ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿದ್ದ ಜನಪ್ರಿಯ ಧಾರಾವಾಹಿಗಳಲ್ಲಿ ಒಂದಾಗಿದ್ದ ಸೀತಾ ವಲ್ಲಭ ಸೀರಿಯಲ್ ಮೂಲಕ ಕನ್ನಡ ಕಿರುತೆರೆಗೆ ಕಾಲಿಟ್ಟ ನಟಿ ಸುಪ್ರೀತಾ ಸತ್ಯನಾರಾಯಣ್ . 

ಬಾಲ್ಯದ ಪ್ರೀತಿಯನ್ನು ದೊಡ್ಡವರಾದ ಮೇಲೆ ಹುಡುಕುವ ಎರಡು ಜೀವನಗಳ ಕಥೆ ಹೊಂದಿರುವ ಈ ಸೀರಿಯಲ್‌ನಲ್ಲಿ ಜಗನ್ ಜೊತೆ ಸುಪ್ರೀತಾ ಸ್ಕ್ರೀನ್ ಶೇರ್ ಮಾಡಿದ್ದರು. 

ಅರಮನೆ ನಗರಿ ಮೈಸೂರಿನಲ್ಲಿ ಹುಟ್ಟಿ ಬೆಳೆದಿರುವ ಸುಪ್ರೀತಾ, ಇಂಜಿನಿಯರಿಂಗ್ ಪದವಿ ಪಡೆದಿದ್ದು, ಪ್ರತಿಷ್ಟಿತ ಐಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು, ನಟಿಯಾಗುವ ಹಂಬಲದಿಂದ ಕೆಲಸ ಬಿಟ್ಟಿದ್ದರು.

ಸೀತಾವಲ್ಲಭದ ಬಳಿಕ ಇವರು ತೆಲುಗಿನ ಸಾವಿತ್ರಮ್ಮಗಾರು ಅಬ್ಬಾಯಿ, ಒಂಟರಿ ಗುಲಾಬಿ ಸೀರಿಯಲ್ ನಲ್ಲಿ ನಟಿಸಿದ್ದಾರೆ. ಜೊತೆಗೆ ಸ್ಟಾರ್ ಸುವರ್ಣದಲ್ಲಿ ಪ್ರಸಾರವಾಗುತ್ತಿದ್ದ ಸರಸು ಸೀರಿಯಲ್ ನಲ್ಲೂ ನಟಿಸಿದ್ದಾರೆ. 

ಕೇವಲ ಸೀರಿಯಲ್ ಮಾತ್ರವಲ್ಲ ಹಲವಾರು ಪ್ರಿಂಟ್ ಮತ್ತು ಟೆಲಿವಿಶನ್ ಜಾಹೀರಾತುಗಳಲ್ಲಿ ಸಹ ಸುಪ್ರೀತಾ ನಟಿಸಿದ್ದಾರೆ. 

ಅಷ್ಟೇ ಅಲ್ಲ ಸುಪ್ರೀತಾ 2018 ರಲ್ಲಿ ಟೈಮ್ಸ್ ಆಫ್ ಇಂಡಿಯಾ ನಡೆಸಿದ ಕನ್ನಡ ಟೆಲಿವಿಷನ್ ನ Most desirable women ಪಟ್ಟಿಯಲ್ಲಿ ಅಗ್ರ ಹತ್ತರ ಪಟ್ಟಿಯಲ್ಲಿ ಸ್ಥಾನ ಪಡೆದಿದ್ದರು. 

ನಟನೆ ಮಾತ್ರವಲ್ಲದೇ, ಸೂಪರ್ ಆಗಿ ಡ್ಯಾನ್ಸಿಂಗ್ ಮಾಡುವ ಸುಪ್ರಿತಾಗೆ ಹಾಡು ಹೇಳುವ ಹವ್ಯಾಸ ಕೂಡ ಇದೆಯಂತೆ. ಅಷ್ಟೇ ಅಲ್ಲ ಇವರು ಬಿಡುವಿದ್ದಾಗ ಪೈಂಟಿಂಗ್ ಕೂಡ ಮಾಡುತ್ತಾರೆ. 

ಕಿರುತೆರೆಯಿಂದ ಹಿರಿತೆರೆಗೆ ಭಡ್ತಿ ಪಡೆದಿರುವ ಸುಪ್ರೀತಾ ರುಗ್ಣ, ಲಾಂಗ್ ಡ್ರೈವ್, ಮೆಲೋಡಿ ಡ್ರಾಮಾ, ಶಾಲಿವಾಹನ ಶಕೆ, ಚಿತ್ರಗಳಲ್ಲಿ ನಟಿಸಿದ್ದಾರೆ.