ನನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡುವುದು ನೆತನ್ಯಾಹು ಸರ್ಕಾರದ ಉದ್ದೇಶ.

ಉತ್ತರ ಗಾಜಾದಲ್ಲಿರುವ ಹಲವಾರು ಮನೆಗಳ ಮೇಲೆ ಇಸ್ರೇಲಿ ಸೇನೆಯು ಬಾಂಬ್ ದಾಳಿ ನಡೆಸಿದ್ದು, 87 ಜನರು ಸಾವನ್ನಪ್ಪಿದ್ದಾರೆ. ಗಾಜಾ ಆರೋಗ್ಯ ಸಚಿವಾಲಯವು ಇದನ್ನು ದೃಢಪಡಿಸಿದೆ.

ಹಮಾಸ್ ಉತ್ತರ ಗಾಜಾದಲ್ಲಿ ಮತ್ತೆ ತನ್ನ ನೆಲೆಯನ್ನು ಕಂಡುಕೊಳ್ಳಲು ಬಯಸುತ್ತದೆ, ಆದರೆ ಅದಕ್ಕೆ ನಾವು ಬಿಡುವುದಿಲ್ಲ ಎಂದು ಇಸ್ರೇಲ್ ಹೇಳಿದೆ.

ಇಸ್ರೇಲ್-ಹಮಾಸ್ ಯುದ್ಧದಲ್ಲಿ ಈವರೆಗೆ 42,800 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ ಮತ್ತು 1 ಲಕ್ಷಕ್ಕೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ. ಮಕ್ಕಳು ಮತ್ತು ಮಹಿಳೆಯರ ಸಾವಿನ ಸಂಖ್ಯೆ ಹೆಚ್ಚಾಗಿದೆ.

ಹಮಾಸ್-ಇಸ್ರೇಲ್ ಯುದ್ಧಕ್ಕೆ ಅಕ್ಟೋಬರ್ 7 ರಂದು ಒಂದು ವರ್ಷ ತುಂಬಿದೆ. ಈ ಯುದ್ಧವನ್ನು ಹಮಾಸ್ ಉಗ್ರರು ಇಸ್ರೇಲ್ ಮೇಲೆ ದಾಳಿ ಮಾಡುವ ಮೂಲಕ ಪ್ರಾರಂಭಿಸಿದರು. ಆದಾಗ್ಯೂ, ಇಸ್ರೇಲ್ ಈಗ ಅಂತ್ಯಗೊಳಿಸುತ್ತಿದೆ.