ಗೋಂಡ್ ಆದಿವಾಸಿ ಸಮಾಜದ ಸಂಪ್ರದಾಯ

ಮಧ್ಯಪ್ರದೇಶ ಸೇರಿ ದೇಶದ ಹಲವು ರಾಜ್ಯಗಳಲ್ಲಿ ಈ ಗೋಂಡ್ ಆದಿವಾಸಿ ಸಮುದಾಯ ನೆಲೆಸಿದೆ. ಇಲ್ಲಿ ಎಂದಿಗೂ ಮಹಿಳೆಯರು ವಿಧವೆಯರಾಗೋದಿಲ್ಲ. 

ಇಲ್ಲಿ ಗಂಡ ಸಾವನ್ನಪ್ಪಿದರೂ ಇಲ್ಲಿನ ಮಹಿಳೆಯರು ಮುತ್ತೈದೆಯರಾಗಿರುತ್ತಾರೆ. ಹರೆಯದಲ್ಲಿ ಅಥವಾ ವಯಸ್ಸಾದ ಮೇಲೂ ಪತಿ ಸಾವನ್ನಪ್ಪಿದರೂ ಇವರು ವಿಧವೆಯರಾಗೋದಿಲ್ಲ. 

ಈ ಸಮಾಜದ ಮಹಿಳೆಯರ ಪತಿ ಸಾವನ್ನಪ್ಪಿದಾಗ, 10 ನೇ ದಿನ ಈ ಮಹಿಳೆಗೆ ಇನ್ನೊಂದು ಮದುವೆ ಮಾಡಿಸಲಾಗುತ್ತೆ. ಅಂದರೆ ಇಲ್ಲಿನ ಮಹಿಳೆಯರು ತಮ್ಮ ಗಂಡ ಸಾವನ್ನಪ್ಪಿದಾಗ ಬೇಸರ ವ್ಯಕ್ತ ಪಡಿಸೋಕು ಸಾಧ್ಯವಾಗೋದಿಲ್ಲ. 

ಮಹಿಳೆಯ ಎರಡನೇ ಮದುವೆಯನ್ನು ಅವರ ಮನೆಯಲ್ಲಿನ ಇನ್ನೊಬ್ಬ ಪುರುಷರ ಜೊತೆ ಮಾಡಿಸಲಾಗುತ್ತೆ. ಆ ಪುರುಷರು, ಭಾವ, ಮೈದುನರೂ ಆಗಿರಬಹುದು ಅಥವಾ ಸಣ್ಣ ಮಕ್ಕಳು ಆಗಿರಬಹುದು. 

ಗೋಂಡ್ ಸಮುದಾಯದಲ್ಲಿ ಒಂದು ವೇಳೆ ಮನೆಯಲ್ಲಿ ಯಾವ ಪುರುಷರೂ ಮಹಿಳೆಯನ್ನು ಮದುವೆಯಾಗಲು ತಯಾರಿರದಿದ್ದರೆ, ಅವರಿಗೆ 10ನೇ ದಿನ ಬೆಳ್ಳಿ ಬಳೆ ತೊಡಿಸಲಾಗುತ್ತೆ. ಅದರ ನಂತರ ಅವರನ್ನು ಮುತ್ತೈದೆ ಎನ್ನಲಾಗುತ್ತೆ. 

ದೇಶದ ಹಲವು ಭಾಗಗಳಲ್ಲಿ ಇಂದಿಗೂ ಗಂಡ ಸಾವನ್ನಪ್ಪಿದರೆ ಮಹಿಳೆಯರನ್ನು ವಿಧವೆ ಎಂಬ ಪಟ್ಟ ಕಟ್ಟಿ ಕೆಟ್ಟದಾಗಿ ನಡೆಸುತ್ತಾರೆ. ಇನ್ನೊಂದು ಮದುವೆ ಇಲ್ಲ, ಬೇರೆ ಪುರುಷರನ್ನು ನೋಡುವ ಹಾಗೆ ಇರೋದಿಲ್ಲ, ಶೃಂಗಾರ ಕೂಡ ಮಾಡಬಾರದು. 

ಗೋಂಡ್ ಸಮಾಜದಲ್ಲಿ ಮಹಿಳೆಯರಿಗೆ ಗೌರವ ನೀಡಲಾಗುತ್ತದೆ. ಮಹಿಳೆಯರ ಸಾಮಾಜಿಕ ಸುರಕ್ಷೆಯ ಬಗ್ಗೆ ಗಮನ ಹರಿಸೋದು ಪುರುಷರ ಕರ್ತವ್ಯವಾಗಿರುತ್ತೆ.