ಅಂಟು ಹೋಗುವುದಿಲ್ಲ

ಅಡುಗೆ ಮನೆಯಲ್ಲಿ ಬಳಸುವ ಬಟ್ಟೆಗಳು ಎಣ್ಣೆ ಮತ್ತು ಮಸಾಲೆ ಕಲೆಗಳಿಂದ ಬೇಗನೆ ಜಿಡ್ಡಾಗುತ್ತವೆ. ಎಷ್ಟೇ ತೊಳೆದರೂ ಆ ಅಂಟು ಹೋಗುವುದಿಲ್ಲ ಅಂತಾದ್ರೆ ಈ ಸರಳ ಮನೆಮದ್ದುಗಳನ್ನು ಬಳಸಿ.

ಬಿಸಿ ನೀರಿಗೆ 2 ಚಮಚ ಅಡುಗೆ ಸೋಡಾ ಹಾಕಿ ಬೆರೆಸಿ. ಇದರಲ್ಲಿ ಜಿಡ್ಡಾದ ಬಟ್ಟೆಗಳನ್ನು 10 ನಿಮಿಷ ನೆನೆಸಿಡಿ. ನಂತರ ಮಾಮೂಲಿ ತೊಳೆದರೆ ಕಲೆ ಮತ್ತು ಅಂಟು ಮಾಯವಾಗುತ್ತದೆ.

ಬಟ್ಟೆಯ ಜಿಡ್ಡಿನ ಕಲೆಗಳ ಮೇಲೆ ಸ್ವಲ್ಪ ಉಪ್ಪು ಉದುರಿಸಿ, ಅದರ ಮೇಲೆ ಲಿಂಬೆ ರಸ ಹಾಕಿ ಉಜ್ಜಿ. ಇದು ಎಣ್ಣೆಯ ಜಿಡ್ಡನ್ನು ಸುಲಭವಾಗಿ ತೆಗೆಯಲು ಸಹಾಯ ಮಾಡುತ್ತದೆ.

ಬಿಸಿ ನೀರಿಗೆ ಸ್ವಲ್ಪ ವಿನೆಗರ್ ಸೇರಿಸಿ ಬಟ್ಟೆಗಳನ್ನು ನೆನೆಸಿಟ್ಟರೆ, ಬಟ್ಟೆಯಲ್ಲಿರುವ ಬ್ಯಾಕ್ಟೀರಿಯಾ ಮತ್ತು ಕೆಟ್ಟ ವಾಸನೆ ಎರಡೂ ದೂರವಾಗುತ್ತವೆ.

ಕಿಚನ್ ಬಟ್ಟೆಗಳನ್ನು ಯಾವತ್ತೂ ತಣ್ಣೀರಿನಲ್ಲಿ ತೊಳೆಯಬೇಡಿ. ಬಿಸಿ ನೀರಿನಲ್ಲಿ ಸ್ವಲ್ಪ ಸರ್ಫ್ ಹಾಕಿ ತೊಳೆದರೆ ಜಿಡ್ಡು ಬೇಗನೆ ಬಿಡುತ್ತದೆ.

ಅಡುಗೆ ಮನೆಯ ಮಸಿ ಬಟ್ಟೆಗಳನ್ನು ವಾರಕ್ಕೆ ಕನಿಷ್ಠ ಎರಡು ಬಾರಿಯಾದರೂ ತೊಳೆಯಿರಿ. ಬಟ್ಟೆಗಳು ಅತಿಯಾದ ಜಿಡ್ಡಾಗುವವರೆಗೂ ಕಾಯಬೇಡಿ. ತೊಳೆದ ನಂತರ ಬಟ್ಟೆಗಳನ್ನು ಚೆನ್ನಾಗಿ ಒಣಗಿಸಿ, ಒದ್ದೆಯಾಗಿ ಇಡಬೇಡಿ.