ಪವಿತ್ರಾ ಗೌಡ

ರೇಣುಕಾಸ್ವಾಮಿ ಕೊಲೆ ಪ್ರಕರಣದಲ್ಲಿ ಪವಿತ್ರಾ ಗೌಡ, ದರ್ಶನ್ ಸೇರಿ ಎಲ್ಲರೂ ಜಾಮೀನಿನ ಮೇಲೆ ಹೊರ ಬಂದಿದ್ದು, ಸದ್ಯ ತಮ್ಮ ಫ್ಯಾಮಿಲಿ ಜೊತೆ ಸಮಯ ಕಳೆಯುತ್ತಿದ್ದಾರೆ. 
 

ಜೈಲಿನಿಂದ ಬಂದ ತಕ್ಷಣ ಪವಿತ್ರಾ ಗೌಡ ಬೆಂಗಳೂರಿನ ಬನಶಂಕರಿ ದೇಗುಲದಲ್ಲಿ ಪೂಜೆ ಮಾಡಿಸಿದ್ದರು, ಅಲ್ಲದೇ ತಮ್ಮ ಮನೆಯಲ್ಲೂ ಸಹ ಪವಿತ್ರಾ ಪೂಜೆ ಮಾಡಿದ್ದರು. 
 

ಪವಿತ್ರಾ ಈ ಸಲ ಕೋರ್ಟಿಗೆ ಹೋದಾಗ ಹೊರ ರಾಜ್ಯಕ್ಕೆ ಪ್ರಯಾಣಿಸಲು ಹಾಗೂ ತಮ್ಮ ಬ್ಯುಸಿನೆಸ್‌ ಮತ್ತೆ ಶುರು ಮಾಡಲು ಅನುಮತಿ ಬೇಕು ಎಂದು ಬೇಡಿಕೆ ಇಟ್ಟಿದ್ದು, ಅದಕ್ಕೆ ಕೋರ್ಟ್ ಸಮ್ಮತಿ ನೀಡಿತ್ತು. 
 

ಪವಿತ್ರಾ ಗೌಡ ಜೈಲಿಗೆ ಸೇರುವ ಮುನ್ನ ತಮ್ಮದೇ ಆದ ರೆಡ್ ಕಾರ್ಪೆಟ್ ಎನ್ನುವ ಡಿಸೈನರ್ ಶೋರೂಮ್ ತೆರೆದಿದ್ದರು. ಸಿನಿ ರಂಗದಲ್ಲೂ ತಾವು ಡಿಸೈನ್ ಮಾಡಿದ ಬಟ್ಟೆಗಳನ್ನು ನೀಡುತ್ತಿದ್ದರು.
 

ಪವಿತ್ರಾ ಗೌಡ ಜೈಲಲ್ಲಿ ಇರೋವಾಗ ಪುತ್ರಿ ಖುಷಿ ಗೌಡ ಕೆಲವು ತಿಂಗಳು ಕಾಲ ಬ್ಯುಸಿನೆಸ್ ನಡೆಸಿಕೊಂಡು ಬಂದಿದ್ದರು ಎನ್ನುವ ಮಾಹಿತಿ ಕೂಡ ಇದೆ. 
 

ಇದೀಗ ಜೈಲಿನಿಂದ ಹೊರ ಬಂದ ಮೇಲೆ ತಮ್ಮ ಬ್ಯುಸಿನೆಸ್ ಮತ್ತೆ ಲಾಂಚ್ ಮಾಡುವ ಬಗ್ಗೆ ಯೋಜನೆ ರೂಪಿಸಿರುವ ಹಾಗಿದೆ. ಅದಕ್ಕಾಗಿ ಎಲ್ಲಾ ತಯಾರಿ ಕೂಡ ನಡೆಸುತ್ತಿದ್ದಾರೆ ಪವಿತ್ರಾ ಗೌಡ. 
 

ಇದೀಗ ಪವಿತ್ರಾ ಗೌಡ ಶಿರಡಿಗೆ ತೆರಳಿದ್ದು, ಸಾಯಿ ಬಾಬಾನ ದರ್ಶನ ಪಡೆದು ಬಂದಿದ್ದಾರೆ. ಆ ಮೂಲಕ ಹೊಸ ಜೀವನ ಶುರು ಮಾಡುವ ಮುನ್ಸೂಚನೆ ಕೊಟ್ಟಿರುವ ಹಾಗಿದೆ. 
 

ಪವಿತ್ರಾ ಗೌಡ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ಶೇರ್ ಮಾಡಿದ್ದು, ಸಾಯಿ ಬಾಬಾ ಫೋಟೊ ಮುಂದೆ ವಿವಿಧ ರೀತಿಯಲ್ಲಿ ಪೋಸ್ ಕೊಟ್ಟಿದ್ದಾರೆ. 
 

ಸಾಯಿ ಬಾಬಾ ದರ್ಶನ ಪಡೆಯುವ ಮೂಲಕ ತಮ್ಮ ಬ್ಯುಸಿನೆಸ್ ಅನ್ನು ಮತ್ತೆ ಶುರು ಮಾಡುವ ಯೋಚನೆ ಇದ್ದರೂ ಇರಬಹುದು. ಯಾವುದಕ್ಕೂ ಕಾದು ನೋಡಬೇಕು.