ಎಲ್ಲೆಲ್ಲೂ ಕಲಬೆರಕೆ

ಈಗ ಎಲ್ಲೆಲ್ಲೂ ಕಲಬೆರಕೆಗಳೇ ಆಗಿಬಿಟ್ಟಿವೆ. ಹಣಕ್ಕಾಗಿ ಜನರ ಜೀವನದ ಮೇಲೆ ಚೆಲ್ಲಾಟ ಆಡುವುದು ಹೆಚ್ಚಾಗಿದೆ. ಹಾಗಿದ್ದರೆ, ಕೆಲವೊಂದು ಪದಾರ್ಥಗಳಲ್ಲಿ ನಕಲಿ, ಅಸಲಿ ನೋಡುವುದು ಹೇಗೆ ಎನ್ನೋದನ್ನು ಇಲ್ಲಿ ವಿವರಿಸಲಾಗಿದೆ.

ಬಿಸಿಯಾಗಿರುವ ತವೆಯ ಮೇಲೆ ಪನೀರ್​ ಪೀಸ್​ ಇಡಿ. ಒಂದು ವೇಳೆ ಅದು ಸೀದು ಹೋಗಿ ಕಪ್ಪಾದರೆ ನಕಲಿ ಎಂದೂ, ಬ್ರೌನ್​ ಕಲರ್​ ಬಂದರೆ ಅಸಲಿ ಎಂದೂ ಅರ್ಥ.

ಅಕ್ಕಿ ಕೂಡ ಈಗ ನಕಲಿ ಬರಲು ಶುರುವಾಗಿದೆ. ಇದನ್ನು ಕಂಡು ಹಿಡಿಯೋದು ಸುಲಭ. ಒಂದು ಅಕ್ಕಿ ಕಾಳನ್ನು, ಮೇಣದ ಬತ್ತಿಗೆ ಹಿಡಿಕೆ ಸಹಾಯದಿಂದ ಹಿಡಿಯಿರಿ. ಬೆಂಕಿ ಹಿಡಿದು ಕಪ್ಪು ಬಣ್ಣಕ್ಕೆ ತಿರುಗಿದರೆ  ಪ್ಲಾಸ್ಟಿಕ್​ ಎಂದರ್ಥ .

ಐಸ್​ಕ್ರೀಂನಲ್ಲಿ ಕೆಮಿಕಲ್ಸ್​ ಮಿಕ್ಸ್​ ಆಗಿದ್ಯಾ ನೋಡಲು ಸ್ವಲ್ಪ ಲಿಂಬೆ ಹಣ್ಣಿನ ರಸವನ್ನು ಅದರ ಮೇಲೆ ಹಾಕಿ. ರಸ ಹಾಕಿದಾಗ ನೊರೆ ಬಂದರೆ ಐಸ್​ಕ್ರೀಂನಲ್ಲಿ ಕೆಮಿಕಲ್ಸ್​ ಮಿಕ್ಸ್​ ಆಗಿದೆ ಎಂದು ಅರ್ಥ

ಕಲ್ಲಂಗಡಿ ಹಣ್ಣಿನ ಪೀಸ್​ ಅನ್ನು ನೀರಿನಲ್ಲಿ ಹಾಕಿ. ನೀರಿನಲ್ಲಿ ಕಲರ್​ ಬಿಟ್ಟರೆ ಅದಕ್ಕೆ ಕೆಮಿಕಲ್ಸ್​ ಮಿಕ್ಸ್​ ಆಗಿದೆ ಎಂದರ್ಥ. ಇಲ್ಲದಿದ್ದರೆ, ಕಲರ್​ ಬಿಡುವುದಿಲ್ಲ.

ಒಂದು ಗ್ಲಾಸ್​ ನೀರಿನಲ್ಲಿ ಒಂದು ತೊಟ್ಟು ಜೇನುತುಪ್ಪ ಹಾಕಿ. ಅಸಲಿ ಆಗಿದ್ದರೆ, ಈ ತೊಟ್ಟು ನೇರವಾಗಿ ನೀರಿನ ಒಳಗೆ ಹೋಗಿ ಅಡಿಯಲ್ಲಿ ಕುಳಿತುಕೊಳ್ಳುತ್ತದೆ, ನಕಲಿಯಾಗಿದ್ದರೆ ನೀರಿನಲ್ಲಿ ಮಿಕ್ಸ್​ ಆಗಿ ಬಣ್ಣ ಬಿಡುತ್ತದೆ.