ಬಾಯಿ ಹುಣ್ಣಿಗೆ ಇಲ್ಲಿದೆ ಸುಲಭ ಪರಿಹಾರ

ಬಾಯಿ ಹುಣ್ಣು ಎಂದರೆ ಸಾಕು, ಏನು ತಿನ್ನೋಕು, ಕುಡಿಯೋಕು ಆಗಲ್ಲ. ಈ ಸಾಮಾನ್ಯ ಸಮಸ್ಯೆಗೆ ಇಲ್ಲಿದೆ ಆರು ಸುಲಭ ಮನೆಮದ್ದುಗಳು.

ಸ್ವಲ್ಪ ಬಿಸಿ ನೀರಿಗೆ ಉಪ್ಪು ಸೇರಿಸಿ. ದಿನಕ್ಕೆ 3-4 ಬಾರಿ ಈ ನೀರಿನಿಂದ ಬಾಯಿ ಮುಕ್ಕಳಿಸಿ. ಇದು ಬಾಯಿ ಹುಣ್ಣು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಸ್ವಲ್ಪ ಜೇನುತುಪ್ಪ ತೆಗೆದುಕೊಂಡು ಬಾಯಿ ಹುಣ್ಣು ಆದ ಜಾಗಕ್ಕೆ ಹಚ್ಚಿ. ಇದು ನೋವಿನಿಂದ ತಕ್ಷಣದ ಪರಿಹಾರ ನೀಡುತ್ತದೆ.

ಬಾಯಿ ಹುಣ್ಣು ಆದ ಜಾಗದಲ್ಲಿ ನೋವು ಮತ್ತು ಊತವನ್ನು ಕಡಿಮೆ ಮಾಡಲು ಐಸ್ ಕ್ಯೂಬ್ ಬಳಸಬಹುದು. ಇದು ನಿಮಗೆ ಆರಾಮ ನೀಡುತ್ತದೆ.

ದಿನಕ್ಕೆ ಮೂರರಿಂದ ನಾಲ್ಕು ಬಾರಿ ಬಾಯಿ ಹುಣ್ಣು ಇರುವ ಜಾಗಕ್ಕೆ ಕೊಬ್ಬರಿ ಎಣ್ಣೆ ಹಚ್ಚಿ. ಇದರಲ್ಲಿರುವ ಆ್ಯಂಟಿಮೈಕ್ರೋಬಿಯಲ್ ಗುಣ ನೋವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಸ್ವಲ್ಪ ಅಡುಗೆ ಸೋಡಾಗೆ ನೀರು ಬೆರೆಸಿ ಪೇಸ್ಟ್ ರೀತಿ ಮಾಡಿ. ಈ ಪೇಸ್ಟ್‌ ಅನ್ನು ನೇರವಾಗಿ ಹುಣ್ಣಿನ ಮೇಲೆ ಹಚ್ಚಿ. ಕೆಲವು ನಿಮಿಷ ಬಿಟ್ಟು ಬಾಯಿ ತೊಳೆಯಿರಿ.

ಬೆಳ್ಳುಳ್ಳಿ ಪೇಸ್ಟ್ ಮಾಡಿ ಬಾಯಿ ಹುಣ್ಣು ಆದ ಜಾಗಕ್ಕೆ ಹಚ್ಚಿ. ಸ್ವಲ್ಪ ಸಮಯ ಬಿಟ್ಟು ಅದನ್ನು ತೆಗೆಯಿರಿ. ಇದು ಬಾಯಿ ಹುಣ್ಣು ಬೇಗ ವಾಸಿಯಾಗಲು ಸಹಾಯ ಮಾಡುತ್ತದೆ.