ಕಿಶೋರ್ ಕುಮಾರ್ ಹುಟ್ಟುಹಬ್ಬ

ಆಗಸ್ಟ್‌ 04ರಂದು ದೇಶದ ದಿಗ್ಗಜ ಹಾಡುಗಾರ ಹಾಗೂ ನಟ ಕಿಶೋರ್ ಕುಮಾರ್ ಅವರ ಹುಟ್ಟುಹಬ್ಬ ಆಚರಿಸಲಾಗುತ್ತದೆ.

ಕ್ರಿಕೆಟ್ ದಂತಕಥೆ ಸಚಿನ್ ತೆಂಡುಲ್ಕರ್, ಕಿಶೋರ್ ಕುಮಾರ್ ಹುಟ್ಟುಹಬ್ಬವನ್ನು ವಿನೂತನವಾಗಿ ಸ್ಮರಿಸಿಕೊಂಡಿದ್ದಾರೆ.

ವಿಡಿಯೋದಲ್ಲಿ ತೆಂಡುಲ್ಕರ್, "ಕಿಶೋರ್ ದಾ ಅವರ ಧ್ವನಿಯು ನೇರವಾಗಿ ಹೃದಯಕ್ಕೆ ತಲುಪುತ್ತಿತ್ತು. ಜನ್ಮದಿನದ ಶುಭಾಶಯಗಳು ಜನ್ಮದಿನದ ಮಾಂತ್ರಿಕ..! ಎಂದು ಶುಭಕೋರಿದ್ದಾರೆ.

ಕಿಶೋರ್ ಕುಮಾರ್, ಹಲವಾರು ಎವರ್‌ಗ್ರೀನ್‌ ಹಾಡುಗಳನ್ನು ಹಾಡಿದ್ದಾರೆ ಹಾಗೂ ಮನೋಜ್ಞವಾಗಿ ನಟಿಸಿದ್ದಾರೆ.

ಕಿಶೋರ್ ಕುಮಾರ್ ಅಕ್ಟೋಬರ್ 13, 1987ರಲ್ಲಿ ಇಹಲೋಕ ತ್ಯಜಿಸಿದ್ದರು.

ಸಚಿನ್‌ಗೆ ಮ್ಯೂಸಿಕ್ ಎಂದರೆ ಅಚ್ಚುಮೆಚ್ಚು ಎನ್ನುವುದು ಗುಟ್ಟಾಗಿ ಏನೂ ಉಳಿದಿಲ್ಲ. ಭಾರತದ ಗಾನ ಕೋಗಿಲೆ ಲತಾ ಮಂಗೇಶ್ಕರ್ ಜತೆ ತೆಂಡುಲ್ಕರ್ ಉತ್ತಮ ಒಡನಾಟ ಹೊಂದಿದ್ದರು.

ಸಚಿನ್ ತೆಂಡುಲ್ಕರ್, ಡಗೌಟ್‌ನಲ್ಲಿದ್ದಾಗ ಕಿಶೋರ್ ಕುಮಾರ್ ಹಾಡು ಗುನುಗುತ್ತಿದ್ದರು ಎನ್ನುವ ಗುಟ್ಟನ್ನು ಇತ್ತೀಚೆಗೆ ಸುರೇಶ್ ರೈನಾ ಸಂದರ್ಶನವೊಂದರಲ್ಲಿ ಮೆಲುಕು ಹಾಕಿದ್ದರು.