Small Screen
ಮೊದಲಿಗೆ ಧಿಮಾಕಿನ ಹೆಣ್ಣಾಗಿ, ಇದೀಗ ತನ್ನ ಗಂಡ ರಾಮಾಚಾರಿಯ ಪ್ರೀತಿ ಪಡೆಯಲು ಆತನ ಜೊತೆ ಇರಲು ಎಲ್ಲಾ ಪ್ರಯತ್ನ ಮಾಡುವ ಹೆಣ್ಣು ಚಾರು ಅಂದ್ರೆ ಪ್ರೇಕ್ಷಕರಿಗೆ ತುಂಬಾನೆ ಇಷ್ಟ.
ತನ್ನ ಮೊದಲ ಸೀರಿಯಲ್ ಆರಂಭವಾದ ಅಲ್ಪಕಾಲದಲ್ಲೇ ಧೀಮಾಕು, ಪ್ರೀತಿ, ಹಠ, ನೋವು ಎಲ್ಲವನ್ನೂ ಸಲೀಸಾಗಿ ಅಭಿನಯಿಸಿದ ಮಂಗಳೂರು ಬೆಡಗಿ ಮೌನ ಗುಡ್ಡೆಮನೆ (Mouna Guddemane).
ಮಂಗಳೂರಿನಲ್ಲೇ ಹುಟ್ಟಿ ಬೆಳೆದಿರುವ ಮೌನ ಗುಡ್ಡೆಮನೆ ಅಲೋಶಿಯಸ್ ಕಾಲೇಜಿನಲ್ಲಿ ಪಿಯುಸಿ ಮತ್ತು ಡಿಗ್ರಿ ಮುಗಿಸಿದ್ದಾರೆ. ಆವಾಗ್ಲೇ ಮಾಡೆಲಿಂಗ್ ನಲ್ಲೂ ಆಸಕ್ತಿ ಬೆಳೆಸಿಕೊಂಡಿದ್ದರು.
ಮಾಡೆಲಿಂಗ್‌ನಲ್ಲೆ ಮೊದಲಿನಿಂದಲೂ ಆಸಕ್ತಿ ಹೊಂದಿರೋ ಮೌನ ತಮ್ಮ ಟೀನೇಜ್‌ನಲ್ಲೇ ಮಿಸ್ ಟೀನ್ ಮಂಗಳೂರು ರನ್ನರ್ ಅಪ್ ಪ್ರಶಸ್ತಿ ಮುಡಿಗೇರಿಸಿಕೊಂಡಿದ್ದಾರೆ.
ಬಿಗ್‌ಬಾಸ್‌ನ ಸ್ಪರ್ಧಿ ವಿಶ್ವನಾಥ್‌ ಹಾವೇರಿ ಅವರ ವೀಡಿಯೋ ಹಾಡಿನಲ್ಲೂ ಈ ತುಳುನಾಡ ಬೆಡಗಿ ಕಾಣಿಸಿಕೊಂಡಿದ್ದಾರೆ. ಅವರ ಜೊತೆಗೆ ಸ್ಟೆಪ್‌ ಹಾಕಿದ್ದಾರೆ.
ರಾಮಾಚಾರಿ ಸೀರಿಯಲ್‌ಗೆ ಬರೋ ಮುನ್ನವೇ ಇವರು 'ಅಸೆದ ಕಡಲ್‌', 'ಮನಸಾ' ಮೊದಲಾದ ತುಳು ಆಲ್ಬಂಗಳಲ್ಲಿ ಹಾಗೂ 'ರಾಧಾಕೃಷ್ಣ' ಅನ್ನೋ ಹಿಂದಿ, ಕನ್ನಡ, ತುಳು ಭಾಷೆಯ ಆಲ್ಬಂಗಳಲ್ಲಿ ಇವರು ನಟಿಸಿದ್ದಾರೆ.
ತಂದೆ ತುಂಬಾ ಸ್ಟ್ರಿಕ್ಟ್ ಮಿಲಿಟರಿ ಆಫಿಸರ್ ಆಗಿರೋದ್ರಿಂದ, ಯಾವುದಕ್ಕೂ ಆವರ ಬೆಂಬಲ ಸಿಕ್ಕಿದ್ದೆ ಕಡಿಮೆ ಎನ್ನುವ ಮೌನಗೆ, ತಾಯಿಯ ಸ್ಟ್ರೆಂಥ್, ಅವರ ಸಪೋರ್ಟ್ ನಿಂದ ಇಲ್ಲಿವರೆಗೆ ಬರಲು ಸಾಧ್ಯವಾಯ್ತಂತೆ.
ಸೋಶಿಯಲ್ ಮೀಡೀಯಾದಲ್ಲಿ ಆಕ್ಟೀವ್ ಆಗಿರುವ ಮೌನ, ಹಲವಾರು ರೀಲ್ಸ್, ಫೋಟೋ ಶೂಟ್ ಮಾಡುತ್ತಾ ಅಭಿಮಾನಿಗಳ ಜೊತೆ ಶೇರ್ ಮಾಡುತ್ತಾರೆ.
ರಾಮಾಚಾರಿ ಸೀರಿಯಲ್ ಮೂಲಕ ಮನೆ ಮಾತಾಗಿರುವ ಚಾರು ಆಲಿಯಾಸ್ ಮೌನ ಗುಡ್ಡೆಮನೆ ಇಂದು ಹುಟ್ಟು ಹಬ್ಬ ಆಚರಿಸಿಕೊಳ್ಳುತ್ತಿದ್ದು, ಅವರಿಗೆ ನಮ್ ಕಡೆಯಿಂದಲೂ ಹ್ಯಾಪಿ ಬರ್ತ್ ಡೇ ವಿಶ್ ಮಾಡೋಣ.