ತರಕಾರಿ ಹಾಕಿರೋ ತಾಲಿಪಟ್ಟು ಅಥವಾ ಒಡಪೆ ಎಂಥವ್ರ ಬಾಯಲ್ಲೂ ನೀರು ತರಿಸುತ್ತೆ!

ಮಕ್ಕಳು ತರಕಾರಿ ತಿನ್ನೋದಿಲ್ಲ ಎನ್ನುವ ದೂರು ಇದ್ದೇ ಇರುತ್ತದೆ. ಆದರೆ ಎಲ್ಲ ತರಕಾರಿ ಹಾಕಿದ ಈ ತಿಂಡಿ ಮಾತ್ರ ಎಂಥವರಿಗೂ ಕೂಡ ರುಚಿ ಆಗುವುದು.

ತಾಳಿಪೀಟ್‌ ಅಥವಾ ಒಡಪೆ, ತಾಲಿಪಟ್ಟು ಎಂದು ಕರೆಯುವ ಈ ತಿಂಡಿಗೆ ತರಕಾರಿ ಹಾಗೂ ಅಕ್ಕಿ ಹಿಟ್ಟು, ಮೊಸರು ಬೇಕು.

ಕುತ್ತುಂಬರಿ ಸೊಪ್ಪು, ಈರುಳ್ಳಿ, ಸವತೆಕಾಯಿ, ಹಸಿಮೆಣಸು, ಟೊಮ್ಯಾಟೋವನ್ನು ಸಣ್ಣದಾಗಿ ಪಲ್ಯಕ್ಕೆ ಹಾಕೋ ಥರ ಕಟ್‌ ಮಾಡ್ಕೊಳ್ಳಿ.

ಕಟ್‌ ಮಾಡ್ಕೊಂಡ ಈ ತರಕಾರಿಗೆ ಸ್ವಲ್ಪ ಉಪ್ಪು, ಅರಿಷಿಣ, ಸ್ವಲ್ಪ ಖಾರದಪುಡಿ, ಮೊಸರು ಹಾಕಿ, ಅಕ್ಕಿ ಬೇಕಾದಷ್ಟು ಹಿಟ್ಟು ಹಾಕಿ ಕಲಸಿಕೊಳ್ಳಿ. ಇದಕ್ಕೆ ನೀರು ಹಾಕುವುದು ಬೇಡ.

ಸವತೆಕಾಯಿಯಲ್ಲೂ ನಿರು ಇರುವುದು. ಹೀಗಾಗಿ ಎಕ್ಸ್ಟ್ರಾ ನೀರು ಬೇಡ. ಇವುಗಳೆಲ್ಲವನ್ನು ಮಿಕ್ಸ್‌ ಮಾಡಿ ಹದವಾಗಿ ಕಲಸಿ, ಹಿಟ್ಟು ಗಟ್ಟಿ ಇರಬೇಕು.

ಈ ಹಿಟ್ಟು ಕಲಸಿ ಅರ್ಧ ದಿನ ಅಥವಾ ಒಂದು ರಾತ್ರಿ ಕಳೆದರೆ ತುಂಬ ಚೆನ್ನ. ಆಮೇಲೆ ಬಾಳೆಎಲೆಗೆ ಸ್ವಲ್ಪ ಎಣ್ಣೆ ಹಚ್ಚಿ ಅದರ ಮೇಲೆ ರೊಟ್ಟಿ ತಟ್ಟುವ ಹಾಗೆ ಈ ಹಿಟ್ಟನ್ನು ತಟ್ಟಿ. ಪ್ಲೇಟ್‌ ಮೇಲೆಯೂ ಇದನ್ನು ಮಾಡಬಹುದು.

ರೊಟ್ಟಿ ಅಷ್ಟು ತೆಳ್ಳಗೆ ಆಗೋದು ಬೇಡ, ಆದರೆ ತುಂಬ ದಪ್ಪವೂ ಬೇಡ. ಬೇಯಲು ಅನುಕೂಲ ಆಗುವಂತೆ ವೃತ್ತಾಕಾರದಲ್ಲಿ ಹಚ್ಚಿ, ಅದರ ಮಧ್ಯೆ ಸಣ್ಣದಾಗಿ ಮೂರು ಕಡೆ ತೂತು ಮಾಡಿ

ಕಾವಲಿ ಮೇಲೆ ತಾಲಿಪಟ್ಟು ಹಾಕಿ, ಅದಕ್ಕೆ ಎಣ್ಣೆ ಅಥವಾ ಬೆಣ್ಣೆ ಅಥವಾ ತುಪ್ಪ ಹಾಕಿ ಬೇಯಿಸಿದರೆ ಸವಿ ಸವಿಯಾಗಿ ತಿನ್ನಲು ತಾಳಿಪೀಟು ರೆಡಿ.

ತಾಲಿಪಟ್ಟುಗೆ ಚಟ್ನಿ ಅಥವಾ ಬೆಲ್ಲ ಇದ್ದರೆ ತುಂಬ ರುಚಿಯಾಗಿರುತ್ತದೆ.