ಕೇವಲ ಒಂದು ನಿಮಿಷದಲ್ಲಿ ಇರುವೆಗಳನ್ನು ಓಡಿಸಲು ಟಿಪ್ಸ್!

ಮನೆಯಲ್ಲಿ ಇರುವೆಗಳ ಕಾಟ ಹೆಚ್ಚಾಗಿದ್ದರೆ, ಈ ಸುಲಭವಾದ ಮನೆಮದ್ದುಗಳನ್ನು ಬಳಸಿ ನೋಡಿ.

ಒಂದು ಬಟ್ಟಲಿನಲ್ಲಿ ಸ್ವಲ್ಪ ಕಾಫಿ ಪುಡಿಗೆ ನಿಂಬೆ ರಸವನ್ನು ಬೆರೆಸಿ. ಈ ಮಿಶ್ರಣವನ್ನು ಮನೆಯ ಮೂಲೆಗಳಲ್ಲಿ ಸಿಂಪಡಿಸಿದರೆ ಇರುವೆಗಳು ಒಳಗೆ ಬರುವುದಿಲ್ಲ.

ಇರುವೆಗಳಿಗೆ ಪುದೀನಾದ ವಾಸನೆ ಇಷ್ಟವಾಗುವುದಿಲ್ಲ. ಹಾಗಾಗಿ, ಮನೆಯ ಮೂಲೆಗಳಲ್ಲಿ ತಾಜಾ ಪುದೀನಾ ಎಲೆಗಳನ್ನು ಇಡುವುದರಿಂದ ಇರುವೆಗಳ ಕಾಟ ತಪ್ಪಿಸಬಹುದು.

ಬಾಗಿಲಿನ ಸಂದುಗಳು, ಕಿಟಕಿಗಳು ಮತ್ತು ಕಪಾಟುಗಳ ಬಳಿ ಚಕ್ಕೆ ಪುಡಿಯನ್ನು ಉದುರಿಸಿ. ಇದರ ಘಾಟು ವಾಸನೆಗೆ ಇರುವೆಗಳು ಆ ಜಾಗದತ್ತ ಸುಳಿಯುವುದಿಲ್ಲ.

ನಿಂಬೆಹಣ್ಣಿನಲ್ಲಿರುವ ಸಿಟ್ರಿಕ್ ಆಮ್ಲ ಇರುವೆಗಳನ್ನು ದೂರವಿಡುತ್ತದೆ. ಒಂದು ಸ್ಪ್ರೇ ಬಾಟಲಿಯಲ್ಲಿ ನೀರು ಮತ್ತು ನಿಂಬೆ ರಸ ಸೇರಿಸಿ, ಇರುವೆಗಳು ಬರುವ ಜಾಗಗಳಿಗೆ ಸಿಂಪಡಿಸಿ.

ಸ್ಪ್ರೇ ಬಾಟಲಿಯಲ್ಲಿ ಸಮಪ್ರಮಾಣದ ನೀರು ಮತ್ತು ಬಿಳಿ ವಿನೆಗರ್ ಬೆರೆಸಿ. ಇರುವೆಗಳು ಹೆಚ್ಚಾಗಿ ಓಡಾಡುವ ಜಾಗಗಳಿಗೆ ಇದನ್ನು ಸ್ಪ್ರೇ ಮಾಡಿದರೆ ಅವು ತಕ್ಷಣ ಓಡಿಹೋಗುತ್ತವೆ.

ಮಾರುಕಟ್ಟೆಯಲ್ಲಿ ಸಿಗುವ ಇರುವೆ ನಾಶಕ ಪುಡಿಯನ್ನು ಸಹ ನೀವು ಬಳಸಬಹುದು. ಇದು ಮನೆಯಿಂದ ಇರುವೆಗಳನ್ನು ಶಾಶ್ವತವಾಗಿ ಓಡಿಸಲು ಸಹಾಯ ಮಾಡುತ್ತದೆ.