ಕಿಚನ್ ಸಿಂಕ್ ಪಳಪಳ ಹೊಳೆಯಲು ಈ ಟಿಪ್ಸ್ ಬಳಸಿ

ಅಡುಗೆಮನೆಯ ಸಿಂಕ್‌ಗೆ ಆಹಾರದ ವೇಸ್ಟ್ ಹಾಕಬೇಡಿ. ಯಾಕಂದ್ರೆ, ಈ ತ್ಯಾಜ್ಯಗಳು ಸಿಂಕ್‌ನಲ್ಲಿ ಸಂಗ್ರಹವಾಗಿ ನೀರು ಹೋಗದಂತೆ ತಡೆಯುತ್ತವೆ. ಕೊನೆಗೆ ಪೈಪ್ ಬ್ಲಾಕ್ ಆಗುವ ಸಾಧ್ಯತೆ ಇರುತ್ತದೆ.

ಸಿಂಕ್ ಅನ್ನು ಪ್ರತಿದಿನ ಕ್ಲೀನ್ ಮಾಡುವ ಅಭ್ಯಾಸ ಇಟ್ಟುಕೊಳ್ಳಿ. ಹೀಗೆ ಮಾಡಿದರೆ ಕೊಳೆಯಾಗಲು ಸಾಧ್ಯವೇ ಇಲ್ಲ. ಇದರಿಂದ ನಿಮ್ಮ ಹೆಚ್ಚಿನ ಸಮಯ ಕೂಡ ಉಳಿಯುತ್ತದೆ.

ಹೆಚ್ಚು ನಾರಿನಾಂಶ ಇರುವ ತರಕಾರಿಗಳ ತ್ಯಾಜ್ಯವನ್ನು ಸಿಂಕ್‌ಗೆ ಅಪ್ಪಿತಪ್ಪಿಯೂ ಹಾಕಬೇಡಿ. ಇವು ಡ್ರೈನ್‌ನಲ್ಲಿ ಸಿಕ್ಕಿಹಾಕಿಕೊಂಡು, ನೀರು ಹರಿಯಲು ಅಡ್ಡಿಯಾಗುತ್ತವೆ.

ಡ್ರೈನ್‌ನಲ್ಲಿ ಕಸ ಶೇಖರಣೆಯಾದಾಗ, ಅದರಿಂದ ಕೆಟ್ಟ ವಾಸನೆ ಬರಲು ಶುರುವಾಗುತ್ತದೆ. ಇದು ಮನೆಯಲ್ಲಿ ತುಂಬಾ ಕಿರಿಕಿರಿಯ ವಾತಾವರಣವನ್ನು ಸೃಷ್ಟಿಸುತ್ತದೆ.

ಬ್ಲಾಕ್ ಆದ ಸಿಂಕ್ ಅನ್ನು ಕ್ಲೀನ್ ಮಾಡಲು ಕೇವಲ 5 ರೂ.ಗೆ ಬರುವಷ್ಟು ಬೇಕಿಂಗ್ ಸೋಡಾ ಸಾಕು. ಇದನ್ನು ಬಳಸುವುದು ತುಂಬಾ ಸುಲಭ, ಖರ್ಚು ಕೂಡ ಕಡಿಮೆ.

ಮೊದಲು ಸಿಂಕ್‌ಗೆ ಬೇಕಿಂಗ್ ಸೋಡಾ ಹಾಕಿ, ನಂತರ ವಿನೆಗರ್ ಸೇರಿಸಿ ಸ್ವಲ್ಪ ಹೊತ್ತು ಹಾಗೆಯೇ ಬಿಡಿ. ಆಮೇಲೆ, ಬೆಚ್ಚಗಿನ ನೀರನ್ನು ಸುರಿದರೆ ಸಿಂಕ್ ಸಂಪೂರ್ಣವಾಗಿ ಕ್ಲೀನ್ ಆಗುತ್ತದೆ.