ಡಿಜಿಟಲ್ ಅರೆಸ್ಟ್ ಹಗರಣ ತಪ್ಪಿಸಲು ಸಲಹೆಗಳು

ಡಿಜಿಟಲ್ ಅರೆಸ್ಟ್‌ ಹಗರಣ ಗುರುತಿಸುವುದು ಹೇಗೆ ಮತ್ತು ನಿಮ್ಮನ್ನು ಸುರಕ್ಷಿತವಾಗಿರಿಸಿಕೊಳ್ಳುವ ಬಗ್ಗೆ ಇಲ್ಲಿದೆ 8 ಮಾರ್ಗಗಳು

ಡಿಜಿಟಲ್ ಬಂಧನ ಹಗರಣವು ಜನರನ್ನು ಕಾನೂನು ಕ್ರಮದ ಭಯದಿಂದ ಹಣ ವರ್ಗಾವಣೆ ಮಾಡುವಂತೆ ಬೆದರಿಸುವ ಹೊಸ ಸೈಬರ್ ಅಪರಾಧವಾಗಿದೆ. ಇದರಿಂದ ಪಾರಾಗೋದು ಹೇಗೆ ಎಂಬ ಬಗ್ಗೆ ಇಲ್ಲಿದೆ ಮಾಹಿತಿ

ಡಿಜಿಟಲ್ ಬಂಧನ ಹಗರಣವು ಇತ್ತೀಚಿನ ದಿನಗಳಲ್ಲಿ ಮಹಾನಗರಗಳಲ್ಲಿ ಹೆಚ್ಚಾಗಿದೆ. ಇದು ಒಂದು ಹೊಸ ರೀತಿಯ ಸೈಬರ್ ವಂಚನೆಯಾಗಿದ್ದು, ಇದರಲ್ಲಿ ಜನರಿಗೆ ಕಾನೂನು ಕ್ರಮದ ಭಯವನ್ನು ತೋರಿಸಿ ಹಣ ವಸೂಲಿ ಮಾಡಲಾಗುತ್ತದೆ.

ಈ ವಂಚನೆಯಲ್ಲಿ 1 ಫೋನ್ ಕರೆ, ಇಮೇಲ್ ಅಥವಾ ಸಂದೇಶ ಬರುತ್ತದೆ, ಇದರಲ್ಲಿ ಅವರು ನೀವು ಅಕ್ರಮ ಚಟುವಟಿ, ಹಣ ವರ್ಗಾವಣೆಯಂತಹ ಅಪರಾಧಗಳ ತನಿಖೆಯ ವ್ಯಾಪ್ತಿಯಲ್ಲಿದ್ದಾರೆ ಎಂದು ಸುಳ್ಳು ಹೇಳಿ ಬೆದರಿಸುತ್ತಾರೆ.

ವಂಚಕರು ತಾವು ಅಧಿಕಾರಿಗಳೆಂದು ಹೇಳಿ ಒತ್ತಡ ಹೇರುತ್ತಾರೆ, ತಕ್ಷಣ ಪ್ರತಿಕ್ರಿಯಿಸದಿದ್ದರೆ ಬಂಧಿಸಲಾಗುತ್ತದೆ, ಕಾನೂನು ಶಿಕ್ಷೆ ಅನುಭವಿಸಬೇಕಾಗುತ್ತದೆ ಎಂದು ಬೆದರಿಸುತ್ತಾರೆ. ಇದರಿಂದ ಸಂತ್ರಸ್ತರು ಭಯಪಡುತ್ತಾರೆ

ತಮ್ಮನ್ನು ಅಧಿಕಾರಿಗಳೆಂದು ಹೇಳಿಕೊಂಡು ಕರೆ, ಇಮೇಲ್ ಅಥವಾ ಸಂದೇಶಗಳು ಬಂದರೆ ಎಚ್ಚರವಾಗಿರಿ.

ನಿಜವಾದ ಕಾನೂನು ಜಾರಿ ಅಧಿಕಾರಿಗಳು ನಿಮ್ಮ ಬ್ಯಾಂಕಿಂಗ್ ಮಾಹಿತಿ ಅಥವಾ ಪಾವತಿಯನ್ನು ಎಂದಿಗೂ ಕೇಳುವುದಿಲ್ಲ ಎಂಬುದನ್ನು ನೆನಪಿನಲ್ಲಿಡಿ.

ಸೈಬರ್ ಅಪರಾಧಿಗಳು ಆಗಾಗ ತಕ್ಷಣದ ಪ್ರತಿಕ್ರಿಯೆಗಾಗಿ ಬೆದರಿಸಲು ಭಯಾನಕ ಭಾಷೆ ಬಳಸುತ್ತಾರೆ. ಇದರಿಂದ ಹೆದರಬೇಡಿ. 

ಯಾವುದೇ ಮಾಹಿತಿಯನ್ನು ಪರಿಶೀಲಿಸದೆ ಆತುರದ ನಿರ್ಧಾರಗಳನ್ನು ತೆಗೆದುಕೊಳ್ಳುವುದನ್ನು ತಪ್ಪಿಸಿ. ಯಾವುದೇ ಕರೆಯ ಬಗ್ಗೆ ನಿಮಗೆ ಸಂದೇಹವಿದ್ದರೆ, ನೇರವಾಗಿ ಆ ಸಂಸ್ಥೆಯನ್ನು ಸಂಪರ್ಕಿಸಿ ಅವರ ಗುರುತನ್ನು ಪರಿಶೀಲಿಸಿ.

ವೈಯಕ್ತಿಕ ವಿವರಗಳನ್ನು ಹಂಚಿಕೊಳ್ಳಬೇಡಿ ಮತ್ತು ಅಪರಿಚಿತ ಸಂಖ್ಯೆಗಳಿಗೆ ಸೂಕ್ಷ್ಮ ವಿವರಗಳನ್ನು ನೀಡಬೇಡಿ. ಸರ್ಕಾರಿ ಸಂಸ್ಥೆಗಳು WhatsApp ಅಥವಾ Skype ಮೂಲಕ ಅಧಿಕೃತ ಸಂವಹನ ನಡೆಸುವುದಿಲ್ಲ.