ಏಕರೂಪ ನಾಗರಿಕ ಸಂಹಿತೆಗೆ ಉತ್ತರಖಂಡ ಸರ್ಕಾರ ತಿದ್ದುಪಡಿ

ಉತ್ತರಾಖಂಡದಲ್ಲಿ ಏಕರೂಪ ನಾಗರಿಕ ಸಂಹಿತೆಗೆ (ಯುಸಿಸಿ) ಸುಗ್ರೀವಾಜ್ಞೆ ಮೂಲಕ ತಿದ್ದುಪಡಿ ಮಾಡಲಾಗಿದ್ದು, ಕಾನೂನನ್ನು ಮತ್ತಷ್ಟು ಬಿಗಿಗೊಳಿಸಲಾಗಿದೆ.

ಬಲವಂತದ ಮದುವೆ ಹಾಗೂ ಬಲವಂತದ ಲಿವ್ ಇನ್ ಸಂಬಂಧಕ್ಕೆ 7 ವರ್ಷ ಜೈಲು ಶಿಕ್ಷೆಗೆ ನಿರ್ಧರಿಸಲಾಗಿದೆ.

ಮದುವೆ ಅಥವಾ ಸಹಜೀವನಕ್ಕೆ (ಲಿವ್-ಇನ್) ಸಂಗಾತಿಗೆ ಬಲವಂತ ಮಾಡುವ ವ್ಯಕ್ತಿಗೆ 7 ವರ್ಷ ತನಕ ಜೈಲು ಶಿಕ್ಷೆ ವಿಧಿಸಬಹುದು.

ಇದರ ಜತೆಗೆ ಜತೆಗೆ ವಿಚ್ಛೇದನ ಪಡೆಯದೇ ಮದುವೆ, ಲಿವ್-ಇನ್ ಸಂಬಂಧಕ್ಕೆ ಒಳಪಟ್ಟರೆ ಅದನ್ನು ಕ್ರಿಮಿನಲ್ ಅಪರಾಧವೆಂದು ಪರಿಗಣಿಸಿ ಗರಿಷ್ಠ ಶಿಕ್ಷೆ ವಿಧಿಸುವ ನಿಯಮ ಜಾರಿ ಮಾಡಲಾಗಿದೆ.

ಅಪ್ರಾಪ್ತರ ಜತೆ ಸಹಜೀವನದ ಸಂಬಂಧದಲ್ಲಿ ಇದ್ದರೆ ಆ ವ್ಯಕ್ತಿಗೆ 6 ತಿಂಗಳು ಜೈಲು ಅಥವಾ 50,000 ರು. ಗಳವರೆಗೆ ದಂಡ ಅಥವಾ ಎರಡನ್ನೂ ವಿಧಿಸುವಂತೆ ತಿದ್ದುಪಡಿ ತರಲಾಗಿದೆ.

ಇದಲ್ಲದೇ ಮರು ಮದುವೆ, ಲಿವ್ ಇನ್ ಸಂಬಂಧದಲ್ಲಿ ಸುಳ್ಳು ಹೇಳಿದರೂ ಜೈಲು, ದಂಡ ವಿಧಿಸುವ ಕಾನೂನು ಸೇರಿದಂತೆ ಹಲವು ತಿದ್ದುಪಡಿಗಳನ್ನು ತರಲಾಗಿದೆ.

ಈ ಮುಂಚೆ ಲಿವ್‌ ಇನ್‌ ಸಂಬಂಧವನ್ನು ನೋಂದಣಿ ಮಾಡಿಕೊಳ್ಳಲು ಯುಸಿಸಿ ಅಡಿ ನಿಯಮ ರೂಪಿಸಲಾಗಿತ್ತು.