ಸಲ್ಮಾನ್ ಆರೋಪಗಳನ್ನು ನಿರಾಕರಿಸಿದ್ದರೂ, ಲಾರೆನ್ಸ್ ಸೋದರಸಂಬಂಧಿ, ವರ್ಷಗಳ ಹಿಂದೆ 'ಬ್ಲಾಂಕ್ ಚೆಕ್' ಮೂಲಕ ವಿಷಯವನ್ನು ಕೊನೆಗೊಳಿಸಲು ನಟ ಪ್ರಯತ್ನಿದ್ದರು ಆರೋಪಿಸಿದ್ದಾರೆ.
ಜೈಲಿನಲ್ಲಿರುವ ಗ್ಯಾಂಗ್ಸ್ಟರ್ ಲಾರೆನ್ಸ್ ಬಿಷ್ಣೋಯಿ ಅವರ ಸೋದರಸಂಬಂಧಿ ರಮೇಶ್ ಬಿಷ್ಣೋಯಿ, ಸಲ್ಮಾನ್ ಖಾನ್ ಪ್ರಕರಣದಲ್ಲಿ ಲಾರೆನ್ಸ್ ಬಿಷ್ಣೋಯಿಗೆ ಬೆಂಬಲ ನೀಡಿದ್ದಾರೆ.
ರಮೇಶ್ ಬಿಷ್ಣೋಯಿ ಇತ್ತೀಚಿನ ಸಂದರ್ಶನವೊಂದರಲ್ಲಿ ಸಲ್ಮಾನ್ ಖಾನ್ ಬಿಷ್ಣೋಯಿ ಸಮುದಾಯಕ್ಕೆ ಜೀವ ಉಳಿಸಲು ದೊಡ್ಡ ಆಫರ್ ನೀಡಿದ್ದರು ಎಂದು ಹೇಳಿದ್ದಾರೆ.
ರಮೇಶ್ ಬಿಷ್ಣೋಯಿ ಎನ್ಡಿಟಿವಿ ಜೊತೆಗಿನ ಸಂದರ್ಶನದಲ್ಲಿ, "ನಾವು ಹಣದ ಹಿಂದೆ ಇದ್ದಿದ್ದರೆ, ನಾವು ಅದನ್ನು ಸ್ವೀಕರಿಸುತ್ತಿದ್ದೆವು. ಆದರೆ ನಮಗೆ ಹಣದ ಅವಶ್ಯಕತೆ ಇಲ್ಲ" ಎಂದು ಹೇಳಿದ್ದಾರೆ
ಲಾರೆನ್ಸ್ ಹಣಕ್ಕಾಗಿ ಬೆದರಿಕೆ ಹಾಕುತ್ತಿದ್ದಾನೆ ಎಂದು ಸಲ್ಮಾನ್ ಅವರ ತಂದೆ ಸಲೀಂ ಖಾನ್ ಹೇಳಿದ್ದಾರೆ ಎಂದು ರಮೇಶ್ ತಿಳಿಸಿದರು.
ಅವರ ಮಗ ನಮ್ಮ ಮುಂದೆ ಬ್ಲಾಂಕ್ ಚೆಕ್ಬುಕ್ ತಂದಿದ್ದರು ಎಂದು ನಾನು ಅವರಿಗೆ ನೆನಪಿಸುತ್ತೇನೆ. ನಾವು ಹಣದ ಹಿಂದೆ ಬಿದ್ದಿದ್ದರೆ, ನಾವು ಅದನ್ನು ಆಗಲೇ ತೆಗೆದುಕೊಳ್ಳುತ್ತಿದ್ದೆವು.
ಕೃಷ್ಣಮೃಗ ಬೇಟೆ ಪ್ರಕರಣದಲ್ಲಿ ಸಲ್ಮಾನ್ ಖಾನ್ ವಿರುದ್ಧ ಬಿಷ್ಣೋಯಿ ಗ್ಯಾಂಗ್ನಲ್ಲಿ ತೀವ್ರ ಅಸಮಾಧಾನವಿದೆ.
ಯಾರೇನೇ ಹೇಳಲಿ, ಈ ವಿಷಯದಲ್ಲಿ ಇಡೀ ಬಿಷ್ಣೋಯಿ ಸಮುದಾಯ ಲಾರೆನ್ಸ್ ಜೊತೆಗಿದೆ ಎಂದು ರಮೇಶ್ ಬಿಷ್ಣೋಯಿ ಹೇಳಿದರು.
ಗ್ಯಾಂಗ್ಸ್ಟರ್ ಲಾರೆನ್ಸ್ ಬಿಷ್ಣೋಯಿ ಹೆಸರಿನಲ್ಲಿ ಸಲ್ಮಾನ್ ಖಾನ್ಗೆ ಬೆದರಿಕೆ ಹಾಕಿ 5 ಕೋಟಿ ರೂ. ಬೇಡಿಕೆ ಇಟ್ಟಿದ್ದ ವ್ಯಕ್ತಿಯನ್ನು ಮುಂಬೈ ಪೊಲೀಸರು ಇತ್ತೀಚೆಗೆ ಜಮ್ಶೆಡ್ಪುರದಿಂದ ಬಂಧಿಸಿದ್ದಾರೆ.
ಈ ಮಧ್ಯೆ, ಸಲ್ಮಾನ್ ಖಾನ್ ಆಪ್ತ ಮಿತ್ರ ಮತ್ತು ಎನ್ಸಿಪಿ ನಾಯಕ ಬಾಬಾ ಸಿದ್ದಿಕಿ ಹತ್ಯೆಯಾದ ಕೆಲವೇ ದಿನಗಳಲ್ಲಿ ಸೂಪರ್ಸ್ಟಾರ್ ಬಿಗ್ ಬಾಸ್ 18ಕ್ಕೆ ಮರಳಿದ್ದಾರೆ.
ತಾನು ಕಾರ್ಯಕ್ರಮಕ್ಕೆ ಮರಳಲು ಇಷ್ಟವಿರಲಿಲ್ಲ, ಆದರೆ ಒಪ್ಪಂದ ಮತ್ತು ವೃತ್ತಿಪರತೆಯಿಂದಾಗಿ ಮರಳಿದ್ದೇನೆ ಎಂದು ಸಲ್ಮಾನ್ ಒಪ್ಪಿಕೊಂಡಿದ್ದಾರೆ.