ಒಂದು ದೇಶ ಒಂದು ಚುನಾವಣೆ ಮಸೂದೆ

'ಒಂದು ದೇಶ ಒಂದು ಚುನಾವಣೆ ಮಸೂದೆ'ಯನ್ನು ಇಂದು ಲೋಕಸಭೆಯಲ್ಲಿ ಮಂಡನೆ ವೇಳೆ ಗೈರುಹಾಜರಾಗಿರುವುದು ಅಚ್ಚರಿ ಮೂಡಿಸಿದೆ. ಅಲ್ಲದೆ ಗೈರಾದ ಸಂಸದರಿಗೆ ಬಿಜೆಪಿ ನೋಟಿಸ್ ಕಳುಹಿಸಲಿದೆ ಎನ್ನಲಾಗಿದೆ.

ಕೇಂದ್ರ ಸರ್ಕಾರವು ಮಂಗಳವಾರ ಲೋಕಸಭೆಯಲ್ಲಿ 'ಒಂದು ದೇಶ ಒಂದು ಚುನಾವಣೆ ಮಸೂದೆ' ಯನ್ನು ಮಂಡಿಸಿತು. ಆದರೆ, ಈ ಸಂದರ್ಭದಲ್ಲಿ ಬಿಜೆಪಿಯ ಸುಮಾರು 10 ಸಂಸದರು ಗೈರುಹಾಜರಾಗಿದ್ದರು.

ಬಿಜೆಪಿ ಒಂದು ದಿನ ಮೊದಲು ಎಲ್ಲಾ ಸಂಸದರಿಗೆ ಸದನದಲ್ಲಿ ಹಾಜರಿರಲು ವಿಪ್ ಜಾರಿ ಮಾಡಿತ್ತು, ಆದರೂ ಮಸೂದೆಯ ಮತದಾನದ ಸಮಯದಲ್ಲಿ ಈ ಸಂಸದರು ಗೈರುಹಾಜರಾಗಿದ್ದರು.

ವರದಿಗಳ ಪ್ರಕಾರ, ಗೈರುಹಾಜರಾದ ಸಂಸದರಲ್ಲಿ ಹಲವು ಕೇಂದ್ರ ಸಚಿವರಿದ್ದಾರೆ. ಬಿಜೆಪಿ ಈಗ ಈ ಸಂಸದರಿಗೆ ನೋಟಿಸ್ ಜಾರಿ ಮಾಡಲಿದೆ ಎಂದು ಹೇಳಲಾಗುತ್ತಿದೆ.

'ಒಂದು ದೇಶ ಒಂದು ಚುನಾವಣೆ ಮಸೂದೆ' ಮಸೂದೆ ಮಂಡನೆಯಾದಾಗ ಪರವಾಗಿ ಕೇವಲ 269 ಮತಗಳು ಬಿದ್ದವು. ಇದರ ನಂತರ ಕಾಂಗ್ರೆಸ್ ಸರ್ಕಾರವನ್ನು ಪ್ರಶ್ನಿಸಿ, ಇವರಿಗೆ ಎರಡು ಭಾಗದಷ್ಟು ಬಹುಮತ ಹೇಗೆ ಸಿಗುತ್ತದೆ ಎಂದು ಹೇಳಿತು.

ಬಿಜೆಪಿ ಮೂಲಗಳ ಪ್ರಕಾರ, ಮತದಾನದ ಸಮಯದಲ್ಲಿ ಗೈರುಹಾಜರಾದ ಸಂಸದರಲ್ಲಿ ಜಗದಾಂಬಿಕಾ ಪಾಲ್, ಶಾಂತನು ಠಾಕೂರ್, ಬಿ.ವೈ. ರಾಘವೇಂದ್ರ, ಗಿರಿರಾಜ್ ಸಿಂಗ್, ಜ್ಯೋತಿರಾದಿತ್ಯ ಸಿಂಧಿಯಾ, ನಿತಿನ್ ಗಡ್ಕರಿ ಹೆಸರಿದೆ.

ಇದಲ್ಲದೆ, ವಿಜಯ್ ಬಘೇಲ್, ಉದಯರಾಜ್ ಭೋಂಸ್ಲೆ, ಭಗೀರಥ್ ಚೌಧರಿ, ಜಗನ್ನಾಥ್ ಸರ್ಕಾರ್ ಮತ್ತು ಜಯಂತ್ ಕುಮಾರ್ ರಾಯ್ ಕೂಡ ಮತದಾನದ ಸಮಯದಲ್ಲಿ ಹಾಜರಿರಲಿಲ್ಲ.

ಇದಲ್ಲದೆ, ಎನ್‌ಡಿಎ ಮೈತ್ರಿಕೂಟದಲ್ಲಿ ಜನಸೇನಾ ಪಕ್ಷದಿಂದ ಬಾಲಸೌರಿ ಕೂಡ ಸದನದಲ್ಲಿ ಹಾಜರಿರಲಿಲ್ಲ. ಪಕ್ಷವು ಎಲ್ಲಾ ಸಂಸದರಿಗೆ ವಿಪ್ ಉಲ್ಲಂಘನೆ ಪ್ರಕರಣದಲ್ಲಿ ನೋಟಿಸ್ ಜಾರಿ ಮಾಡಲಿದೆ.

ವರದಿಗಳ ಪ್ರಕಾರ, ವಿಪ್ ಜಾರಿಯಾದ ನಂತರ ಯಾವುದೇ ಸಂಸದರು ಗೈರುಹಾಜರಾಗಿದ್ದರೆ, ಅವರು ಪಕ್ಷಕ್ಕೆ ಉತ್ತರಿಸಬೇಕಾಗುತ್ತದೆ. ಪಕ್ಷವು ಉತ್ತರದಿಂದ ತೃಪ್ತವಾಗದಿದ್ದರೆ ಕ್ರಮ ಕೈಗೊಳ್ಳಬಹುದು.