ಓವರ್ ಥಿಂಕರ್ಸ್

ಸಣ್ಣ ಪುಟ್ಟದ್ದನ್ನೂ ಅತಿಯಾಗಿ ಯೋಚಿಸಿ ಮೆದುಳಿಗೆ ಸುಸ್ತು ಮಾಡಿಸುವವರು ಯಾವ ರಾಶಿಗೆ ಸೇರಿರುತ್ತಾರೆ ಗೊತ್ತಾ?

ಸಣ್ಣ ನಿರ್ಧಾರವೇ ಆಗಲಿ, ಅಥವಾ ಜೀವನದ ದೊಡ್ಡ ನಿರ್ಧಾರವೇ ಆಗಲಿ- ಕನ್ಯಾ ರಾಶಿಯವರು ಎಲ್ಲವನ್ನೂ ಅತಿಯಾಗಿ ಅಳೆದು ತೂಗುತ್ತಾರೆ. ಇದರಿಂದ ಓವರ್‌ಥಿಂಕಿಂಗ್ ಇವರಲ್ಲಿ ಜಾಸ್ತಿ.

ಈ ರಾಶಿಯವರ ಮೆದುಳು ಸದಾ ಎಲ್ಲ ವಿಷಯಗಳ ಆದ್ಯತೆ, ಬಾದ್ಯತೆಯನ್ನು ಗುಣಿಸುತ್ತಾ, ಸಂಕಲಿಸುತ್ತಲೇ ಇರುತ್ತದೆ.

ಇವರು ಅದೆಷ್ಟು ಅತಿಯಾಗಿ ಯೋಚಿಸುತ್ತಾರೆಂದರೆ, ಯಾವೊಂದು ವಿಷಯವೂ ಸರಿ ಎನಿಸುವುದೇ ಇಲ್ಲವೆಂಬಷ್ಟು. ತಪ್ಪು ನಿರ್ಧಾರ ತೆಗೆದುಕೊಂಡರೆ ಎಂಬ ಭಯದಲ್ಲಿ ನಿರ್ಧಾರವೇ ತೆಗೆದುಕೊಳ್ಳುವುದಿಲ್ಲ.

ಈ ರಾಶಿಯವರು ಸದಾ ತಾವು ಮಾಡಿದ ಆಯ್ಕೆ, ತೆಗೆದುಕೊಂಡ ನಿರ್ಧಾರದ ಬಗ್ಗೆ ಯೋಚಿಸುತ್ತಲೇ ಇರುತ್ತಾರೆ. ಹಾಗೆ ಮಾಡಬಹುದಿತ್ತು, ಹೀಗೆ ಮಾಡಬಹುದಿತ್ತು ಎಂಬ ಹಳಹಳಿಕೆ ನಿಲ್ಲುವುದೇ ಇಲ್ಲ.

ತಮಗೇ ಸುಸ್ತಾಗಿ ಬಿಡುವಷ್ಟು ಆಗಿ ಹೋದ ವಿಷಯಗಳ ಬಗ್ಗೆ ಕೊರಗೀ ಕೊರಗಿ ಇಡುತ್ತಾರೆ. 

ಮನಸ್ಸಿಗೆ ಪುರುಸೊತ್ತೇ ಕೊಡದಷ್ಟು ಒಂದು ಯೋಚನೆಯಿಂದ ಮತ್ತೊಂದು ಯೋಚನೆಗೆ ಹೊರಳುತ್ತಲೇ ಇರುತ್ತಾರೆ.

ತೆಗೆದುಕೊಳ್ಳುವ ನಿರ್ಧಾರವೊಂದು ಇವರ ತಲೆಯಲ್ಲಿ ಹುಳದಂತೆ ಹೊಕ್ಕರೆ ಕಡೆಗೆ ಯಾವ ನಿರ್ಧಾರವೂ ತೆಗೆದುಕೊಳ್ಳಲು ಮನಸ್ಸಿಗೆ ಶಕ್ತಿ ಇಲ್ಲದ ಸ್ಥಿತಿ ತಲುಪಬಹುದು.