80 ವರ್ಷದ ಮೇಲ್ಪಟ್ಟವರಿಗೆ ಕೊರೋನಾ ಚಿಕಿತ್ಸೆ ನಿರಾಕರಣೆ

ಕೊರೋನಾ ವೈರಸ್‌ನಿಂದ ಸಾವು ಸಂಭವಿಸುವುದಿಲ್ಲ ಎಂದು ಹೇಳುವವರಿಗೆ ಶಾಕಿಂಗ್ ನ್ಯೂಸ್. ಇಟಲಿಯಲ್ಲಿ ಹೆಚ್ಚು ಸಂಖ್ಯೆಯಲ್ಲಿ ಸಾವು ಸಂಭವಿಸಿದೆ. ಅಲ್ಲದೇ ಇನ್ನೂ ಒಂದು ಶಾಕಿಂಗ್ ಸಂಗತಿ ಇಲ್ಲಿದೆ. 

ರೋಮ್ (ಮಾ.16] : ಮಾರಕ ಕೊರೋನಾ ವೈರಸ್‌ನಿಂದ ಸಾವು ಸಂಭವಿಸುವುದಿಲ್ಲ ಎಂದು ಹೇಳುವವರಿಗೆ ಶಾಕಿಂಗ್ ನ್ಯೂಸ್. ಚೀನಾ ನಂತರ ಕೊರೋನಾ ವೈರಸ್ ಅತಿ ಹೆಚ್ಚು ತಾಂಡವವಾಡುತ್ತಿರುವ ಇಟಲಿಯಲ್ಲಿ ಭಾನುವಾರ ಒಂದೇ ದಿನ ಬರೋಬ್ಬರಿ 368  ಜನ  ಬಲಿಯಾಗಿದ್ದಾರೆ. 

80 ವರ್ಷ ದಾಟಿದವರಿಗೆ ಚಿಕಿತ್ಸೆ ಇಲ್ಲ : ಕೊರೋನಾ ವೈರಸ್ ನಿಂದ ತತ್ತರಿಸಿರುವ ಇಟಲಿ, ಸೋಂಕಿತರಿಗೆ ಚಿಕಿತ್ಸೆ ನೀಡಲೂ ಒದ್ದಾಡುತ್ತಿದೆ. ಸೋಂಕಿತರ ಸಂಖ್ಯೆ ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ 80 ವರ್ಷ ದಾಟಿರುವ ಕೊರೋನಾ ಪೀಡಿತರಿಗೆ ತುರ್ತು ನಿಗಾಘಟಕದಲ್ಲಿ ಅವಕಾಶ ನಿರಾಕರಿಸುತ್ತಿದೆ.

ಇಟಲಿಯ ಟ್ಯೂರಿನ್ ಬಿಕ್ಕಟ್ಟು ನಿರ್ವಹಣಾ ಘಟಕ ಸಿದ್ಧಪಡಿಸಿರುವ ವರದಿಯಲ್ಲಿ ಸ್ಫೋಟಕ ಮಾಹಿತಿ ಇದೆ.