ಮೂತ್ರಪಿಂಡ ವೈಫಲ್ಯದ ಲಕ್ಷಣಗಳು

ಮೂತ್ರಪಿಂಡ ವೈಫಲ್ಯದ ಲಕ್ಷಣಗಳು ಯಾವುವು ಎಂದು ನೋಡೋಣ.

ಅತಿಯಾದ ಆಯಾಸ ಮತ್ತು ನಿಶ್ಯಕ್ತಿ ಹಲವು ಕಾರಣಗಳಿಂದ ಉಂಟಾಗಬಹುದು. ಆದರೆ ಮೂತ್ರಪಿಂಡಕ್ಕೆ ಸಂಬಂಧಿಸಿದ ಸಮಸ್ಯೆಗಳಿಂದಲೂ ಆಯಾಸ, ನಿಶ್ಯಕ್ತಿ ಉಂಟಾಗಬಹುದು.

ರಾತ್ರಿಯಲ್ಲಿ ಹೆಚ್ಚು ಬಾರಿ ಮೂತ್ರ ವಿಸರ್ಜಿಸಲು ಎಚ್ಚರಗೊಳ್ಳುವುದು ಮೂತ್ರಪಿಂಡದ ತೊಂದರೆಗಳ ಸೂಚನೆಯಾಗಿರಬಹುದು.

ಮೂತ್ರದ ಪ್ರಮಾಣ ಹೆಚ್ಚಾಗುವುದು ಅಥವಾ ಕಡಿಮೆಯಾಗುವುದು, ಮೂತ್ರದ ಬಣ್ಣ ಗಾಢವಾಗುವುದು ಮುಖ್ಯ ಲಕ್ಷಣಗಳಾಗಿವೆ.

ಮೂತ್ರಪಿಂಡಗಳು ವಿಫಲವಾದಾಗ ದೇಹದಲ್ಲಿನ ತ್ಯಾಜ್ಯ ಮತ್ತು ಲವಣಗಳು ರಕ್ತದಲ್ಲಿ ಸಂಗ್ರಹವಾಗುತ್ತವೆ. ಇದರಿಂದ ಚರ್ಮರೋಗ ಮತ್ತು ತುರಿಕೆ ಉಂಟಾಗಬಹುದು.

ಮೂತ್ರಪಿಂಡದ ಕಾರ್ಯ ನಿಧಾನವಾದಾಗ ಕಾಲುಗಳಲ್ಲಿ, ಕೈಗಳಲ್ಲಿ, ಕಣ್ಣಿನ ಕೆಳಗೆ ಮತ್ತು ಮುಖದಲ್ಲಿ ಊತ ಉಂಟಾಗಬಹುದು.

ಬೆನ್ನು ಮತ್ತು ಹೊಟ್ಟೆಯ ಬದಿಗಳಲ್ಲಿ ನೋವು ಕೆಲವೊಮ್ಮೆ ಮೂತ್ರಪಿಂಡದ ಕಾಯಿಲೆಯ ಲಕ್ಷಣಗಳಾಗಿರಬಹುದು.

ಮೇಲೆ ತಿಳಿಸಿದ ಲಕ್ಷಣಗಳು ಕಂಡುಬಂದಲ್ಲಿ ಸ್ವಯಂ ರೋಗನಿರ್ಣಯ ಮಾಡಿಕೊಳ್ಳದೆ ವೈದ್ಯರನ್ನು ಸಂಪರ್ಕಿಸಿ. ವೈದ್ಯಕೀಯ ತಪಾಸಣೆಯ ನಂತರ ಮಾತ್ರ ರೋಗವನ್ನು ದೃಢೀಕರಿಸಿ.