ನೈಸರ್ಗಿಕ ಸೌಂದರ್ಯವರ್ಧಕ ಆಲೂಗಡ್ಡೆ

ಹಸಿ ಆಲೂಗಡ್ಡೆಯಲ್ಲಿರುವ ವಿಟಮಿನ್ ಸಿ, ಆ್ಯಂಟಿ ಆಕ್ಸಿಡೆಂಟ್ ಮತ್ತು ಕ್ಯಾಟೆಕೋಲೇಸ್ ಎಂಬ ಎಂಜೈಮ್ ಮುಖದ ಮೇಲಿನ ಕಪ್ಪು ಕಲೆಗಳನ್ನು ಮತ್ತು ಪಿಗ್ಮೆಂಟೇಶನ್ ಹೋಗಲಾಡಿಸಲು ಸಹಕಾರಿ.     

ಆಲೂಗಡ್ಡೆಯನ್ನ ತೆಳುವಾಗಿ ಸ್ಲೈಸ್ ಮಾಡಿ. ಅದರ ಮೇಲೆ ಸ್ವಲ್ಪ ನೀರು ಅಥವಾ ಗುಲಾಬಿ ನೀರನ್ನು ಸಿಂಪಡಿಸಿ. ಕಲೆಗಳಿರುವ ಜಾಗದಲ್ಲಿ 5-7 ನಿಮಿಷ ಮೆಲ್ಲಗೆ ಮಸಾಜ್ ಮಾಡಿ, ನಂತರ 15 ನಿಮಿಷ ಬಿಟ್ಟು ತಣ್ಣೀರಿನಿಂದ ತೊಳೆಯಿರಿ. 

ಪಿಗ್ಮೆಂಟೇಶನ್ ವೇಗವಾಗಿ ಕಡಿಮೆ ಮಾಡಲು ಇದು ಬೆಸ್ಟ್! 2 ಚಮಚ ಆಲೂಗಡ್ಡೆ ರಸಕ್ಕೆ 1 ಚಮಚ ನಿಂಬೆ ರಸ ಬೆರೆಸಿ ಹತ್ತಿಯಿಂದ ಕಲೆಗಳ ಮೇಲೆ ಹಚ್ಚಿ. ನಿಂಬೆಯ ನೈಸರ್ಗಿಕ ಬ್ಲೀಚಿಂಗ್ ಗುಣವು ಮುಖಕ್ಕೆ ಹೊಳಪು ನೀಡುತ್ತದೆ.

ತ್ವಚೆ ಒಣಗಿದಂತಿದ್ದರೆ  2 ಚಮಚ ಆಲೂಗಡ್ಡೆ ರಸಕ್ಕೆ 1 ಚಮಚ ಜೇನುತುಪ್ಪ ಬೆರೆಸಿ ಫೇಸ್ ಪ್ಯಾಕ್ ತಯಾರಿಸಿ. ಇದನ್ನು ಮುಖ ಮತ್ತು ಕುತ್ತಿಗೆಗೆ ಹಚ್ಚಿ 20 ನಿಮಿಷದ ನಂತರ ತೊಳೆಯಿರಿ. ಇದು ಮುಖವನ್ನು ತೇವವಾಗಿರಿಸುತ್ತದೆ.

1 ಚಮಚ ಆಲೂಗಡ್ಡೆ ಪೇಸ್ಟ್ ಮತ್ತು 1 ಚಮಚ ತಾಜಾ ಮೊಸರು ಬೆರೆಸಿ ಮಾಸ್ಕ್ ತಯಾರಿಸಿ. ಮೊಸರಿನಲ್ಲಿರುವ ಲ್ಯಾಕ್ಟಿಕ್ ಆಸಿಡ್ ಸತ್ತ ಜೀವಕೋಶಗಳನ್ನು ತೆಗೆದುಹಾಕುತ್ತದೆ ಮತ್ತು ಆಲೂಗಡ್ಡೆ ಮುಖದ ಕಲೆಗಳನ್ನು ಮರೆಮಾಡುತ್ತದೆ.  

ನಿಮ್ಮ ತ್ವಚೆ ಅತೀ ಸೂಕ್ಷ್ಮವಾಗಿದ್ದರೆ (Sensitive Skin), ನಿಂಬೆ ರಸ ಬಳಸುವ ಮುನ್ನ ಪ್ಯಾಚ್ ಟೆಸ್ಟ್ ಮಾಡಿಕೊಳ್ಳಿ. ಉತ್ತಮ ಫಲಿತಾಂಶಕ್ಕಾಗಿ ಈ ಮನೆಮದ್ದುಗಳನ್ನು ವಾರದಲ್ಲಿ ಕನಿಷ್ಠ ಎರಡು ಬಾರಿ ಪ್ರಯತ್ನಿಸಿ ನೋಡಿ.