ರುಚಿಯಾಗಿರೋ ಖಾರವಾದ ಉಳ್ಳಾಗಡ್ಡಿ ಚಟ್ನಿ

ಈರುಳ್ಳಿ: 2, ಜೀರಿಗೆ: 1 ಟೀ ಸ್ಪೂನ್, ಸಾಸವೆ: 1/2 ಟೀ ಸ್ಪೂನ್, ಅಚ್ಚ  ಖಾರದ ಪುಡಿ: 2 ಟೀ ಸ್ಪೂನ್, ಹುಣಸೆಹಣ್ಣು: ಅಡಿಕೆ ಗಾತ್ರದಷ್ಟು, ಎಣ್ಣೆ: 1 ಟೀ ಸ್ಪೂನ್, ಕೋತಂಬರಿ ಸೊಪ್ಪು, ಉಪ್ಪು, ಕರೀಬೇವು: 4 ಎಲೆ

ಮೊದಲಿಗೆ ಈರುಳ್ಳಿಯನ್ನು ಸಣ್ಣದಾಗಿ ಕತ್ತರಿಸಿಕೊಳ್ಳಿ. ಈಗ ಇದನ್ನು ರುಬ್ಬುವ ಕಲ್ಲಿಗೆ ಹಾಕಿಕೊಳ್ಳಿ. ಇದಕ್ಕೆ ಜೀರಿಗೆ ಸೇರಿಸಿ ಚೆನ್ನಾಗಿ ಜಜ್ಜಿಕೊಳ್ಳಬೇಕು.

ನಂತರ ಇದಕ್ಕೆ ಹುಣಸೆಹಣ್ಣು, ಅಚ್ಚ ಖಾರದ ಪುಡಿ, ಉಪ್ಪು ಸೇರಿಸಿ ಚೆನ್ನಾಗಿ ಜಜ್ಜಿಕೊಳ್ಳಬೇಕು. ಕೊನೆಗೆ ಕೋತಂಬರಿ ಸೊಪ್ಪು ಹಾಕಿ ಜಜ್ಜಿಕೊಳ್ಳಿ.

ಈಗ ಒಲೆ ಆನ್ ಮಾಡ್ಕೊಂಡು ಪಾತ್ರೆ ಇರಿಸಿಕೊಂಡು ಎಣ್ಣೆ ಹಾಕಿ, ಸಾಸವೆ-ಕರೀಬೇವು ಒಗ್ಗರಣೆ ಹಾಕಿಕೊಳ್ಳಿ. 

ಈ ಒಗ್ಗರಣೆಗೆ ಜಜ್ಜಿಕೊಂಡಿರುವ ಈರುಳ್ಳಿ-ಹುಣಸೆ-ಕೋಂತಂಬರಿಯ ಮಿಶ್ರಣ ಹಾಕಿಕೊಂಡ್ರೆ ಉಳ್ಳಾಗಡ್ಡಿ ಚಟ್ನಿ ರೆಡಿ.