Small Screen
ಬಹುಶಃ ಧನುಷ್ ಗೌಡ ಅಂದ್ರೆ ಯಾರಿಗೂ ಗೊತ್ತೆ ಇಲ್ಲ. ಯಾಕಂದ್ರೆ ಗೀತಾ ಸೀರಿಯಲ್‌ನಲ್ಲಿ ವಿಜಯ್ ಪಾತ್ರದ ಮೂಲಕ ರಾಜ್ಯಾದ್ಯಂತ ಜನಪ್ರಿಯತೆ ಪಡೆದ ನಟ.
ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಗೀತಾ ಸೀರಿಯಲ್‌ನಲ್ಲಿ ಮೊದಲಿಗೆ ಅಹಂಕಾರಿಯಾಗಿ, ಈಗ ಗೀತಾಳ ಪ್ರೀತಿಯ ವಿಜಿ/ ಅಮ್ಮಂದಿರ ಮುದ್ದಿನ ವಿಜಯ್ ಪಾತ್ರದಲ್ಲಿ ಧನುಷ್ ನಟಿಸುತ್ತಿದ್ದಾರೆ.
ಧನುಷ್ ಗೆ ಬಾಲ್ಯದಿಂದಲೂ ಕಲಿಯೋದರ ಕಡೆಗೆ ಹೆಚ್ಚಿನ ಆಸಕ್ತಿ ಕಡಿಮೆಯಂತೆ. ನಟನೆ ಕಡೆಗೆ ಆಸಕ್ತಿ ಇದ್ದುದೇ ನಟನಾ ಜಗತ್ತಿಗೆ ಬರಲು ಕಾರಣವಾಯ್ತು.
ನಟನಾಗಲು ಧನುಷ್ ಅವರ ಕಸಿನ್ಸ್ ತುಂಬಾ ಪ್ರೋತ್ಸಾಹ ನೀಡಿದ್ರಂತೆ. ನೀನು ನೋಡೋಕೆ ಚೆನ್ನಾಗಿದ್ಯ, ನಟನೆಗೆ ಯಾಕೆ ಟ್ರೈ ಮಾಡ್ಬಾರ್ದು ಎಂದಾಗ ಧನುಷ್ ಗೂ ಅದು ಸರಿ ಎನಿಸಿತಂತೆ.
ಡಿಪ್ಲೊಮಾ ಬಳಿಕ ಹಲವಾರು ಸೀರಿಯಲ್ಸ್ ಆಡಿಶನ್ ಕೊಟ್ರಂತೆ, ಆದ್ರೆ ರಿಜೆಕ್ಟ್ ಆಗಿ ಮನೆಯಲ್ಲಿ ಕೂರುವಂತಾದಾಗ ರಿಲೇಟೀವ್ಸ್ ಇದೆಲ್ಲ ಆಗಲ್ಲ, ಬೀದಿ ಬೀದಿಯಲ್ಲಿ ಹೀರೋ ಇದ್ದಾರೆ ಅಂದ್ರಂತೆ.
3 ವರ್ಷ ಮನೆಯಲ್ಲಿದ್ದು, ನಿನ್ನಿಂದ ಆಗಲ್ಲ ಎನ್ನುವವರ ಮುಂದೆ ಧನುಷ್ ಪ್ರಯತ್ನ ಬಿಡದೆ ಆಡಿಶನ್ ಕೊಟ್ಟು ಕೊನೆಗೆ ಗೀತಾ ಸೀರಿಯಲ್‌ನಲ್ಲಿ ನಾಯಕನಾಗಿ ಆಯ್ಕೆಯಾಗಿ, ರಾಜ್ಯದ ಮನೆಮಾತಾದರು..
ಇನ್ನು ಗೀತಾ ಸೀರಿಯಲ್ ನ ಜೋಡಿಗಳಾದ ಗೀತಾ ಮತ್ತು ವಿಜಯ್ ಪ್ರೇಕ್ಷಕರ ಫೇವರಿಟ್ ಜೋಡಿ. ಆನ್‌ಸ್ಕ್ರೀನ್‌ನಂತೆ ಆಫ್‌ಸ್ಕ್ರೀನ್‌ನಲ್ಲೂ ಇಬ್ಬರು ಜೋಡಿಯಾದ್ರೆ ಚೆನ್ನ ಎನ್ನುತ್ತಾರೆ ಅಭಿಮಾನಿಗಳು.
ಈ ಆನ್ ಸ್ಕ್ರೀನ್ ಜೋಡಿ ಹೆಚ್ಚಾಗಿ ಜೊತೆಗೆ ಇರೋದನ್ನು ನೋಡಿ ಹಲವಾರು ಜನ ಲವ್, ಮದ್ವೆ ಎಂದೆಲ್ಲಾ ಗಾಸಿಪ್ ಮಾಡಿದ್ದು, ಇದನ್ನ ಮಾಡ್ಬೇಡಿ ನಾವು ಜಸ್ಟ್ ಫ್ರೆಂಡ್ಸ್ ಅಷ್ಟೇ ಎಂದಿದ್ದಾರೆ ಧನುಷ್.