ಸೂರ್ಯ ಮತ್ತು ಜ್ಯೋತಿಕಾ

ತಮಿಳು ಸಿನಿಮಾದ ಸೂಪರ್ ಸ್ಟಾರ್ ಜೋಡಿಗಳಾದ ನಟ ಸೂರ್ಯ ಹಾಗೂ ಜ್ಯೋತಿಕಾ ದಂಪತಿಗಳ ಹೊಸ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿವೆ. 
 

ನಟಿ ಜ್ಯೋತಿಕಾ ಹೊಸ ಸಿನಿಮಾ ಮಾಡಲು ತಯಾರಿ ನಡೆಸಿದ್ದು, ಹಾಗಾಗಿ ಸಿನಿಮಾ ಆರಂಭಕ್ಕೂ ಮುನ್ನ ಗಂಡನ ಜೊತೆ ಜ್ಯೋತಿಕಾ ಟೆಂಪಲ್ ರನ್ ಮಾಡಿದ್ದಾರೆ. 
 

ಜ್ಯೋತಿಕಾ ಸೂರ್ಯ ಜೊತೆ ಮೊದಲಿಗೆ ಮಹಾರಾಷ್ಟ್ರದ ಪ್ರಸಿದ್ಧ ದೇಗುಲವಾಗಿದ್ದ ಕೊಲ್ಹಾಪುರ ಮಹಾಲಕ್ಷ್ಮೀ ದೇವಾಲಯಕ್ಕೆ ಭೇಟಿ ನೀಡಿ ಪೂಜೆ ಸಲ್ಲಿಸಿದ್ದರು. 
 

ಅಲ್ಲದೇ ಜ್ಯೋತಿಕಾ ಪವರ್ ಫುಲ್ ಮಂದಿರಗಳಾದ ಅಸ್ಸಾಂನ ಗುಹಾವಟಿಯಲ್ಲಿರುವ ಕಾಮಕ್ಯ ಮಂದಿರಕ್ಕೆ ಭೇಟಿ ನೀಡಿ ಅಲ್ಲೂ ಪೂಜೆ ಸಲ್ಲಿಸಿದ್ದರು. 
 

ಜ್ಯೋತಿಕಾ ಅವರ ವೆಬ್ ಸರಣಿ ''ಡಬ್ಬಾ ಕಾರ್ಟೆಲ್'' ಪ್ರಸ್ತುತ ನೆಟ್‌ಫ್ಲಿಕ್ಸ್‌ನಲ್ಲಿ ಸದ್ದು ಮಾಡುತ್ತಿದೆ. ಜ್ಯೋತಿಕಾ ಅವರ ಅಭಿನಯವನ್ನು ಎಲ್ಲರೂ ಹೊಗಳುತ್ತಿದ್ದಾರೆ. 
 

ಇದೀಗ ನಟಿ ತಮ್ಮ ಮುಂದಿನ ಚಿತ್ರದ ತಯಾರಿಗಾಗಿ, ಅವರು ಇತ್ತೀಚೆಗೆ ತಮ್ಮ ಪತಿ ಸೂರ್ಯ ಅವರೊಂದಿಗೆ  ಶಕ್ತಿ ಪೀಠಗಳಿಗೆ ಭೇಟಿ ನೀಡಿ ಆಶೀರ್ವಾದ ಪಡೆದಿದ್ದಾರೆ. 
 

ಸದ್ಯಕ್ಕೆ ಜ್ಯೋತಿಕಾ ವೆಬ್ ಸೀರೀಸ್ ಗಳಲ್ಲಿ ಬ್ಯುಸಿಯಾಗಿದ್ದಾರೆ. ಇವರು ಈಗಷ್ಟೇ ವೆಬ್ ಸೀರೀಸ್ ಮುಗಿಸಿದ್ದು, ಮತ್ತೊಂದು ವೆಬ್ ಸಿರೀಸ್ ಗೆ ತಯಾರಿ ನಡೆಸುತ್ತಿದ್ದಾರೆ, 
 

ಸೂರ್ಯ ಬಗ್ಗೆ ಹೇಳುವುದಾದರೆ, ಅವರು ತಮ್ಮ ಕೊನೆಯ ಚಿತ್ರ ಕಂಗುವಾ ಮೂಲಕ ಪ್ರೇಕ್ಷಕರನ್ನು ನಿರಾಶೆಗೊಳಿಸಿದರು. ಇದೀಗ ಶೀಘ್ರದಲ್ಲೇ ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ ರೆಟ್ರೋ ಚಿತ್ರದಲ್ಲಿ ನಟಿಸಲಿದ್ದಾರೆ.