ಅದೊಂದು ಪೌಡರ್‌ ಸಾಕ್ರೀ.. ಬೆಂಡೆಕಾಯಿ ಲೋಳೆ ಆಗೋದಿಲ್ಲ, ಬೇಕಿದ್ರೆ ಮಾಡಿ ನೋಡಿ!

ಬೆಂಡೆಕಾಯಿ ಕಟ್ ಮಾಡುವಾಗ ಲೋಳೆಯಾಗುವುದು. ಹೀಗೆ ಆಗದಂತೆ ತಡೆಯಲು ಒಂದಿಷ್ಟು ವಿಧಾನಗಳಿವೆ.

ಬೆಂಡೆಕಾಯಿಯನ್ನು ನೀರಿನಲ್ಲಿ ಹಾಕಿ ತೊಳೆದ ತಕ್ಷಣ ಹೆಚ್ಚಬೇಡಿ. ಇದರಿಂದ ಲೋಳೆ ಆಗುವುದು

ಬೆಂಡೆಕಾಯಿಯನ್ನು ನೀರಿನಲ್ಲಿ ತೊಳೆದ ನಂತರ ಒಂದು ಕಾಟನ್ ಬಟ್ಟೆಯಿಂದ ಸರಿಯಾಗಿ ಒರೆಸಿಕೊಳ್ಳಬೇಕು. ಆಗ ನೀರಿನಂಶ ಇಲ್ಲ ಎಂದರೆ ಲೋಳೆ ಕಡಿಮೆಯಾಗುತ್ತದೆ.

ಒಲೆ ಮೇಲಿಟ್ಟ ಬಾಣಲೆಗೆ ಎಣ್ಣೆ, ಸಾಸಿವೆ ಒಗ್ಗರಣೆ ಹಾಕಿದ ನಂತರ ಹೆಚ್ಚಿದ ಬೆಂಡೆಕಾಯಿಯನ್ನು ಹಾಕಬೇಕು, ಸ್ವಲ್ಪ ಸಮಯದ ಬಳಿಕ ಅದರ ಬಣ್ಣ ಬದಲಾಗುವುದು

ಬೆಂಡೆಕಾಯಿಗೆ ಮೊದಲೇ ಉಪ್ಪನ್ನು ಹಾಕಬೇಡಿ. ಮೊದಲೇ ಉಪ್ಪು ಹಾಕಿದರೆ ಬೆಂಡೆಕಾಯಿ ಹೆಚ್ಚು ನೀರು ಬಿಟ್ಟು, ಇನ್ನಷ್ಟು ಲೋಳೆಯಾಗುತ್ತದೆ. ಬೆಂಡೆಕಾಯಿಗೆ ವಾಟೆಕಾಯಿ ಪುಡಿ ಹಾಕಿದ 2 ನಿಮಿಷದ ಬಳಿಕ ಉಪ್ಪನ್ನು ಸೇರಿಸಿ.

ಬೆಂಡೆಕಾಯಿಗೆ 1 ಚಮಚ ವಾಟೆಕಾಯಿ ಪುಡಿಯನ್ನು ಸೇರಿಸಿ ಹುರಿದರೆ ಲೋಳೆ ಆಗೋದಿಲ್ಲ. ಹುಳಿಪುಡಿ ಜಾಸ್ತಿ ಹಾಕಿದರೆ ಒಳ್ಳೆಯದಲ್ಲ

ವಾಟೆಕಾಯಿಯಲ್ಲಿರುವ ಆಮ್ಲೀಯ ಗುಣದಿಂದಾಗಿ ಬೆಂಡೆಕಾಯಿಯ ಲೋಳೆಯನ್ನು ತಕ್ಷಣವೇ ಹೀರಿಕೊಳ್ಳುತ್ತದೆ, ಲೋಳೆ ಹೋಗುವುದು

ಒಂದು ವೇಳೆ ನಿಮ್ಮ ಬಳಿ ವಾಟೆಕಾಯಿ ಪುಡಿ ಇಲ್ಲದಿದ್ದಾಗ, ಅದರ ಬದಲು ಲಿಂಬೆ ಹಣ್ಣಿನ ರಸ ಅಥವಾ ಮಜ್ಜಿಗೆ ಕೂಡ ಬಳಸಬಹುದು.