Woman
ಪೀರಿಯೆಡ್ಸ್‌ ಪ್ರಕೃತಿ ಸಹಜವಾದರೂ ಹೆಣ್ಣು ಮಕ್ಕಳಿಗೆ ಕಿರಿಕಿರಿ ತಪ್ಪಿದ್ದಲ್ಲ. ಅದಕ್ಕಾಗಿ ಕಂಡುಕೊಂಡ ಸ್ಯಾನಿಟರಿ ಪ್ಯಾಡ್‌ಗಳು, ಟ್ಯಾಂಪೊನ್‌ಗಳು ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತವೆ.
ಮೆನ್‌ಸ್ಟ್ರುವಲ್ ಕಪ್ ಕೇರ್‌ಫ್ರೀ ಪಿರಿಯಡ್ಸ್‌ನಲ್ಲಿ ಬಳಸಲು ಅತ್ಯುತ್ತಮವಾಗಿದೆ. ಒಂದೇ ಮೆನ್‌ಸ್ಟ್ರುವಲ್ ಕಪ್‌ನ್ನು ಸುಮಾರು 10 ವರ್ಷದ ವರೆಗೂ ಬಳಸಬಹುದು.
ಪೀರಿಯಡ್ಸ್ ಕಪ್, ಮೂನ್‌ಕಪ್ ಎಂದೂ ಕರೆಯಲ್ಪಡುವ ಮೆನ್‌ಸ್ಟ್ರುವಲ್ ಕಪ್ ಋತುಸ್ರಾವವನ್ನು ಶೇಖರಿಸಿಕೊಳ್ಳುವ ಸಿಲಿಕಾನ್ ರಬ್ಬರ್‌ ಬಟ್ಟಲಿನಾಕಾರದ ಸಾಧನ.
ಟ್ಯಾಂಪೊನ್, ಸ್ಯಾನಿಟರಿ ಪ್ಯಾಡ್‌ನಲ್ಲಿರುವ ಹಾಗೆ ಯಾವುದೇ ರಾಸಾಯನಿಕಗಳು ಇಲ್ಲದಿರುವುದರಿಂದ ಆರೋಗ್ಯಕ್ಕೆ ಹಾನಿ ಇಲ್ಲ.
ಪ್ಯಾಡ್ ಟ್ಯಾಂಪೊನ್‌ಗಳಿಂದ ಉಂಟಾಗುವ ರಗಳೆಗಳಾದ ತುರಿಕೆ, ವಾಸನೆ, ಅಲರ್ಜಿಯ ಗೋಳುಗಳಿಗೆ ಈ ಕಪ್‌ಗಳ ಬಳಕೆಯಿಂದ ಬೈ ಹೇಳಬಹುದು.
ಮೊದಲು ಬಿಸಿ ನೀರಿನಲ್ಲಿ ಚೆನ್ನಾಗಿ ಕುದಿಸಿ ಬಳಸಿದ ನಂತರ ಹೊರತೆಗೆದು ಶೇಖರಣೆಗೊಂಡ ಸ್ರಾವವನ್ನು ಚೆಲ್ಲಬೇಕು, ನಂತರ ಇದನ್ನು ಶುಚಿಗೊಳಿಸಿ ಮತ್ತದೇ ಕಪ್‌ನ್ನು ಉಪಯೋಗಿಸಬಹುದು.
10 ವರ್ಷಗಳ ಕಾಲ ಬಳಕೆಗೆ ಬರುವ ಒಂದು ಮೆನ್‌ಸ್ಟ್ರುವಲ್ ಕಪ್ ಪರ್ಸ್ ಹಾಗೂ ಪರಿಸರ ಸ್ನೇಹಿ. ಯೋಗಾಭ್ಯಾಸ, ಈಜು, ಕ್ರೀಡೆ ಯಾವುದೇ ಟೆನ್ಶನ್ ಇಲ್ಲದೆ ಭಾಗವಹಿಸಲು ಬೆಸ್ಟ್.