ಡ್ರೈ ಕ್ಲೀನ್ ಇಲ್ಲದೆ ಸೋಫಾ ಕುಶನ್ ಕ್ಲೀನ್ ಮಾಡಲು DIY ಹ್ಯಾಕ್ಸ್

ಸೋಫಾದ ಮೇಲಿರುವ ಕುಶನ್‌ಗಳಲ್ಲಿ ಕಾಲಕ್ರಮೇಣ ಧೂಳು, ಕೊಳೆ ಮತ್ತು ಬ್ಯಾಕ್ಟೀರಿಯಾಗಳು ಸೇರಿಕೊಳ್ಳುತ್ತವೆ. ಹಾಗಾಗಿ, ಕಾಲಕಾಲಕ್ಕೆ ಕುಶನ್‌ಗಳನ್ನು ಡೀಪ್ ಕ್ಲೀನ್ ಮಾಡುವುದು ಬಹಳ ಮುಖ್ಯ.

ಮೊದಲಿಗೆ, ಕುಶನ್‌ಗಳ ಮೇಲಿನ ಕವರ್‌ಗಳನ್ನು ತೆಗೆಯಿರಿ. ಈ ಕವರ್‌ಗಳನ್ನು ವಾಷಿಂಗ್ ಮೆಷಿನ್‌ನಲ್ಲಿ ಮೈಲ್ಡ್ ಡಿಟರ್ಜೆಂಟ್ ಬಳಸಿ ತೊಳೆಯಬಹುದು.

ಕುಶನ್‌ಗಳನ್ನು ಕೈಯಿಂದ ಅಥವಾ ವ್ಯಾಕ್ಯೂಮ್ ಕ್ಲೀನರ್‌ನಿಂದ ಸ್ವಚ್ಛಗೊಳಿಸಬಹುದು. ಇದು ಕುಶನ್‌ಗಳಲ್ಲಿರುವ ಧೂಳು ಮತ್ತು ಕೊಳೆಯನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.

ಕುಶನ್‌ಗಳನ್ನು ಬಿಸಿಲಿನಲ್ಲಿ ಒಣಗಿಸುವುದರಿಂದ ಅವುಗಳಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಕೆಟ್ಟ ವಾಸನೆ ದೂರವಾಗುತ್ತದೆ. ತಿಂಗಳಿಗೊಮ್ಮೆ ಕುಶನ್‌ಗಳನ್ನು ಬಿಸಿಲಿನಲ್ಲಿ ಒಣಗಿಸುವುದು ಒಳ್ಳೆಯದು.

ಕುಶನ್‌ಗಳ ಮೇಲೆ ಸೋಡಿಯಂ ಬೈಕಾರ್ಬನೇಟ್ ಅಥವಾ ಅಡುಗೆ ಸೋಡಾವನ್ನು ಸಿಂಪಡಿಸಿ. ನಂತರ ವ್ಯಾಕ್ಯೂಮ್ ಕ್ಲೀನರ್ ಸಹಾಯದಿಂದ ಸ್ವಚ್ಛಗೊಳಿಸಿ. ಇದು ಕುಶನ್‌ನಲ್ಲಿರುವ ತೇವಾಂಶ ಮತ್ತು ಕೆಟ್ಟ ವಾಸನೆಯನ್ನು ತೆಗೆದುಹಾಕುತ್ತದೆ.

ಒಂದು ಬಟ್ಟಲಿನಲ್ಲಿ ಉಗುರುಬೆಚ್ಚಗಿನ ನೀರನ್ನು ತೆಗೆದುಕೊಂಡು ಅದರಲ್ಲಿ ಬ್ಲೀಚ್ ಮಿಶ್ರಣ ಮಾಡಿ ಸ್ಪ್ರೇ ತಯಾರಿಸಿ. ನಂತರ ಕುಶನ್ ಮೇಲೆ ಸ್ಪ್ರೇ ಮಾಡಿ 15 ನಿಮಿಷ ಬಿಡಿ. ಸ್ಪಾಂಜ್/ ಬ್ರಷ್ ಸಹಾಯದಿಂದ ಕುಶನ್ ಸ್ವಚ್ಛಗೊಳಿಸಿ.

ವಿನೆಗರ್ ಮತ್ತು ನೀರನ್ನು ಸಮಪ್ರಮಾಣದಲ್ಲಿ ಬೆರೆಸಿ ಸ್ಪ್ರೇ ತಯಾರಿಸಿ. ಕುಶನ್ ಮೇಲೆ ಸ್ಪ್ರೇ ಮಾಡಿದ ನಂತರ, ತಕ್ಷಣವೇ ಬಟ್ಟೆಯಿಂದ ಒರೆಸಿ. ಇದು ಕುಶನ್ ಮೇಲಿನ ಕಲೆಗಳನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ.