ಉದ್ಯಮಿ ಪಂಕಜ್ ಓಸ್ವಾಲ್ ಅವರ ಪುತ್ರಿಯನ್ನು ಯುಗಾಂಡಾ ಪೊಲೀಸರು ಅಕ್ಟೋಬರ್ 1 ರಂದು ಬಂಧಿಸಿದ್ದರು. ಅಂದಿನಿಂದ ಅವರ 26 ವರ್ಷದ ಪುತ್ರಿ ವಸುಂಧರಾ ಮೇಲೆ ಹಲವು ದೌರ್ಜನ್ಯಗಳು ನಡೆದಿವೆ ಎನ್ನಲಾಗಿದೆ.
ಯುಗಾಂಡಾದಲ್ಲಿ ENA ಘಟಕದಿಂದ 20 ಜನರು ವಾರಂಟ್ ಅಥವಾ ಗುರುತನ್ನು ತೋರಿಸದೆ ವಸುಂಧರಾ ಅವರನ್ನು ವಶಕ್ಕೆ ಪಡೆಯಲಾಗಿದೆ. ವಿಚಾರಣೆ ಇಲ್ಲದೆ 17 ದಿನಗಳಿಂದ ತಮ್ಮ ಮಗಳನ್ನು ಬಂಧಿಸಲಾಗಿದೆ ಎಂದು ಪಂಕಜ್ ಓಸ್ವಾಲ್ ಹೇಳಿದ್ದಾರೆ.
ಬಲವಂತವಾಗಿ ಬಂಧಿಸಿರುವ ಬಗ್ಗೆ ಅವರ ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಳ್ಳಲಾಗಿದೆ. ಹಾಗೆ ಕೆಲವು ಫೋಟೋಗಳನ್ನು ಸಹ ಹಂಚಿಕೊಂಡಿದ್ದಾರೆ. ಫೋಟೋದಲ್ಲಿ ಕೊಳಕು ಶೌಚಾಲಯದ ನೆಲದ ಮೇಲೆ ರಕ್ತ ಕಾಣಿಸುತ್ತಿದೆ.
90 ಗಂಟೆಗಳಿಗೂ ಹೆಚ್ಚು ಕಾಲ ಬೂಟುಗಳಿಂದ ತುಂಬಿದ ಕೋಣೆಯಲ್ಲಿ ಇರಲು ವಸುಂಧರಾ ಅವರನ್ನು ಒತ್ತಾಯಿಸಲಾಯಿತು ಎಂದು ಈ ಇನ್ಸ್ಟಾ ಪೋಸ್ಟ್ನಲ್ಲಿ ಹೇಳಲಾಗಿದೆ.
5 ದಿನಗಳವರೆಗೆ ವಸುಂಧರಾ ಅವರಿಗೆ ಸ್ನಾನ ಮಾಡಲು ಅಥವಾ ಬಟ್ಟೆ ಬದಲಾಯಿಸಲು ಅವಕಾಶ ನೀಡಲಿಲ್ಲ. ಅವರಿಗೆ ಸಮಯಕ್ಕೆ ಸರಿಯಾಗಿ ಆಹಾರ ಮತ್ತು ನೀರನ್ನು ಸಹ ನೀಡಲಿಲ್ಲ.
ವಸುಂಧರಾ ಓಸ್ವಾಲ್ ಅವರನ್ನು ಅವರ ಕುಟುಂಬದೊಂದಿಗೆ ಸಂಪರ್ಕಿಸಲು ಬಿಡಲಿಲ್ಲ. ಮಲಗಲು ಚಿಕ್ಕ ಬೆಂಚ್ ನೀಡಲಾಗಿದೆಯಂತೆ. ಅನುಮಾನಾಸ್ಪದ ಪೆರೇಡ್ನಲ್ಲಿ ಭಾಗವಹಿಸಲು ಒತ್ತಾಯಿಸಲಾಗಿದೆಯಂತೆ.
ಸಹೋದರಿ ಯುಗಾಂಡಾದಲ್ಲಿ ಒಂದು ಸಣ್ಣ ಟೆಂಟ್ನಿಂದ ಲುವೆರೊದಲ್ಲಿ 110 ಮಿಲಿಯನ್ ಡಾಲರ್ನ ENA ಘಟಕವನ್ನು ನಿರ್ಮಿಸಿದ್ದಾರೆ ಎಂದು ಹೇಳಲಾಗಿದೆ.
ಇದರಿಂದ ಕೆಲವರಿಗೆ ಇದು ಸರಿಬರಲಿಲ್ಲ. ವಿಶೇಷವಾಗಿ ಅಲ್ಲಿನ ಕಾರ್ಪೊರೇಟ್ ಲಾಬಿಗೆ, ಅದರ ಒತ್ತಡಕ್ಕೆ ಒಳಗಾಗಿ ವಸುಂಧರಾ ಅವರನ್ನು ಬಂಧಿಸಲಾಗಿದೆ. ಅವರ ಉದ್ದೇಶ ಓಸ್ವಾಲ್ ಅವರ ಖ್ಯಾತಿಗೆ ಕಳಂಕ ತರುವುದು.
ಇಷ್ಟೇ ಅಲ್ಲ, ನ್ಯಾಯಾಲಯದ ಆದೇಶದ ನಂತರವೂ ಅವರನ್ನು ಬಿಡುಗಡೆ ಮಾಡುತ್ತಿಲ್ಲ ಎಂದು ವಸುಂಧರಾ ಅವರ ಸಹೋದರ ಹೇಳಿದ್ದಾರೆ. ವಸುಂಧರಾ ಅವರ ತಂದೆ ಪಂಕಜ್ ಮತ್ತು ತಾಯಿ ರಾಧಿಕಾ ಯುಗಾಂಡಾ ಸರ್ಕಾರಕ್ಕೆ ಸಹಾಯ ಕೋರಿದ್ದಾರೆ.
ಪಂಕಜ್ ಓಸ್ವಾಲ್ WGADಗೆ ಮಗಳನ್ನು ಬಿಡುಗಡೆ ಮಾಡುವಂತೆ ಮನವಿ ಮಾಡಿದ್ದಾರೆ. ಇದು ಪೊಲೀಸ್ ಅಧಿಕಾರ ದುರುಪಯೋಗದ ಬಗ್ಗೆ ತನಿಖೆ ನಡೆಸುವ ತಜ್ಞರ ಸಂಸ್ಥೆಯಾಗಿದೆ. ಇದರಲ್ಲಿ ಮಾನವ ಹಕ್ಕುಗಳ ತಜ್ಞರಿದ್ದಾರೆ.