Woman
ರಾಜಸ್ಥಾನದ ಜೈಸಲ್ಮೇರ್ ಕಲೆಕ್ಟರ್ ಆಗಿರುವ ಟೀನಾ ಡಾಬಿ ಅವರು ಲವ್ ಮ್ಯಾರೇಜ್ ಆದ ಮೇಲೆ ಇದೀಗ ಅವರ ಸಹೋದರಿ IAS ರಿಯಾ ಡಾಬಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ.
ಐಎಎಸ್ ಆಫೀಸರ್ ರಿಯಾ ಡಾಬಿಯವರು ಮಹಾರಾಷ್ಟ್ರ ಕೇಡರ್ ಐಪಿಎಸ್ ಆಫಿಸರ್ ಮನಿಷ್ ಕುಮಾರ್ ಅವರನ್ನು ಮದುವೆಯಾಗಿದ್ದಾರೆ. ಇಬ್ಬರೂ ಕೋರ್ಟ್ ಮ್ಯಾರೇಜ್ ಆಗಿದ್ದು, ಕೇವಲ ಕುಟುಂಬ ಸದಸ್ಯರು ಭಾಗಿಯಾಗಿದ್ದರು.
ಮೀಡಿಯಾ ರಿಪೋರ್ಟ್ ಅನುಸಾರ IPS ಮನಿಷ್ ಕುಮಾರ್ ಮತ್ತು ಐಎಎಸ್ ರಿಯಾ ಡಾಬಿ ಎಪ್ರಿಲ್ ತಿಂಗಳಲ್ಲೆ ಕೋರ್ಟ್ ಮ್ಯಾರೇಜ್ ಆಗಿದ್ದರು. ಇನ್ನು ಕೆಲವು ದಿನಗಳಲ್ಲಿ ವೆಡ್ಡಿಂಗ್ ರಿಸೆಪ್ಶನ್ ಮಾಡುವ ತಯಾರಿಯಲ್ಲಿದ್ದಾರೆ.
ಗೃಹಮಂತ್ರಾಲಯದ ಒಂದು ನೋಟಿಫಿಕೇಶನ್ ಬಂದ ಹಿನ್ನೆಲೆಯಲ್ಲಿ ಐಪಿಎಸ್ ಮನಿಷ್ ಕುಮಾರ್ ಮತ್ತು ಐಎಎಸ್ ರಿಯಾ ಡಾಬಿ ಮದುವೆಯಾಗಿದ್ದಾರೆ ಅನ್ನೋದು ಬಹಿರಂಗವಾಗಿದೆ.
ರಾಜಸ್ಥಾನದಲ್ಲಿ ರಿಯಾ ಡಾಬಿ ಇರೋದರಿಂದ ಐಪಿಎಸ್ ಆಫೀಸರ್ ಮನೀಷ್ ಕುಮಾರ್ ಅವರನ್ನು ಮಹಾರಾಷ್ಟ್ರದಿಂದ ಇದೀಗ ರಾಜಸ್ಥಾನ ಕೇಡರ್ ಗೆ ಕಳುಹಿಸಲಾಗಿದೆ.
ಕೆಲವು ದಿನಗಳ ಹಿಂದೆ ಐಪಿಎಸ್ ಆಫೀಸರ್ ಮನೀಷ್ ಕುಮಾರ್ ತಮ್ಮ ಕೇಡರ್ ಬದಲಾಯಿಸಲು ಗೃಹ ವಿಭಾಗಕ್ಕೆ ಪತ್ರ ಬರೆದಿದ್ದರು. ಇವರ ಪತ್ರ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು.
ರಿಯಾ ಡಾಬಿಯವರ ಸಹೋದರಿ ಐಎಎಸ್ ಆಫೀಸರ್ ಟೀನಾ ಡಾಬಿ ಕಳೆದ ವರ್ಷವಷ್ಟೇ ಐಎಎಸ್ ಪ್ರದೀಪ್ ಗಾವಂಡೆ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು. ಇಬ್ಬರು ಸದ್ಯ ರಾಜಸ್ಥಾನದಲ್ಲಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.