ಝೀ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಸೀರಿಯಲ್ ಜೊತೆಜೊತೆಯಲಿ ನೋಡಿರೋರಿಗೆ ಮೀರಾ ಹೆಗ್ಡೆ ಪಾತ್ರದಲ್ಲಿ ಮಿಂಚುತ್ತಿರುವ ಮಾನಸ ಮನೋಹರ್ ಯಾರು ಅಂತ ಹೇಳಬೇಕಾಗಿಲ್ಲ. 

ಮಾಡೆಲ್ ಆಗಿ ಕರಿಯರ್ ಆರಂಭಿಸಿದ ಮಾನಸ ಮನೋಹರ್ ಸದ್ಯ ನಿರೂಪಕಿ, ನಟಿಯಾಗಿ ಕಿರುತೆರೆಯಲ್ಲಿ ಸ್ಟೈಲಿಶ್ ಪಿಎ ಆಗಿ ಮಿಂಚುತ್ತಿದ್ದಾರೆ ಇವರು. 

ಇದೀಗ ಮಾನಸ ತಮ್ಮ ಸಹೋದರನ ಮದುವೆ ಸಮಾರಂಭದಲ್ಲಿ ಬ್ಯುಸಿಯಾಗಿಬಿಟ್ಟಿದ್ದಾರೆ. ಕಳೆದ ಕೆಲವು ದಿನಗಳಿಂದ ಮದುವೆ ವಿವಿಧ ಕಾರ್ಯಕ್ರಮದ ಫೋಟೋ ಶೇರ್ ಮಾಡುತ್ತಿದ್ದಾರೆ. 

ಅಣ್ಣನ ಮದುವೆಯ ಚಪ್ಪರ ಶಾಸ್ತ್ರ, ಅರಿಶಿನ ಶಾಸ್ತ್ರ, ಮೆಹೆಂದಿ, ಬಳೆ ಶಾಸ್ತ್ರ, ಮದುವೆ, ಸಂಗೀತ ಕಾರ್ಯಕ್ರಮ ಹೀಗೆ ಹಲವಾರು ಶಾಸ್ತ್ರಗಳನ್ನು ಸಂಪ್ರದಾಯಬದ್ಧವಾಗಿ ಮಾಡುತ್ತಿರುವ ಫೋಟೋ ಶೇರ್ ಮಾಡಿದ್ದಾರೆ. 

ಅರಿಶಿನ ಶಾಸ್ತ್ರಕ್ಕೆ ಮೆರೂನ್ ಸಲ್ವಾರ್, ಬಳೆ ಶಾಸ್ತ್ರಕ್ಕೆ ನೀಲಿ ಬಣ್ಣದ ಡ್ರೆಸ್, ಸಂಗೀತ ಕಾರ್ಯಕ್ರಮಕ್ಕೆ ನಸು ಗುಲಾಲಿ ಬಣ್ಣದ ಲೆಹೆಂಗಾ ಧರಿಸಿದ್ದು, ಮದುವೆ ದಿನ ಕ್ರೀಂ ಕಲರ್ ಸೀರೆಗೆ ಬ್ರೌನ್ ಬ್ಲೌಸ್ ಧರಿಸಿದ್ದಾರೆ. 

ಮದುವೆ ಸಮಾರಂಭಕ್ಕೆ ಅಪ್ಪಟ ಕನ್ನಡತಿಯಂತೆ ಸೀರೆಯುಟ್ಟಿರುವ ಮಾನಸ ಮನೋಹರ್, ಪಂಚೆ, ಶರ್ಟ್ ನಲ್ಲಿ ಮಿಂಚುತ್ತಿರುವ ಪತಿ ಜೊತೆ ರೀಲ್ಸ್ ಮಾಡಿ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.