ಚಿತ್ಕಳಾ ಬಿರಾದಾರ್

ಕನ್ನಡತಿ ಸೀರಿಯಲ್ ನಲ್ಲಿ ಅಮ್ಮಮ್ಮನಾಗಿ ಗುರುತಿಸಿಕೊಂಡ ನಟಿ ಚಿತ್ಕಳಾ ಬಿರಾದಾರ್ ಕನ್ನಡದ ಜನಪ್ರಿಯ ಕಿರುತೆರೆ ನಟಿಯರಲ್ಲಿ ಒಬ್ಬರು. 
 

ಇದೀಗ ಚಿತ್ಕಳಾ ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಜನಪ್ರಿಯ ಅಮೃತಧಾರೆ ಧಾರಾವಾಹಿಯಲ್ಲಿ ನಟಿಸುತ್ತಿದ್ದಾರೆ. 
 

ಅಮೃತಧಾರೆಯಲ್ಲಿ ಗೌತಮ್ ದಿವಾನ್ ತಾಯಿ ಭಾಗ್ಯ ಆಗಿ ಚಿತ್ಕಳಾ ನಟಿಸುತ್ತಿದ್ದು, ಸದ್ಯಕ್ಕೆ ಮತಿಭ್ರಮಣೆಗೊಳಗಾದ ತಾಯಿ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. 
 

ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಚಿತ್ಕಳಾ ತಮ್ಮ ಅಮೃತಧಾರೆ ತಂಡದ ಸಹ ಕಲಾವಿದರಾದ ರಾಜೇಶ್, ವನಿತಾ ವಾಸು, ಸಿಹಿಕಹಿ ಚಂದ್ರು, ಜೊತೆಗಿನ ಫೋಟೊಗಳನ್ನು ಶೇರ್ ಮಾಡಿದ್ದು, ಸಂತಸವನ್ನು ಹಂಚಿಕೊಂಡಿದ್ದಾರೆ. 
 

ಫೋಟೋಗಳ ಜೊತೆಗೆ ಚಿತ್ಕಳಾ ಕ್ಯಾಪ್ಶನ್ ಕೂಡ ಬರೆದಿದ್ದು, ಇವರೆಲ್ಲಾ ನನಗಿಂತ ಅನುಭವಿ ಹಾಗು‌ ನುರಿತ ಕಲಾವಿದರು . ಇವರೊಡನೆ ನಿಂತು ಭಾಗ್ಯಾ ಆಗಿ ನಟನೆ ಮಾಡುವ ಅವಕಾಶ ಸಿಕ್ಕಿದ್ದು ನನ್ನ ಭಾಗ್ಯ ಎಂದಿದ್ದಾರೆ. 
 

ಈ ನಟರನ್ನು ನೋಡಿ ನಾನು ಕಲಿಯೋದು, ಅನುಸರಿಸೊದು ತುಂಬಾನೇ ಇದೆ . ಇಂತವರ ಒಡನಾಟ ಹಾಗು ನಿಮ್ಮೆಲ್ಲರ ಪ್ರೀತಿ / ಅಭಿಮಾನ ದಕ್ಕಿದ ನಾನೇ ಧನ್ಯಳು  ಎಂದು ಚಿತ್ಕಳಾ ಬರೆದುಕೊಂಡಿದ್ದಾರೆ. 
 

ಚಿತ್ಕಳಾ ಬಿರಾದಾರ್ ಅವರು ಛಾಯಾ ಸಿಂಗ್, ಕರಣ್ ಹಾಗೂ ಅಮೃತಾ ನಾಯ್ಕ್ ಜೊತೆಗಿನ ಫೋಟೊ ಶೇರ್ ಮಾಡಿ, ಈ ಯಂಗ್ ಉತ್ಸಾಹಿ ಪವರ್ ಹೌಸ್ ಗಳ ಜೊತೆ ಕೆಲಸ ಮಾಡುವುದು ಸಂತೋಷ ಹಾಗೂ ಆನಂದದಿಂದ ಕೂಡಿರುತ್ತೆ ಎಂದಿದ್ದಾರೆ.